استفسار عن النادي الرياضي في الجامعه

[dreams sky]

السلام عليكم

انا حابه اشترك في النادي الرياضي في الجامعه او الخيمه الرياضيه وحابه اعرف اي معلومه عن كيفيه الاشتراك والانشطه اللي موجوده فيه ؟؟

زي مثلا كرة سلة فيه وكدا ؟


وشكرا

[Optimistic Sona]

.
.


وعليكم السلام ورحمة الله ..

الترم هذا رحت أسجل بس قالولي تأخرتي تعالي الترم الجاي :/
استفسرت طبعا وجاوبوا بالتالي :
لازم تجيبي فحص طبي - من الإدارة الطبية - .
وتجيبي جدولك مختوم من كليتك
المجالات اللي عندهم :
كرة سلة - كرة قدم - كرة طائرة - آيروبيك - ريشة
- بلياردو ... ما أفتكر إذا في شي كمان

ومرة سمعت برضو انو تخصصي لبس رياضي محتشم للنادي

هذا اللي أعرفه .. أتمنى أكون أفدتك :)

[حلا قديح]

طيب متى التسجيل وين مكانو بالجامعة

ياريت تدلوني انا كمان عليه

[في سكون الليل]

طيب هوا متاح لطالبات الإنتسااب
ومن وين نختم جداولنا على ماعتقد مايهم اختم جدولي بحكم اني انتسااب يالليت تجاوبو بلللييز حبيباتي

[جامعية كول]

هل يوجد لطالبات الانتساب. نصيب من هذا النادي

[عـ ـلآء | Ālอ'อ]

المشاركة الأصلية كتبت بواسطة جامعية كول هل يوجد لطالبات الانتساب. نصيب من هذا النادي

كـ طلاب أو طالبات انتساب لكم حق تشتركوا .

[غروووومة]

والله حتى أنا نفسي أشترك فيه

بس أبي دراجات...... سمعت إنه فيه بس ما أدري

إن شاء الله إذا داومت يوم السبت بأروح أسأل بإذن الله

[girl.k.s.a]

تمااااااااام الحمدلله لقيت الموضوع اللي أبغى أسأل فيه

طيب يآ حلوآت مكآن التسجيل في مبنى 13 صح ؟
بس متى يبدأ التسجيل ؟
وأقدر أسجل في أوقآت مختلفة والا ايش النظآم بالضبط ؟؟؟؟؟؟

[Optimistic Sona]

المشاركة الأصلية كتبت بواسطة girl.k.s.a تمااااااااام الحمدلله لقيت الموضوع اللي أبغى أسأل فيه طيب يآ حلوآت مكآن التسجيل في مبنى 13 صح ؟ بس متى يبدأ التسجيل ؟ وأقدر أسجل في أوقآت مختلفة والا ايش النظآم بالضبط ؟؟؟؟؟؟

التحضيري بس في مبنى 13
أما باقي الكليات تختمي جدولك في كليتك وتاخذيه معاكِ + تقرير طبي من الإدارة الطبية
وتروحي تسجلي في النادي
بعد كذا ما أقدر أفيدك لأنه أنا كمان حسجل ان شاء الله دا الترم
وسألت وقالولي دا الكلام ^^

[girl.k.s.a]

^
مرآآآآآآآآ شكراً ياقمر

طيب أروح العيآدة أقولهم أبآ أعمل كشف للنآدي ...