كيف اسجل في الدورات الي تسويه الجامعة

افتكروني · #1 03-09-2013, 05:01 PM

السلام عليكم ورحمة الله وبركاته.....
كيف اعرف بوجود الدورات اللي تسويها الجامعه وكيف اسجل فيها
وايش الدبلومات المتاحه لنا لاني ابغى احضر الدورات
اول بااول ياليت اللي عندها خبره تفيييييدني.....

white rose · 03-09-2013, 08:41 PM

وعليكم السلام ورحمة الله وبركاته

حياك الله اختي

الدورات تشوفيها من هالرابط :
http://rape.kau.edu.sa/GraduateSystem/Home.aspx

تحطي رقمك الجامعي + رقمك السري حق الاودس > وتضغطي دخول بعدها تضغطي على الدورات الفصلية يطلع لك الدورات بس لسه للان ما تحدتث للعام الجديد

وقبل كل دورة بيوم يفك التسجيل تابعيه باستمرار الين يفتح ويتحدث ويبدا التسجيل وسجلي في كل دورة تبغيها منو واحضريها بالجامعة واستفسري منهم متى يعطوك شهادة الحضور لمن تروحين لمكان الدورة

الدبلومات فيه في عمادة الدراسات العليا في موقع الجامعة هناك يعلنون وقت التقديم للماستر + الدبلومات يصير شيكي على الموقع من فترة لفترة وراح تفتح بشهر 3 او 4 هجري ان شاء الله

كمان في هذا المنتدى نعلن كل ما نسمع عن دورة فيه

الله يوفقك :-)

افتكروني · 05-09-2013, 05:44 PM

شكرا لك الله يسعدك ويوفقك....
الحمدلله اني لقيت رد...

افتكروني · 06-09-2013, 05:29 PM

لما ادخل يطلع لي كلام بالانجليزي ليه...

ورد الورود · 06-09-2013, 06:45 PM

المشاركة الأصلية كتبت بواسطة ام حمدان

وعليكم السلام ورحمة الله وبركاتة

حياك الله اختي الكريمة

الدورة هذي قبل اكثر من شهر شفت اعلانها بصفحة عمادة خدمة المجتمع تبع جامعتنا وكلمتهم عشان اختي كانت تبغاها لكن لظروف خاصة ماقدرت تسجل فيها والاستاذة الي ردت علي وقتها قالت باقي طالبة اواثنين ويكتمل العدد ويفتحوا الكلاس فما اتوقع التسجيل في الدورة لهذا الترم مازال مفتوح بس جربي حظك وكلميهم واعرفي منهم متى ممكن يبدا التسجيل فيها للترم الجاي ان شاء الله

هذا رابط اعلان الدورة وفيه الارقام

http://www.kau.edu.sa/content.aspx?S...=AR&cid=213541

وهذا الموقع الرسمي للعمادة فيه تنزل اعلانات دورات شطر الطالبات

http://www.google.com.sa/url?sa=t&rc...7jJPaKQYeLXidQ

موفقه

موفقة

white rose · 06-09-2013, 07:34 PM

المشاركة الأصلية كتبت بواسطة افتكروني

شكرا لك الله يسعدك ويوفقك....
الحمدلله اني لقيت رد...

العفو اختي وانتي تامريننا

المشاركة الأصلية كتبت بواسطة افتكروني

لما ادخل يطلع لي كلام بالانجليزي ليه...

اختي احتمال يكون خلل من المتصفح لانو لمن تفتحي الموقع اول شي واجهته تكون كذا زي اللي بالصورة :

بعدها تحطي رقمك الجامعي بالمربع الاحمر ورقمك السري حق الاودس وتضغطين على الدائرة الحمرا بالصورة عند كلمة دخول

بعدها راح تنفتح لك هالنافذة :

اختاري من القائمة اليسار فوق اول خيار الدورات الفصلية

بعدها راح تنفتح لك هالنافذة :

وبالمربع الاصفر الصورة سمهين تقدري تطلعين وتنزلين بقائمة بالدورات الين الدورات الاولى

والمربع الاحمر تعرفي التواريخ

والدائرة الزرقا تسجلي من هناك لمن تكون متاحة الدورات لنا

طبعا قبل كل دورة بيومين تشيكين عليها وكل شوية تشكيين عليها الين تفتح لانو ساعات يكون عدد المقاعدة المتاحة قليلة فبسرعة يسجلو البنات وما تلاقي مكان بالتسجيل

وهيا للان ما تحدثت لنا بالدورات الجديدة ان شاء الله خلال الايام الجاية هالاسبوع تتحدث

الله يوفقك :-)