استفسار بخصوص مادة فلك .. ارجوا منكم الافاده

[رانسى]

صباح // مساء الخيـــــر

كيفكم عساكم بخير يارب ..

انا الترم دا لازم انزل ماده حره وبصراحه محتاره بالمواد الحره

في بنات نصحوني بمادة فلك

ابغى منكم تفيدوني بكل شي يخص الماده عن محتوى الماده وهل الماده تدرس بالعربي ولا بالانجليزي

وعن كيفية اختباراتها ومين الدكتور اللي يدرسها ؟؟

واتمنى تفيدوني عن افضل المواد الحره التاليه

مبادئ تسويق - اقناع - صحة نفسيه - سيرة نبويه - مبادئ الاستشعارعن بعد - قانون تجاري

واذا تنصحوني بمواد حره غيرها لا تبخلون عليا ...

يعطيكم ألف عافيه يارب

[مرجوجة هانم]

وعليكم السلام
متأكدة البنات يدرسوا فلك اللي اعرفه انها مادة بس للأولاد؟؟

[ريمانة]

الفلك اللي اعرفووو انها في العلوم ويمدحون دكتور بس ناسية اسمه

وبالنسبة للمواد الثانية افضل شي اقناع مع انمار وسيرة نبوية كمان حلوة وسهلة

وابعدي عن قانوون تجاري

[امونة المزيونة]

فيه بنت قالتلي هنا بالمنتدى انو سهلة لانو كمان المادة عاجبتني كأسم فقط ماادري اش فيهاا اصلن هههههههه
بس هية 4 ساعات ..
ومااعرف عنهااا غير كذاا..


ومادة مبادئ استشعاار صحباتي اخذوها مرررة حلوة مع دكتور دوري واحد وفاينل بس فيه هوموركات وشغالات كذاا بس عموما حلوة ..

[طارق المحمد]

اختي ابعدي عن القانون التجاري..

عندك سيرة نبوية وكمان فن الاقناع مواد حلوه..
وبالتوفيق للجميع...

[wan]

ممكن رمز السيره النبويه و رقمها
و الفلك كمان

[L0St QuEEn]

انا أخدت فلك مع الدكتور علاء الدين وهيا مادة تتكلم عن كل شئ فوقك يعني كواكب اغلفة شمس قمر ومن كدا واخدتها بالعربي وكانت مادة مرا سهلة والدكتور أخلاق وطيب ويعطي المفيد ويراعي والاسئلة حلو ومنوعة

واخدت سيرة نبوية مع أستاذة نادية قربان هيا المادة حلو بس طويله جداً وتحتاج قراءة بتركيز وهيا كتابين والاستاذه مرا خطيرة تنوع في الاسئلة ودوريين وفاينل ( صلي و عللي وصح وخطا واختياري واكملي قليل ) ونشاط
النهائي كان مووووووية صح وخطا واختياري
واحلى شئ فيها تحدد جزئية الاختبار وكل جزئية تحذفها ويبقى في النهائي جزئية قليلة

والله يوفقكم كلكم

[رانسى]

تسلمووووون حبايبي اللي ردوا على سؤالي عساكم على القوه يارب

بس برضوا ابغى اجابه شافيه بخصوص مادة الفلك ومبادئ تسويق

[كنق الغربيه]

انا نزلت فلك عند دكتور مجدي الصفطاوي

وهو كمان يدرس البنات

شرح جدا رائع

واسلوب جميل

بس للحين مانزلت درجتي في الماده منتظر تنزل واجاوبك بس على حسب ماسمعت عنه انه طيب ومايقصر في الدرجات

[كنق الغربيه]

رمز ماده الفلك astr201