رد الدكتور طارق الياس بخصوص درجات مقدمة في الادب dn

[منتسـب]

السلام عليكم

اخواني انا راسلت دكتور طارق الياس على ايميله ويعلم الله انه انسان متواضع ويجي الرد بسرعه

مايتأخر بردوده

المهم بالنسبة للطلاب اللي مارصدت لهم وكتب لهم DN وانا واحد منكم الدكتور يقول انه بيسافر

خارج السعودية عشرة ايام ابتداء من تاريخ اليوم السبت 9 يونيو

لذلك عشان مااحد يروح ويتعب نفسه ولا يحصل الدكتور حبيت اخبركم

وبالنسبة للاوراق يقول العملية بتأخذ من اسبوعين الى ثلاثه ويوعد انه بيعدلها ويرسلها للرصد

انا راسلته اكثر من مرة وهذا اخر رد وصلني منه

Dear brother,

The process will take 2-3 weeks to be done. But, walla dont worry once I find it I will send it to change the grade. Also, I will be out of the country for ten days from today. So, if I dont find it I have to try again once I am back.

Best,

[كان ودي لكن....]

الله يعطيك العافيه يا اخ منتسب والله يعينا مامعنا الا الصبر ...

[منتسـب]

الله يعافيك اخوي

ومشكور على مرورك

[المحروم..@]

من ذاك اليوم اللي خلانا المراقب .. نكتب على نفس الورقة وبطني يعورني حاس انه بيصير شيء لانها جامعة خرطي

[ابو ميس2012]

حسبي الله ونعم الوكيل, حسبي الله ونعم الوكيل, حسبي الله ونعم الوكيل

[ابو ميس2012]

اذا فعلا راح يتمشى وحنا على اعصابنا ننتظر النتيجه اللي المفترض انها طالعه مع زملائنا الاربعاء فهذه مصيبه عظيمه, ومدري كيف بارتاح لو انا في محله والناس تدعي علي او تحسب وانا رايح افرفش.

للمعلوميه/ انا مختبر وإن شاء الله معدي الماده والمشكله من طرف الجامعه ونظامها ذا الخايس وبرضه جالس انتظر النتيجه ولا حول لي ولا قوه وجده 1000 كيلو بس إن شاء الله ترصد اليوم او بكره او بروح لقسم اللغه واتفاهم معهم لانو كان مواعدني اليوم ولحد هاللحظه dn يعني ظلم والله لا يسامحهم ولا يربحهم.

[als3udi]

أنا ما أدري وش معنى "أجدها ثم ارصدها" كإنه يتكلم بلغة المفرد؟؟
يا أخوان ترى مجموعة كبيرة من الطلاب dn يعني توقعت 2 او 3
مو معقوله اختبار مناطق وله فترة طويله ولايصححها بدري بعدين كم عنده ماده هالترم؟
لإنه طريقة الاختبار اكتب اسمك والرقم والورق غير منظم واختبارهم غير منظم
طيب خليها تظليل دامها صح وخطأ واختيارات ؟؟؟؟ عشان التصحيح إلكتروني اسرع
أنا ماعمري كتبت رد فيه غلط او اخطيت ع احد الحمدلله بس هالطريقة مجحفه بحق الطلبه
ورانا ترم صيفي وورانا حساب معدل ونبي راحه نفسيه عشان نذاكر يعني وش يضمن لي تتعدل؟؟
لكن ماقول إلا حسبنا الله ونعم الوكيل وترى عدم الحضور dn كلنا موقعين على حضور اختبار المناطق

[Engli$h]

شكرا وماقصرت

[qatar2022]

أعتبره تساهل واستخفاف بعقول الطلاب و على اي اساس يقول لما احصلها راح أغير الدرجة معناتها الاوراق ضايعة والله شي يقهر هذا وهو دكتور المفروض يكون واعي ومدرك لاهمية الموضوع لكن للأسف ما عندك احد
وش الإجراء اللي نقدر نسويه انا مراح انتظر حضرته عشر ايام لين يخلص إجازته

[افياء]

ياشباب انا حاجز من الجنوب لجده يوم 18 يونيو الاسبوع الجاي عشان ذي الماده يعني مافيه فائده لو جيت الجامعه