نداء للخريجات أو المتوقع تخرجهن [طالبات إنتساب]...

[الأمواج]

أسعد الله صباحكم /مساؤكم بكل الخيرات..
سنة تخرج بإذن الله حافلة بالمسرات والتفوق والنجاحات من رب العباد..


ودي للكل الخريجات واللي يتمنوا يضيفوا أي شعبة ثانية لأي مادة يكتبوها هنا ..
عشان يفتحوها لنا....
لإن الخريجات زي مانحنا عارفيين بإمكان القسم يفتح لهم شعب ثانية وهمية..
فااكتبوها هنا عشان نعرف ونرتب نفسنا وجداولنا..
في مواد كثيرة مانقدر نضيفها فيها تعارض فياليت نتساعد عشان تنفتح لنا شعب ثانية..
لو شافوا العدد كبير راح يفتحوها لناا..
فهنا مجرد حصر عدد...

فساعدونا ربي يساعدكم ويسهل أموركم..


بالتوفيق للجميع يارب...

[ام حمدان]

مساءك معطر وعامر بذكر الله ياعسل \\

بادره طيبه منك إن شاء الله يتعانوا العضوات معك لانه لايتم فتح الشعب الجديده الا كان هناك حاجه ملحه وعدد لاباس به من الطلبات

موفقين

[LAURA H]

بادرة حلوة منك عزيزتي الامواج وتشكري عليها,,
انا بالنسبة لي الفونولوجي يتعارض مع شكسبير,, وضرووووري الاتنين اخدهم هذا السمستر!!
ياريت البنات اللي زيي يحطوا طلبهم هنا,,
شكرا.,.

[nour al3mr]

وطيب سائر أوقاتك بالمسرات

الله يوفقكم ويبلغنا فرحة تخرجكم=)

حاولوا الاسراع قدر الإمكـــــآن في التجمع و طلب الشعب =)

موفقات

[smooth]

ويسعدك دنيا واخره
بالنسبة لي الشعب مقفلة مو راضية تنضاف 1.براكتكم 2 2.الشعر 3.سيمنار
والله الموفق

[nour al3mr]

^
الشعب اللي تكون 0 عدد الطالبات ماتنضاف بالجدول الا من الجامعة

[LAURA H]

المشاركة الأصلية كتبت بواسطة nour al3mr ^ الشعب اللي تكون 0 عدد الطالبات ماتنضاف بالجدول الا من الجامعة

الطيب واللي ماتقدر تروح الجامعة ايش تسوي؟؟!!

[ѕυрзя пıdσ]

اضيف صوتي الى لارا
شعبه شكسبير تتعارض مع الفونولجي وضروري ناخد المادتين =(

بإذن الله راح احاول انزل الجامعه دي اليومين

[احلى الأماني]

يارب نتوفق هالسميستر ونتخرج يارب
عن نفسي ماادري عن جدولي مقفلين الاودس
ورايحة لهم قريب هالاسبوع بااذن الله

[الأمواج]

اللهم آمين لكل اللي دعا بالتوفيق والنجاح والتخرج يارب...
نفس الشيء عندي تعارض بين الفنولوجي والشكسبير..
ممكن يفتحوا لنا شعبة شكسبير جديدة بما أن في ناس كثير يبغوا هذه المادة..
بس نحتاج أعداد أكبر..
لا تبخلوا علينا بمساعدتكم..وأي أحد ينزل الجامعة وفيه رد منهم يبلغنا..
والله يوفقنا يارب....