الرد على كل الاستفسارات بخصوص ماجستير التشريح التقني والانسجة...

[اسير الاحساس]

المشاركة الأصلية كتبت بواسطة beauty star مبروك اسير الإحساس رغم انها جات متأخر . عقبال التوفيق الأخير يارب بس راح اسأل ليش ما تروح للملك فهد للتدريب و الأبحاث تطلب تدريب في قسمك بدون راتب الين ما يعترف بيه بإذن الله تكون لك الأوليه

اهلين فيك يا اختي والله يبارك فيك وكلك ذوق...
انا رحت وقابلت الدكتورة فاتن خورشيد قالت لي ما توظف اولاد بالقسم عندها
وقالت لو قبلتك راح تكون برا جدة يمكن بالمناطق الشمالية وفوق كذا على ابحاث بول الابل وهذا مو تخصصي ومو مناسب لي لكن ربك يفرجها والله يوفقك ويوفق الجميع...

[alaneed]

السلام عليكم ورحمة الله وبركاته
اتمنى من الاخوة الاعزاء ان تفيدوني بخصوص امكانية القبول في ماجستير التشريح التقني
بالنسبة لخريجين كليه العلوم الصحية التابعة لوزارة الصحة
حيث ان مسمى الشهاده دبلوم عالي او الشهادة الجامعية المتوسطه
ومدة الدراسه 3 سنوات ونص
هل يحق لهم التقديم لهذا البرنامج


ولكم جزيل الشكر

[beauty star]

المشاركة الأصلية كتبت بواسطة اسير الاحساس اهلين فيك يا اختي والله يبارك فيك وكلك ذوق... انا رحت وقابلت الدكتورة فاتن خورشيد قالت لي ما توظف اولاد بالقسم عندها وقالت لو قبلتك راح تكون برا جدة يمكن بالمناطق الشمالية وفوق كذا على ابحاث بول الابل وهذا مو تخصصي ومو مناسب لي لكن ربك يفرجها والله يوفقك ويوفق الجميع...

اسير الإحساس انا اقصد تدريب مو توظيف , طيف مستشفى الجامعة عندهم

اقسام تشريح روح الطابق السادس عند هيئة التدريب واطلب تعبئة استمارة

تدريب مع احضار جميع اوراقك والسيره الذاتيه عبيها واعطيها ايها وانتظرهم وربي


يوفقك , صح عندي سؤال بالنسبه لدراستكم كان في تطبيق عملي على

المستشفيات او لا ؟

[اسير الاحساس]

المشاركة الأصلية كتبت بواسطة alaneed السلام عليكم ورحمة الله وبركاته اتمنى من الاخوة الاعزاء ان تفيدوني بخصوص امكانية القبول في ماجستير التشريح التقني بالنسبة لخريجين كليه العلوم الصحية التابعة لوزارة الصحة حيث ان مسمى الشهاده دبلوم عالي او الشهادة الجامعية المتوسطه ومدة الدراسه 3 سنوات ونص هل يحق لهم التقديم لهذا البرنامج ولكم جزيل الشكر

الله يوفقك انا رديت عليك بموضوعك السابق اتمنى تتواصل معاهم وتتأكد...

[اسير الاحساس]

المشاركة الأصلية كتبت بواسطة beauty star اسير الإحساس انا اقصد تدريب مو توظيف , طيف مستشفى الجامعة عندهم اقسام تشريح روح الطابق السادس عند هيئة التدريب واطلب تعبئة استمارة تدريب مع احضار جميع اوراقك والسيره الذاتيه عبيها واعطيها ايها وانتظرهم وربي يوفقك , صح عندي سؤال بالنسبه لدراستكم كان في تطبيق عملي على المستشفيات او لا ؟

ربي يوفقك ويسعدك ويكتب لك كل خير...
انا بروح لهم واشوف وربك يكتب لي ولك اللي فيه الخير...

بالنسبة للتطبيق بالمستشفى لا للأسف ماكان فيه ممارسة وتدريب داخل المستشفى لكن كان تدريبنا داخل الكلية ...

[beauty star]

للمعلووميه قسم التشريح نفسه موجود بالبدروم تحت . لكن هيئة التدريب موجوده في الدور السادس عند استاذ / عبيد

الزهراني فهموم وضعك واذا ما فادوك انزل البدروم وإسأل عن مدير إداري التشريح وكلمه.ربي يوفقك

[beauty star]

وانت رايح اقراء سورة الضحى اكثر من مره وخليك مقتنع بداخلك ان هذي الايه بإذن الله راح تسهلك امورك

[اسير الاحساس]

روحي يا اختي ربي يفتح لك ابواب رحمته وخيرة ويسهل كل امورك...
ويفرج همك وكربتك ويحقق لك ما تتمنيه ياااااااارب...

[ابومشاري 1]

الاخ اسير الاحساس وفقك الله لمايحب ويرضى .
هل تنصح بهذا التخصص من جميع النواحي ولك جزيل الشكر

[اسير الاحساس]

المشاركة الأصلية كتبت بواسطة ابومشاري 1 الاخ اسير الاحساس وفقك الله لمايحب ويرضى . هل تنصح بهذا التخصص من جميع النواحي ولك جزيل الشكر

والله يا اخي العزيز انا بقولك الصراحة...
لو استمر الوضع زي ماهوا الان لنا ولا اعترفت فيه الهيئة السعودية للتخصصات الصحية...
فأنا اشوف ان التخصص ليس بالقوة التي تشجعك على دخولة...
لان كلية الطب رافضة توظيفنا بحجة ان البكالوريوس ليس طب والمستشفيات رافضة توظيفنا بحجة عدم وجود تصنيف من الهيئة...
والهيئة في البداية رفضت ثم تم اعادة صياغة للبرنامج وطريقة تدريسة والان هو في طور الدراسة ولازالت المكاتبات بين الهيئة والكلية بالرغم ان المفروض ان تتم المكاتبات والاعتراف من قبل فتح البرنامج ولكن للأسف ماذا عساني ان اقول...
فالمسألة الان مسألة وقت وتتضح لنا الامور ونعرف الحقيقة وننتظر رد الهيئة بالرغم انه صار لنا سنة الي الان ونسأل الله لي ولك وللجميع التوفيق...