ممكن طلب

[فوبو]

السلام عليكم ورحمة الله وبركاته كيفكم يا دكاترة ؟ان شاء الله طيبين طلبي امكن شو غيريب انه ممكن تنزلوا صور للمشرحة وللكليات الصحية ماتعرفوا قد اش احب اشوف المشرحة اتمنى اني اخش كلية الطب بس عشان اشوف الجثث مع الرغم اني احب الكيمياء اتمنى القا تفاعل منكم وسامحوني

[Ahmad-k-92]

:s لا مو امكن هو غريب اضمنلك انو غريب

شدي حيلك وادخلي علوم طيبة قسم تشريح

رح تبدعي فيها باين عليكي تحبي الجثث << ياكاافي

بالتوووفيق ايتها الفتاه الغريبة الاطوار <<< امزززح

شدي حيلكك وتخصصي وربي يسهلك شدي حيلك خطة ب سهله

[Dr.Passed]

ايش هادا يا فوبو لسا رجولك ما دعست في الكليه وانتي ما شاء الله على طول تبي تشوفي مشرحه و اموات؟؟

أنا إن شاء الله حاقوي قلبي معا الموضوع اصلا لازم عشان دي الخطوه في الطب اكيد مافي مفر منها بس انا عمري في حياتي ولا بالغلط ماشفت ناس مافي روح جوتها بس دي الفكره الي مخوفتني في الموضوع انو الي قدامي حيكون ميت حقعد بس افكر واقول دا كان يتحرك زينا بس دحين ساكن...بس دي الفكره الي راعبا قلبي...انا ما اخاف من الدم ودي الأشياء بس الجثث الميته والعضام وكده =)

وبعدين من البلاوي الي اسمعها( انا ما حأقولك سمعتها من احد انا منأكده انها سارت عشان الشخص الي سارتلو جا يحكيني وبعدين الشخص الي عاش دي الأيام مع الشخص الي قلي او مره بعدها بسنتين حكاني نفس الهرجه وسكت الين ماخلص عشان اشوف في كلام متغير ههههههههه حكاني القصه نفسها وقلي دورو فيها) مستحيل الإتنين يألفو سوا =) عشان كده ارتعبت من الموضوع اكتر



ماشاء الله كيف ما عندكم نقطه خوف بس نقطه؟ خايفين وساكتين ولاايه؟



-------------------------------------------------
بس حبيبتي فوبو انا ما اظن ازا ماحتتخصصي في دا المجال يجوز انك تشوفي عشان دا يعتبر ما اعرف...وبعدين لازم من احترام الميت =)
ما ابغى اتفلسف بس ما اعرف اظن كده....بس ماشاء الله باين عليكي قلبك قوي ;)

[FrfoSha]

اول شيء حبيبتي ماينفع ننزل صور للمشرحة و الجثث لانهم اموات و لهم حُرمة زي ماقالت د.باسد :)

/

باسد على فكرة ممكن راح تتعبي اول اسبوع اسبوعين بالكثير بعدين راح يصير الوضع مررررررا عادي لانهم صراحة مو باين عليهم انهم بشر .. كيف اقولك مرا مهلوكين بسبب الفورمالين الله يرحمتا برحمته

[Dr.Passed]

كيف كانت اول زياره ليكي للمشرحه دكتوره؟ مشيت الأمور اوكي؟
__________________________

فوبو ابدا لاتكوني زعلتي مننا؟ =(

[فوبو]

المشاركة الأصلية كتبت بواسطة Dr.Passed __________________________ فوبو ابدا لاتكوني زعلتي مننا؟ =(

لالالالاابـــــــــــــــــــــــــــــــــ ^_^ـــــــــــــــــــــــــــــــــدا بالعكس نبهتوني انو للاموات حرمة

وكل ما ابغى ارد اتفرغ لاشياء ثانية
thanks Dr.Passed and everybody

[Dr.Passed]

No problem =)
You can still watch movies, you know :P

[فوبو]

المشاركة الأصلية كتبت بواسطة dr.passed no problem =) you can still watch movies, you know :p

ههههه بس الافلام مو زي الطبيعة <<شكلي بنضرب

اصلا مرة وانا ابحث في اليوتيوب شوفت فديو مررة مخيف جايبين الجثة وتعرفي لسه جديدة

لو تشوفي كيف شرحها تقولي ماعنده قلب
خلاص قررت اني ما اشوف مشاارح<<جمع مشرحة

واتمنى واتمنى اشوف معامل الكيمياء احب مرررا المعامل وكمان المجهر مررة احبو

[Dr.Passed]

فوبو انتي عندي في المسن ابغى احكيكي شي مخيف امكن شويه يطفي المصيبه الي فيكي دي ههههههههههههههه يعني تخفي شويه هههههه ;)

[شفع]

المخيف انا كلنا مصيرنا نكون زيهم .. وماهو مسألة: هم كانو زينا < نظرة من بعد مختلف .. :)
فوبو .. أول ما شفت اسمك " فوبو" قلت شكلها خوافه من كلمة " فوبيا = الخوف "
بس يوم فتحت الموضوع جلست كم دقيقة اقرأ الكلام واحاول افهم اش اللي تبينه بالضبط
نصور لك جثث .. ؟ هذا وانتي اسمك فوبو كيف لو كان " هومو " < ضاع بالمصطلحات
..@~> امزح معاك .. واذا تحبي تشوفي الجثث انا قرأت عن هـ الموضوع شيء في شخصية اللي يحب يشوف الجثث والله اعلم ..