استفسار بسيط ارجو الرد خصوصا من الاخوان الخبره

[مناحي دووت كوم]

السلام عليكم ورحمة الله وبركاته

حبيت اسال بخصوص مادة ال lane 321 مقدمة في اللغويات

كيف طريقة الاختبار ؟؟؟

اختيار متعدد ام تعاريف واكتب وامسح وحل عدل وانتبه للسبلنق لا يصير خطا؟؟؟؟؟؟

ارجو الرد وتكفون قولولي اختيار متعدد

[مناحي دووت كوم]

up up up up

[الهــــــاجري]

اخذتها انا عند احمد موسا
كان الاختبار اختيار من متعدد في نفس الورقه
٥٠ سوال او ماني متاكد لكن فالك النجاح
وادعي لي بالتوفيق والتخرج

[مناحي دووت كوم]

الله يوفقك وتخرج ان شاء الله ونخلص انا وانت من هالاختبارات ونروح نربع مع ذالعالم ههههه

الناس امطار وخير بالنعيريه وحنا نحوس بجده

[الفتى]

صبحك الله بالخير يا مناحي , القهوة وانا اخوك ..

المادة فيها اختيارات , وفيها تعاريف , وركز وانا اخوك على الفصل الرابع مهم بقووووة

المادة تعتمد على الفهم بالدرجة الاولى ..

وبعدين انا نجحت فيها , أنت ما تنجح فيها ؟؟

[مناحي دووت كوم]

صبحك الله بمثله يالفتى

ياولد مشكلتنا نهمل اشغالنا واهلنا ورانا وماندري وش السالفه وننصدم بواقع المر الاليم بصعوبة الاختبارات

اذا فيه شي مهم بعد افزعولي يارياجيل قسم قسمات اني قاعد اقراها من اربع ساعات انصلخ مخي من زحمة المعلومات اذا دخلت معلومه طلعت الثانيه

[مناحي دووت كوم]

الا صدق بشرني وش سويت في الماده اللي تاخرت عليها اربهم سجلولك اختبار بديل

[الفتى]

والله وانا اخوك رحت لهم وقلت حضرت الاختبار ولا دخلوني

قالو لي وش تقول بيتكم غرق ..

قلت لااا حضرت الاختبار ولا دخلوني

قالي مرة ثااانية وشو اللي غرق ؟

قلت وش بلاك يا رجال ؟

اثاريه يغمزلي عينه مديره وراه ويبيني اقول له ان المطر عاقني

قلت الله الله السيول حالت بيني وبين الجامعة

مع اني اذكر ذاك اليوم الشمس طالعه وحر ولا فيه مطر ولا سيول

الموووووووهم انهم وعدوني باختبار بديل ..

[مناحي دووت كوم]

الله يوفقك يارب وتيسر امورك كلها ان شاء الله وفالنا الوثيقه

[الفتى]

حنا وياك اللهم آمين ,,,

يامناحي اذا ما بعد اخذت مقدمة بالادب , انتبه منها

تسمع بالجمرة الخبيثة ؟

مقدمة بالادب هي الجمرة الخبيثة .. لاتطلع من جدة الا وانت اخذ كتابها وملخصاتها "نصيحة اخو"