موضوع يخص شباب بحث التخرج الي عند الدكتور رشاد دمنهوري

[ابو صالح888]

السلام عليكم

يا شباب بالنسبه لموضوع تسليم بحث التخرج و بما ان المادة ما نزلت بجدول اختبارات هالترم

انا كلمت الدكتور رشاد عشان طريقه التسليم و سألته عن امكانية تسليمه عن طريق الاميل او الصندوق البريدي

رفض الدكتور وقال اما تسلمها شخصيا او مع احد زملائك قبل الاختبارات باسبوع

قلت له قبل اختبارات جدة باسبوع نكون حنا جالسين نختبر مناطق و انا شخصيا ما اعرف احد ممكن يروح لجدة عشان يسلم بحثي

فهل من الممكن اني اجي لجدة هاليومين عشان اسلمه لك .. قال مافيه مانع بس احطه بالدرج ولا راح يتصحح الا بالوقت المحدد


شباب هل احد منكم عنده حل او نتفق مع احد ثقه ممكن يروح بالنيابه عنا يسلمها و طبعا نتكفل بتكاليف سفره

[majeid]

هلا اخوي صالح. جميع اساتذة المادة يستقبلون البحوث عن طريق البريد . انا برسله له بالبريد على العنوان التالي:جامعة الملك عبدالعزيز/كلية الاداب والعلوم الانسانية/قسم علم النفس/الدكتور رشاد دمنهوري.
وباخذ نسخة ثانية يمكن اسلمها للعالمية. اما الذهاب لجدة مافي امكانية ابدا.

[ابو صالح888]

والله انا مكلمه اليوم بالجوال و قلت له ابرسلها على ايميلك او بالبريد وقال لا

عاد اتصل عليه بنفسك وتأكد

[majeid]

يا صالح انا لا اشكك بكلامك ابدا ومصدقك .بس مثله مثل الاساتذه الاخرين ليش التعقيد
كذا ما نقدر نروح لجده..

[ابو صالح888]

انا اعارف يا اخوي انك ما تشكك بكلامي بس فعلا مثلك محتار خاصه ان احد الزملاء يقول ان الدكتور زكريا الشربيني يقول عادي ارسلوها

لكن دكتورنا رشاد يقول لا .. عشان كذا قلت لك دق لعل وعسى يحس انها معاناه للجميع ويغير رايه

[majeid]

قبل قليل ارسلت cd عليه بحث التخرج للجامعة بأسم الدكتور وان شالله ياصل الدكتور.

[goood man]

أخوي ابو صالح
اسمح لي ياغالي
أرى انك تضيع وقتك ومعقدة على نفسك في امر واضح

لاتقلق

ثانيا

تواصل مع استاذ مادتك
اذا الدكتور رشاد استاذ مادتك تواصل معه وعرف منه كيفية التسليم

وايضا بامكانك التحدث معه واقتراح عليه وسيلة او طريقة مناسبة لك للتسليم


ولا تنظر لما يقوله دكتور أخر في نفس المادة

وهذا ماينطبق على التدريب 1 و2 أيضا

المهم استاذ مادتك وما يقوله لك

وربما الدكتور متعاون مع طالب وطالب اخر

خذ الكلام الأخير والنهائي والمعتمد من استاذ مادتك وايضا حاول معه بطرقة مناسبة لك للتسلم


وفقك الله

[ابو صالح888]

قود مان انا تواصلت معه واقترحت ارسل البحث بالبريد او الاميل ورفض قال جبها انت بنفسك او ارسلها مع احد من زملائك قبل الاختبار باسبوع

قلت له صعبه لاني قبل اختبارات جدة باسبوع اكون جالس اختبر مناطق بالرياض ..لو امكن اجيبها هاليومين قال براحتك


بس بصراحه كنت مأمل اتفرغ هالفترة بالمذاكره خاصه اني الفتره الي راحت انشغلت بالتدريب والبحث يعني ماذاكرت شي من المواد المتبقيه


لكن اامل انه يوافق على ارسالها بالبريد اذا شاف اكثر من اقتراح من اخواني الزملاء ولا الله يعين نضرب مشوار لجده عشان نسلمه البحث ونرجع نختبر بالرياض

[طالب مستجد8888]

يا أخي انا اقترح اقتراح

تسون تجمع لكل الطلبة الي بيختبرون بالرياض
ولي هم عند نفس الدكتور رشاد

ويتكفل شخص بتوصيلها لكم جميعا

بشرط تتكفلون بكامل المصاريف من تذاكر وغيرة


وبكذا مااااافيه وجع راس بدل ما تروحو 50 شخص لجدة واحد يتكفل وعندة رغبة بالذهاب

مجرد فكرة

[عماد آل نصير]

طيب ليه ما تقترحو عليه بأنكم تسلمونها في يوم اختبار التدريب الميداني 2 او 1 في جدول المناطق


وشكرا