أخبار من كليتنا - للبنات

[mind glance]

السلام عليكم و رحمة الله وبركاته

حبيت أجيبلكم شوية أخبار امكن تفيدكم وتنفعكم
او تعرفوا كدة بس (اذا احد عنده لقافة زايدة يعني )

*1*
ان شاء الله رح تتكرر عملية بيع الكتب المستعملة هذا الترم
مثل ما كانت الترن الماضي
للأسف اتأخروا كثير
لكن اكيد انتوا ادرى بالحال...كل الاستاذات مشغولين بالحذف والاضافة ومشاكل الجداول
واللي زاد المشكلة انه الاستاذات نفسهم ما كانوا يقدروا يستعملوا الاودس الا يوم الثلاثاء تقريبا

عموماً...خلال الاسبوع هذا ان شاء الله تنزل اعلانات عن مواعيد شراء الكتب من الطالبات
و كمان متى يبدأ البيع
ويارب ما يتأخروا عن يوم السبت (بكرة)
جمعوا كتبكم يا بنات واستعدوا
ولا تشتروا كتب من المكتبات اللين تشوفوا المعرض
ولأي اقتراحات عن فكرة بيع الكتب او ملاحظات عن تجربة الترم الماضي
اتمنى تضيفوها هنا او تراسلونا عشان نوصلها للمسؤلات


*2*
اللي حابة تعرف اسماء الاستاذات والدكتورات للمواد باختلاف شعبها
وكمان للمعامل
ممكن تزوروا لوحة الملاحظات أمام غرفة 2130 الدور الثاني عند شؤون الحاسبات
علقوا جدول المواد بأسماء الدكتورات والاستاذات
مع المواعيد والغرف للمحاضرات والمعامل


*3*
بالنسبة للمواد التالية
cs481- cs483- cs453
الدكتورات طالبين يكون فيها بس طالبات التخرج
واللي ماهي تخرج ومنزلة المادة في جدولها رح تنحذف من جدولها

بالنسبة لـ cs483
السبب هو انه في مجموعة طالبات احصاء حاسب تخرج يحتاجوها
والشعب صارت فل
والدكتورة ما تقدر تعمل توسيع شعبة لأنها ماسكة الشعبتين لوحدها

الله يعوضكم يا بنات
ويعوضني معاكم
ويوفقنا كلنا للخير يارب

[عصر الحاسب]

ماشاء الله عليكي كفيتي ووفيتي اخبار شامله ومختصره ومفرحه ومخوفة هههههههههه الله يسعدك

اما بالنسبة لبيع الكتب مين اللي حيبيع ؟؟؟ يعني كل وحدة تبيع عفشها ولا ايش؟؟ طيب ماعندك خلفية السنه هذي فيه ساعات عمل لمواد البرمجه زي الجافا والاسمبلي العام ولا لا ؟
ان شاء الله تكوني فاهمتني ههههههههه عندي مشكلة في توصيل المعلومه
وصراحه من جد تشكرين على الجهد في جمع المعلومات وربي يجزيك خير

[mind glance]

بصراحة ماني عارفة نظامهم هذا الترم بالضبط

الترم الماضي كان اول اسبوع الاستاذات يجلسوا على طاولة ويستلمو الكتب من البنات
وطبعا البنت اللي تجيب كتبها حتكتب اسمها ورقمها وعدد الكتب واسماء الكتب

الاسبوع التاني
الاستاذات او بنات متطوعات يجلسوا على نفس الطاولة ويبيعوا الكتب
والسعر حسب حالة الكتاب تقريبا

ولما يخلصوا البيع يعلقوا اعلانات انه كل بنت كانت اعطتهم كتب تروح تستلم فلوسها من الاستاذة المسؤلة
او ترجع لها الكتب اذا ما احد اشتراها

وبالنسبة لساعات العمل للمواد
على حسب استاذات المواد اذا كانوا طالبين ساعات عمل او لأ
واذا كانوا يوافقوا انه بيع الكتب تنحسب عليكم ساعات عمل

يارب اكون افدتك
واذا كان قصدك شي تاني اسألي تاني

[*smsm*]

الله يجزيك كل خير على أخبارك الحلوة
وإن شاء الله يوم السبت نشوف حكاية بيع الكتب دي
والله يوفقنا لكل خير

[عصر الحاسب]

المشاركة الأصلية كتبت بواسطة mind glance بصراحة ماني عارفة نظامهم هذا الترم بالضبط الترم الماضي كان اول اسبوع الاستاذات يجلسوا على طاولة ويستلمو الكتب من البنات وطبعا البنت اللي تجيب كتبها حتكتب اسمها ورقمها وعدد الكتب واسماء الكتب الاسبوع التاني الاستاذات او بنات متطوعات يجلسوا على نفس الطاولة ويبيعوا الكتب والسعر حسب حالة الكتاب تقريبا ولما يخلصوا البيع يعلقوا اعلانات انه كل بنت كانت اعطتهم كتب تروح تستلم فلوسها من الاستاذة المسؤلة او ترجع لها الكتب اذا ما احد اشتراها وبالنسبة لساعات العمل للمواد على حسب استاذات المواد اذا كانوا طالبين ساعات عمل او لأ واذا كانوا يوافقوا انه بيع الكتب تنحسب عليكم ساعات عمل يارب اكون افدتك واذا كان قصدك شي تاني اسألي تاني

لا فهمت ربي يسعدك وان شاء الله تكون الساعات ساعات رحمة علينا مو قلق ياااارب

[مسلمه ويكفيني فخرا]

تسلميييييييييييين يامشرفتنااا...

على الاخبار....ماقصرتي...

[Nosa]

وعليكم السلام ورحمة الله وبركاته

المشاركة الأصلية كتبت بواسطة mind glance بالنسبة لـ cs483 السبب هو انه في مجموعة طالبات احصاء حاسب تخرج يحتاجوها والشعب صارت فل والدكتورة ما تقدر تعمل توسيع شعبة لأنها ماسكة الشعبتين لوحدها

يعني أفهم من كلامك إنه مافي أمل مررررة إنهم يضيفوها لنا!! :(
أنا نزلتها .. وتفاجأت أمس إنهم حذفوها!! :@

[mind glance]

الله يسلمكم يا بنات

يعني أفهم من كلامك إنه مافي أمل مررررة إنهم يضيفوها لنا!! :( أنا نزلتها .. وتفاجأت أمس إنهم حذفوها!! :@

اذا جدولك 5 مواد انسسسسسسسسسسي الموضوع
اذا حالتك مثلي الخطة ملخبطة وعندك 4 مواد بس من غير سكيورتي
"احتمال" انها تجلس لك

============

معرض بيع الكتب المستعملة
أسبوع احضار كتبكم القديمة من اليوم السبت 18-10-1429 إلى الأربعاء
أسبوع بيع الكتب من السبت القادم 25-10-1429هـ إلى الأربعاء
أمام معمل 48
وممكن تجيبوا أي كتب متعلقة بالكمبيوتر حتى لو ما تخص الدراسة
المسؤولات
أ.رانيا ملة
أ.هيلين بخش
(للأسف نسيت أرقام المكاتب...بس اللي يسأل ما يتوه)

[طالبة خريجة]

تسلمييييييييييييييييييييييييييييييييييين والله انك أكثر من رائعة

[Anemon]

اهلين بنات
اشتريتو الكتب ولا لسه


انا عرفت اليوم انو بيع الكتب راح يكون يوم الاتنين 27/10
بس ما ادري الى متى
واللي عندها معلومه زياده ياريت تضيفها