اللي يسأل عن ماستر التغذية ..

[ذكريات]

السلام عليكم

انا متخرجة من كلية العلوم تخصص كيمياء حيوية
وابغى اكمل ماستر ان شاء الله بكلية الاقتصاد المنزلي
قسم تغذية

ابي معلومات عن التغذية وكيف دراستكم
وكيف المواد سهلة ولاصعبة وتعتمد ع ايش
ودراستكم عربي ولا انجلش


<<< بكلية العلوم دراستنا بالانجلش

ياليت تفيدوني
ومن افضل الدكاترة

والله يعطيكم العافية

[أطمح للماجستير]

ياعيوني .. انا اقتصاد منزلي تخصص عام وبكمل الماستر تغذيه ..

وسألت كثير يقولون روووعه مره ومواد التغذيه اللي دارستها رااااائعه ومرتبطه ببعضها كثير .. طبعا المسميات والرموز والعناصر والجداول والحسابات كلها انجليزي .. ولكن كشرح مفصل فيها عربي ..

وان شاء الله يعجبك ..


< دورها تسأل .؟!

كم قالوا لك سنه تدرسين الماستر بالتغذيه .؟!! اختبرتي الإنجلزي ولا لا .؟!!

[cinnabon]

انا محاقدر افييدك كتير لانو لسه انا في المستوى السادس وفي دكاترة مامروا عليا

شوفي ياقلبي هو القسم دا حلو بس مووو مررة روعة لانو روعة احسو مبالغ فيها واكترو حفظ

والدراسة عندنا بالعربي والانجليزي زي ما قالتلك اختنا اطمح للماجستير

وممكن كمان يكون المنهج بالانجليزي بس تشرحوا الاستازة بالعربي

بس قالولنا انو السمستر السابع والتامن حيكون بالانجليزي وحتى الاسئلة كمان

بس الانجليزي مهم لانو اغلب المعلومات عن التغزية في المواقع الموثوقة تكون بالانجليزي

والمواد في منها صعب وفي منها سهل بس كلو يعتمد على الاستازة

بالنسبة للدكاترة الي درسوني

افضلهم دكتورة رباب مدني ماشاء الله عليها انسانة فاهمة وممتازة فازا تقدري تخليها تشرف على رسالتلك انصحك بييها وانا نفسي اخد عندها ان شاء الله البحث التطبيقي

الدكتورة هالة خطاب والدكتورة عبير خضر برضوكويسين وشرحهم كويس

أما الدكتورة عبير الخميسي انا سالت البنات قبل ما اخد المادة عندها قالولي انها مررة كويسة وانا ما اختلف عنهم هيه صح شرحها كويس بس مررة تعبت معاها في التكليف الي اعطتنا هوا حتى البنات الي كانو معاياكل مررة تقول شكل :s ولما اسويلها هوا زي ما تقول واجي اوريها تقول انا ما اولتش كده وامسحي والمررة التانية لما اراجعها تقولي فينو والله مرة جننتني بس الحمد لله على كل حال

انا ما ابغا اكرهك في قسمنا او اشردك منو امكن يعجبك اكتر مني وتكووون امورك ماشاء الله ماشية تمام

ولا تعتمدي على كلامي بس استشيري اكتر من بنت

والله يوفقك يااارب ونشوفك ان شاء الله دكتورة في الجامعة :)

[ذكريات]

اطمح للماجيستر
تسلمي ياعسسسل
لسه ماختبرت توفل حقدم قريب ان شاااااء الله
الله يوفقك ياااااارب


cinnabon

الله ييسعدك ويووفقك
مشكورة

[روح متفائلة]

عزيزتي أنا متخرجة من قسم تغذية وصراحة كل عضوات هيئة التدريس رائعات
بس لكل وحدة أسلوبها

والقسم رائع
لازم تفهمي فيه وتحفظي
لأنه مرة مليان مصطلحات
بس لو إنتي حابية التخصص
بإذن الله حتكملي فيه وتتخرجي بتفوق

و الدراسة بالعربي من ناحية الشرح
لكن أغلب المراجع حتكون أنجليزي
لأنه مافي مواقع و مراجع في العربي كثير
و أغلبها غير موثوق

[qamar_1985]

عزيزاتي انا متخرجه من كلية التربية للاقتصاد المنزلي قسم تغذية وابغى اقدم ماجستير في الجامعه قسم تغذيه قدمت توفل والحمدلله تمام بس ابغى احد يفيدني عن اختبار القبول للماجستير تغذية اذا عربي ولاانجليزي واذا نظري ولاعملي وموضوعي ولامقالي لانه احنا في الكليه كل دراستنا عربي ولو بالانجليزي ممكن تفيدوني من وين اجيب المراجع وايش المواد الي اذاكرها عشان اختبار القبول
ياريت لو احد يعرف احد في الجامعه يسالنا انا مااعرف احد يدرس في الجامعه
بليز ابغى الرد سريع وسامحوني على الاطاله
بليز بنات الله يرفق الي ترد عليا ويوفقنا كلنا انا مره قلقانه

[خجوـوـولة]

نفس معاناة واستفسار الأخت qamar_1985

نتمنى رد قريب

[نجاة الفرسي]

نفس السؤال انا كمان
مين هناك يقدر يفيدنا؟؟؟

[توت عنب]

عندي سؤال" متى نتزل أسماء المرشحااااااات للماستر تغذيــــــــــــة؟؟؟؟؟؟؟؟
كل يوم لهم كلااااااام""""

[المزيونه]

سمعت انهم حولول التخصص كليه صحيه صحيح وإلا لا ؟؟؟