طالبات قسم الانجليزي ياليت يتفضلوا ضروري والباقي برا ههههه

[samara]

السلام عليكم ورحمة الله وبركاته

بسم الله الرحمن الرحيم


إلى أي دكتور أو أستاذ أو طالب أو طالبة <<<<< طولتها وهي قصيرة إلى منسوبي الجامعة

في قسم اللغات الأوروبية ياليت بعد ماتقرو دا الكلام وتكتبو المؤيد والمعارض لكلامي عادي ما في زعل

لو انتقدتوا كلامي إحنا عندنا بعض الأستاذات و الدكاتر يبغونا نكون بلابل باللغة وإذا اتكلمنا أو شاركنا

بالمحاضرة وغلطنا غلطة يقعدوا يستهزؤا فينا ويحتقرونا مما يسبب لنا الإحبــــــــــــاااااااااااط إحنا دخلنا القسم دا عشان

التخصص مو معهد لغة وإحنا عارفين فلازم يساعدونا ويرفعوا من معنوياتنا ولو أخطأنا يصححوا خطأنا

بأدب وعدم استهزاء هم بيقولوا ياطالبات ساعدونا بالمذاكرة والمشاركة والاجتهاد طيب هم كمان يساعدونا

لأن مو كل الطالبات متخرجات من ثانوية عالمية أو من مدارس خاصة البعض بل الأغلبية من مدارس

حكومية يعني ما حنكون perfect

و نتمنى إنهم ماينسوا نفسهم أكيد كانوا بيغلطوا واتعلموا ولا يقارنونا بمستواهم التعليمي هم درسوا وانتهوا

والإنسان مايولد متعلم

وعندنا دكاترة أسلوبهم استفزازي واستهزاء بالطالبات وعلى مادرسونا بالمدارس ونسمعه دائما

إن الأدب والأخلاق قبل العلم ....... إيش الاستفادة من شهادة دكتوراة وصاحبتها سيئة الأخلاق

مما يضطروا الطالبات يدعوا عليها ودعوة المظلوم مستجابة ودا أضعف شي يقدر الطالب ياخذ فيه حقه

وبصراحة دائما الطالبات يشتكوا من دكاترة وأستاذات مواد الأدب أكثر من أستاذات اللغويات

أحس التعامل معاهم صعب وشديدات إلا القلة القليل منهم وإلى الآن الكل يمدح ويحب د. صفاء منصوري

و د. رابعة الخطيب

لأنهم بجد يعاملونا كبناتهم وليس طالباتهم يشوفوا إيش يناسبنا إيش نحتاج يساعدونا في تأجيل امتحان إذا وجد

ظرف للطالبات مو زي بعضهم أعوذ بالله من شياطينهم أحس شياطينهم قوية الله يكفينا شرهم ويعطينا

خيرهم ........ ونتخرج من بين أياديهم بأمن و أمان <<<< أحس إني ببرنامج أمن و أمان

لا بجد الدكتورتين دولا تعاملهم راقي لائق عليهم لقب دكتورة ولو علي بروفيسورات أسلوبهم راقي وحكيم

الله يحفظهم ويوفقهم يارب ....... بصراحة أنا مدحت د. صفاء لأني درست معها مرتين لكن د. رابعة

من كلام أختي درست معها ومن كلام الطالبات ..... سبحان الله سيماهم في وجههم الواحد يبان من وجهه

المهم معليش طولت عليكم بس أتمنى تعطوني رأيكم بصراحة يا طالبات ...... وهل كلامي صح أم خطأ؟

وأتمنى من شاف رسالتي دي يوصلها لغيره .... لين توصل للدكاترة والأستاذات

وبالله توفيق

سبحانك اللهم وبحمدك أشهد أن لا إله إلا أنت أستغرفك اللهم و أتوب إليك

[Jasmine Al-Qahtani]

والله يا عزيزتي مادري وش اقول بالظبط

كلامك في البداية صحيح واذا بنشكي بنشكي من بعض الاساليب التحبيطية والاستفزازية

ومن رأيي انو نعمل موضوع هنا في قسم الانجليزي

يكون فيه من التجربة الطيبة من كل طالبه المواد اللي اخذتها مع الاستاذات اللي درسوها وطريقة تدريس كل استاذة والاشياء اللي تهتم فيها وتعجبها والاشياء اللي تضايقها وقوانين كل استاذة

كذا بدون ما نغتاب او نسب في احد نكتب تجاربنا الكويسة ونخلي البنات يتسفيدو من كلامنا ومن خلال عرضنا لاستاذات مختلفات ومتنوعات في طرقهم
غيرنا يشوف مين من الاستاذات تعجبها اسلوبها وتقدر تمشي معاها لو اخذت

لو عجبتك الفكرة سوي موضوع جديد وخليه مرجع للطالبات فيه مميزات كل كورس واحسن الاستاذات فيه بدون ذم لغيرهم

لو سويتي الموضوع ابشري بأول رد اكتب عن تجربتي وياليت الكل يشارك

اسفة طولت كلامي

[رمزالتضحية]

اتفق معك في أشياء كثيره

وأتمنى مراعاة نفسية الطالب والطالبه ,وعدم تحطيمها


والله يوفق الجميع




ومضه طالب (( مجربها من يوم كنت طالب بالثانوي )

الطالب حساس جدا لاي تعليق سلبي من المدرس , الطالب سريع التحطيم وسريع الانيهار !

وكله بكلمه واحده !!

[الأمل الجديد]

لحظة لحظة لحظة .......

هنالك أيضا دكتورة قمة في الروعة والاخلاق والادب وايصال المعلومة بذمة وضمير حتى أسئلتها ولو انها جميعها مقالية ولكن تستطيعين أن تكتبي بكل ابداع وحرية ...
وبصراحة مادتها الوحيدة التي لهذة اللحظة حافظة وفاهمة كل كلمة قالتها في المحاضرة .....

كلمة شكر قليلة فيها أنها الدكتورة ( غادة نعمة الله )

سواء بقيتي أو رحلتي من قسمنا جزاك الله خيرا الجزاء عما فعلتي ووفقك دنيا واخرة .......

[Jasmine Al-Qahtani]

صحيح سمعت عنها الدكتورة غادة

صحبتي اخذت مقدمة في الادب تقول مرة حلو الكلاس ماشاء الله وتشرح بذمّه وضمير لدرجة تقولهم ابغاكم تتعلمو وتتأسسو تمام في الادب وحتعرفو كلامي اذا اخذتو المواد المتقدمة

وحتى الاشياء اللي تشرحها فريدة وغير مكررة خاصة الدراما اللي اعطتهم ياها اعتقد اسمها doll house>>اعرفها لاني بعد كل كلاس لصحبتي اخليها تحكيني عنها

[snns1234]

والله صحيح كلامك ياأختي وحسبي الله ونعم الوكيل على كل من يحبطنا

[مملكة عمري]

المشاركة الأصلية كتبت بواسطة Jasmine Al-Qahtani والله يا عزيزتي مادري وش اقول بالظبط كلامك في البداية صحيح واذا بنشكي بنشكي من بعض الاساليب التحبيطية والاستفزازية ومن رأيي انو نعمل موضوع هنا في قسم الانجليزي يكون فيه من التجربة الطيبة من كل طالبه المواد اللي اخذتها مع الاستاذات اللي درسوها وطريقة تدريس كل استاذة والاشياء اللي تهتم فيها وتعجبها والاشياء اللي تضايقها وقوانين كل استاذة كذا بدون ما نغتاب او نسب في احد نكتب تجاربنا الكويسة ونخلي البنات يتسفيدو من كلامنا ومن خلال عرضنا لاستاذات مختلفات ومتنوعات في طرقهم غيرنا يشوف مين من الاستاذات تعجبها اسلوبها وتقدر تمشي معاها لو اخذت لو عجبتك الفكرة سوي موضوع جديد وخليه مرجع للطالبات فيه مميزات كل كورس واحسن الاستاذات فيه بدون ذم لغيرهم لو سويتي الموضوع ابشري بأول رد اكتب عن تجربتي وياليت الكل يشارك اسفة طولت كلامي

عجبتني الفكرة
ايش رايك احنا نبدأ بهالموضوع
حيكون جدا مفيد

[Jasmine Al-Qahtani]

قدااااام يا مملكة عمري >>لايفوتك الحماس بس :)

خلاص
انتظر الموضوع مزين بلمساتك الحلوة

[مملكة عمري]

ok wait me
I'll do it as soon as I can

[شهووووده]

الامل الجديد اؤيدك وبشده بخصوص الدكتوره الرائعه والخلوقه غاده نعمة الله
وربي زرعت فيني الامل من جديد من بعد يأس كنت اعيشه في هذا القسم
انا اخذت معاها ادب وربي كنت انتظر محاضراتها بشوق ومستحيل اسرح معاها في المحاضره
بصراااااااااااحه قمة المتعه في التعلم ومعاها اكيد حبيت الادب كمقدمه والله يستر من القادم حيكون مع مين
يالييييييييييييت غاده تدرسني كل المواااااااااد وربي حلم
وماانسى موفق بإذن الله ... لك مني أجمل تحية . موفق بإذن الله ... لك مني أجمل تحية . صفاء منصوري وسحر نصيف ومنى البلوي وووووبس بصراحه مايظلموا