استفسارات بسيطه .. مستجده ..

[Nony.D]

السسلام عليكم ..
الحمدلله انا انقبلت حاسب والحين لما ادخل الاودس ابغى اشوف كيف جدولي
منزلين لي 3 مواد بس ( برمجة 1 - مقدمة حوسبة - اساليب الكتابة العلمية )
وانا اعرف ان باقي لي مادتين احصاء وثقافه .!

هذي كيف نظامها الحين يعني انا اضيفها لجدولي ولا انتظر وهم راح يضيفونها لي ؟
والثقافه مثلا اذا فكرت ما اخذها هالترم لازم اخذها ترم صيفي ولا عادي ممكن اخذها بعدين باي سنه ؟
والحذف والاضافة لما ادخل عليه يقول ( غير مسموح بالتسجيل في هذا الوقت ) ايش يعني ؟
ثاني حاجه فيه مثلا البرمجه مكتوب فيها ثلاث استاذات ليش ؟ واذا فيه وحده ابي اغيرها اقدر ولا لا ؟
اممم وثالث حاجه في الجدول مثلا فيه ماده مكتوبه لي مرتين باليوم باوقات غير لمازا ؟

امممم وبس هذا لحد الحين
اتمنى تجاوبوني عليها كلها لان احس حايسه فيها جد

وشكككرآ

[قلب ينبض لله ~]

وانا اعرف ان باقي لي مادتين احصاء وثقافه .! هذي كيف نظامها الحين يعني انا اضيفها لجدولي ولا انتظر وهم راح يضيفونها لي ؟

أتوقع راح يضيفوها لك خلال اليومين هذي .. ولو ما اضافوها تقدري تضيفيها من شؤون الكلية

والثقافه مثلا اذا فكرت ما اخذها هالترم لازم اخذها ترم صيفي ولا عادي ممكن اخذها بعدين باي سنه ؟

مو الزامي تاخذيها هذا الترم .. وكمان مو ضروري تاخذيها صيفي لو ما اخذتيها الآن ..
يعني بكيفك تدرسيها متى ماتبغي

والحذف والاضافة لما ادخل عليه يقول ( غير مسموح بالتسجيل في هذا الوقت ) ايش يعني ؟

يعني قفّل .. وراح يفتح إن شاء الله بكرا او بعد بكرا

ثاني حاجه فيه مثلا البرمجه مكتوب فيها ثلاث استاذات ليش ؟ واذا فيه وحده ابي اغيرها اقدر ولا لا ؟

استاذة للمحاضرة واستاذة للمعمل واستاذة للسكشن وحل التمارين <~ اتوقع كذا ولو كان غلط ياليت أحد يصحح لي
وبالنسبة لتغير الإستاذة ماعندي علم والله :/ بس اتوقع عادي تحضري عند إستاذة ثانية لو إستأذنتي منها وسمحت لك ..

اممم وثالث حاجه في الجدول مثلا فيه ماده مكتوبه لي مرتين باليوم باوقات غير لمازا ؟

ممكن يكون بنفس اليوم محاضرة ومعمل ... او محاضرة وسكشن .. او معمل وسكشن

[Nony.D]

تسسلمي ياقلبببي ..
طيب اوكي الحين تقريبا فهمت كم حاجه بس ابي اتاكد من سالفه الحذف والاضافه
اذا بدا يوم الثلاثاء اقدر احذف المواد اللي عندي اذا مو عاجبني وقتها وارجع اضيفها باوقات ثانيه وعند استاذات غير
يعني بمعنى ثاني انا اسوي جدولي كله بالاوقات والايام على كيفي ؟
يعني ايش بيدي من صلاحيات بالضبط ؟

[قلب ينبض لله ~]

المشاركة الأصلية كتبت بواسطة nony.d تسسلمي ياقلبببي .. طيب اوكي الحين تقريبا فهمت كم حاجه بس ابي اتاكد من سالفه الحذف والاضافه اذا بدا يوم الثلاثاء اقدر احذف المواد اللي عندي اذا مو عاجبني وقتها وارجع اضيفها باوقات ثانيه وعند استاذات غير يعني بمعنى ثاني انا اسوي جدولي كله بالاوقات والايام على كيفي ؟ يعني ايش بيدي من صلاحيات بالضبط ؟

ممكن تقدري تغيري جدولك وتعدليه لكن بعدين الشؤون ينزلوا لكِ جدول من عندهم وماتقدري تغيري شيء ..
لأن العام كانت الجداول موحده وكل قروب بنات كانوا مع بعض في كل الكلاسات ..

[Du3a21993]

السلام عليكم
انا كمان نزل لي الجدول ذا
بس ابغا احول علوم ... ما اقدر احذف المواد واحط
بدالها ثقاقه وعربي يعني مواد عامه او غيرها

ولا لازم التزم ؟
انا ابغا احول بعد تيرم
ايش اسوي بليييز ساعدوني

[قلب ينبض لله ~]

المشاركة الأصلية كتبت بواسطة du3a21993 السلام عليكم انا كمان نزل لي الجدول ذا بس ابغا احول علوم ... ما اقدر احذف المواد واحط بدالها ثقاقه وعربي يعني مواد عامه او غيرها ولا لازم التزم ؟ انا ابغا احول بعد تيرم ايش اسوي بليييز ساعدوني

تقدري تحولي الحين ومايحتاج تجلسي ترم في الحاسب
روحي لعمادة القبول والتسجيل وقدمي طلب تحويل

[-بنت ابوي-]

اختي قلب ينبض لله ....الله يسعدك دنيا واخره من جد استفدت من اللي كتبتيه

جزاك ربي الجنه

[مستجدة2]

انا زيك بالضبط يانوني نفس الاستفسارات بس ابغا اعرف شي الحين الجدول اللي الكلية حاطته لنا يعني الجدول المبدئي وين الاقيه بالاوديس بالضبط لاني كل ماافتح شي يطلع لي جدول يختلف عن الجدول اللي قبله ؟
وهل هاذا الجدول المبدئي جاهز يعني لو بغيت امشي عليه مارح احتاج اعدل عليه ؟؟

انشاءالله تكون فهمتو وش اقصد ؟؟!

[الهدوء المستحيل]

السسلام عليكم ,,
هذي نفس الأسئلة اللي ف بالي ^^"
مشككككورة قلب ينبض لله ماقصرتي

[Du3a21993]

المشاركة الأصلية كتبت بواسطة قلب ينبض لله ~ تقدري تحولي الحين ومايحتاج تجلسي ترم في الحاسب روحي لعمادة القبول والتسجيل وقدمي طلب تحويل

انا فعلا رحت لهم بالصيفيه بس ماحولوني
يعني اروح لهم اول يومين او الحين قبل ما نبدا؟
يعطيك العافيه