رد: الأمير سلطان يستدعي " الدغيثر " عشانه قال..........

[majed99]

و صلني قبل قليل و عبر جوال جريدة الرياض و هذا هو مصدر الخبر

سمو الأمير سلطان بن فهد يوجه باستدعاء عضو مجلس إدارة نادي النصر " عبدالعزيز الدغيثر " لمساءلته حول ما ادعاه في البرنامج التلفزيوني " كل الرياضة " الذي بثته القناة الرياضية اللسعودية مساء أمس , وقد قامت الجهة المختصة بالرئاسة بتوجيه خطاب لغدارة نادي النصر لا ستدعاء الدغيثر غدا

يذكر ان الدغيثر قال :

هو قال ان تلعب 6 مباريات في يوم واحد غير مقبول

وقال مو عشان الارتي تحرم 22 مليون سعودي

وقال انا متاكد انها عشان الارتي تستفيد خلو المباريات في يوم واحد

واتصل عليه الامير نواف وقاله اذا ماعندك دليل سوف تحاسب

لله درك يادغيثر نحن نعيش ................

والله شي يقهر يا ناس كل هذا عشان قال الصراحه

ايش رايك يالعالمي

و دمتم بخير

[stan]

المشاركة الأصلية كتبت بواسطة majed99 واتصل عليه الامير نواف وقاله اذا ماعندك دليل سوف تحاسب

لا مو عشان الإي آر تي

أنا أتوقع عشان قناة جيبوتي

[كريستيانو]

اذا كان التحقيق مع الدغيثر حقيقه فهي والله مصيبه و لماذا التحقيق مع الشخص هل لأنه أصاب في تصريحه وعارض نهجهم ولتعلم الرئاسه العامه أن كل أطياف الرياضيين بالمملكه يعارضون توحيد المباريات في يوم وساعه واحده وحرماننا من المتعه المنتظره وتقييدنا بنظام أخرق تبناة أناس لا يعقلون أسس الرياضه والمنافسه الشريفه والمتعه المنتظره وتوحدوا في خندخهم وحتى يرفضون الأنتقاد من الأخرين .. نقول ياسادة الرياضه جميع القطاعات الأخرى بالوطن الحبيب تتقبل الأنتقاد وتصلح مكامن الخلل وتناقش المختصين ليخرجوا لنا بما يخدم المصلحة العامه والرياضه لدينا للجميع وليست حكرا على شوية موظفين بالأمانه العامه وتجار القنوات ومهما كانت التبريرات لهذا النهج الجديد بتوحيد المباريات في يوم وساعه واحده ومحاولة الألتواء على الحقيقه لن يقنعنا لقناعتنا بسبب هذا الأجراء وليعلم القائمون على الأمانه العامه واللجان التنفيذيه أن النقد من المتلقي هو السبيل الوحيد للوصول للقمه وتلافي الأخطاء وأملنا بالله ثم بسمو الرئيس العام وسمو نائبه لتصحيح الوضع وهذا مطلب الجماهير الرياضيه بالمملكة جميعا بكل أطيافهم وميولهم المختلف

[تسألوني]

والله كلام الدغيثر صحيح

ومشكلتنا مثل ماقال الاخ كريستيانو عدم تقبل النقد

وبطريقتهم هذه لن تتطور رياضتنا ابدا

[!. روح الغلا .!]

واتصل عليه الامير نواف وقاله اذا ماعندك دليل سوف تحاسب

يعني معقوله الآمير [ نواف ] غبي لهآ الدرجه
وش دليله اللي يحظره الدغيثر
الدعوه واضحه قدام كل العالم ويقول دليل .. سبحان الله
بس هذي الآرتي مضبطه وضعهآ ..}
وتبي تمص الشباب السعودي ..}
ولا يهمها شي

اخوي
مآجد
تسلم ع الطرح

[العالمي]

يارجل الار تي هذي هي سبب اكثر المشاكل ...ودايم يحاولون ياخذون التصاريح اللي

تسبب المشاكل بين الانديه ..... هذا غير انهم مضبطين وضعهم مع الرئيس والنائب

والله اعلم كم يستفدون ماديا ...والدليل ان الجزيره الرياضيه طلبت اكثر من مره رعاية

الدوري السعودي ولم يلتفت لها احد ...

بالنسبه للدغيثر هذا مريض ..ومرضه بلسانه ..ودي اشوفه يوم ساكت .دايم ملقوف ..ويتدخل

باشياء ماله فيها ..مصدق نفسه صاحب سمو ... بالعربي عندنا انت صاحب سمو خذ راحتك

تكلم على كيفك سب هذا وانتقد اللي تبغى ..بس شخص ثاني ..ياويلك ..والدليل الدغيثر ..وقبله

اذا تذكرون سليمان المطيويع مذيع القناه الرياضيه ..اوقفوه لمجرد كلمة حق

والدغيثر احسن ليتهم يوقفونه ..اصلا جمهور النصر يبغى الفكه منه

مشكوووور مااااجد

[Suhail]

للأســـف

عشانه قال الحقيقة :(

[majed99]

قدم عضو مجلس إدارة النصر الاستاذ عبدالعزيز الدغيثر إعتذارا" خطيا"

للرئيس العام لرعاية الشباب الامير سلطان بن فهد ونائبة الامير نواف بن فيصل

عم كل مابدر منة من تجاوزات مؤكدا" تعهدة بعدم تكرار ماأدعاة في البرنامج التلفزيوني( كل الرياضة) الذي بثتة قناة الرياضية السعودية مساء الجمعة الماضي

والتي لاتتفق مع أ خلاقيات العمل الرياضي والإعلامي في السعودية ولاتخدم المصلحة العامة.



و يستضيف برنامج صدى الملاعب اليوم الاستاذ عبدالعزيز الدغيثر الساعه 12 مساء


الله يستر بعد يقول شي
ثم يسجن


الدغيثر مشكلته ع ناياته اللي بقلبه يقوله

واللي وده يسمع ايش قال يحمل المقطع

http://rapidshare.de/files/40756528/dghethr.zip.html

ورد نواف عليه

http://rapidshare.de/files/40756581/aser.zip.html

[AbO FahaD]

واضحه ياناس

يعني نواف وسلطان شايفينا بقر قدامهم؟؟

واضح ان المستفيد هو ال اي ار تي ولاحد سواها
<<نعنبو الفلوووووووووس وش تسوي

الدغيثر قال الحقيقه لكن وين روؤساء الاندية ساكتين

ليه مايتكلمون ويحتجون

[العالمي]

الله يستر بعد يقول شي ثم يسجن الدغيثر مشكلته ع ناياته اللي بقلبه يقوله واللي وده يسمع ايش قال يحمل المقطع

مشكوووور ماجد