جدول الترم التاني.. وارائكم

[دافئ الإحساس]

السلام عليكم

انا ليا كم يوم بأزبط جدول الترم التاني

وحتقولولي بدري انا عارف وروح الاجازة وكده لكن انا قلوقي مره

وما اطمن الا لمن اجهز كلي شي

المهم

انا اخترت المواد خلاص

واتمنى ان شاء الله انها تزبط في الجدول وما يكون في اي تعارض

موادي كالاتي ::

1- تنظيم ايض (ساعتين)

2- فيزيائية (3 ساعات)

3- الطاقة الحيوية (ساعتين)

4- ثقافة4 (ساعتين)

5- ايض العقاقير (ساعتين)

6- تطبييقية (4 ساعات)

......

لو لاحزتو معايا انو حاطط 3مواد اجبارية وماده وحده عامة ومادتين اختيارية

.......

قولولي هل هيا متناسقة مع بعض ؟؟

صعبه ولا سهله ..؟؟

اثبت عليها خلاص ولا كيف ؟؟

...

اي اراء تانية حتقبلها وما نزلت الموضوع الا انو ابا النصيحة والاستشارة اولا طبعا

منكم

.....

يلا قوامن قولولي كييييف يجي منو ولا لا

[Pr!ncess]

{ جدولك بالنسبه لي اشوفو عادي مو خفيف ولا تقيل , طيب انتا ادينا عدد الساعات اللي سجلتها وساعات الترم هذا
وكمان المواد الاجباريه اللي ما اخدتها <- أحسك مأجل مواد الأحياء مو ؟ ~

[دافئ الإحساس]

متاااكده انو متوسط الجدول.. يعني مو صعب متاكده مره ؟؟

الساعات المكتسبة يا برنسيسة 65

وساعات الترم دا 17

واللي ماخدتها الفيزيائية والتحليلة والجزيئية والطبية والطاقة الحيوية

والكيميا العضوية وبيلوجي الخلية
وبس كده تقريبا

..........

شوفي الموضوع دا كمان شكلك ما انتبهتيلو في الاخير مره

مين يقدر يخدمني في جدول للمواد الغذائية

[Pr!ncess]

متاااكده انو متوسط الجدول.. يعني مو صعب متاكده مره ؟؟

{ ايوا , الطآقه والتنظيم المنهج تافه وكله عدا عليك بالذات التنظيم , والطاقه حلوة وبالبدايه راح تحسها زي الفيزيائيه بالضبط
أنا أخدت المادتين ( طاقه & فيزيائيه ) مع بعض الترم اللي فات وكل وحده ساندت التانيه كـ فهم
والفيزيائيه أغلبها فهم , أشياء بسيطه تعتمد ع الحفظ زي التعاريف والقوانين , بس كلو فهم
تطبيقيه مرة مفيده وحلوة بس يبالها مجهود , يمكن هي أكتر ماده يبالها وقت منك
بس الباقي مرة لا تشيل همو خصوصا لو الدكاترة ساعدوك بالاستيعاب ~

الساعات المكتسبة يا برنسيسة 65 وساعات الترم دا 17 واللي ماخدتها الفيزيائية والتحليلة والجزيئية والطبية والطاقة الحيوية والكيميا العضوية وبيلوجي الخلية وبس كده تقريبا

{ ماشي تمام بالخطه تقريباً , إذا منت حاب تضغط نفسك استمر ع الجدول
بس أشوف لو تشيل التطبيقيه وتحط تحليلي أفضل , بدري ع التطبيقي لسآ ~

[Pr!ncess]

شوفي الموضوع دا كمان شكلك ما انتبهتيلو في الاخير مره

{ أنا شوفت الموضوع أول بس ما شوفت الرد الأخير بعد تسليم الواجب
عمومآ الحمد لله ربي ما ضيع لك مجهود , وتستاهل ماشاء الله عليك مجتهد ^^" ~

[دافئ الإحساس]

المشاركة الأصلية كتبت بواسطة pr!ncess { أنا شوفت الموضوع أول بس ما شوفت الرد الأخير بعد تسليم الواجب عمومآ الحمد لله ربي ما ضيع لك مجهود , وتستاهل ماشاء الله عليك مجتهد ^^" ~

الحمدلله يارب

مممم

تسلمي >>ما يعرف اش يقول

[دافئ الإحساس]

المشاركة الأصلية كتبت بواسطة pr!ncess { ايوا , الطآقه والتنظيم المنهج تافه وكله عدا عليك بالذات التنظيم , والطاقه حلوة وبالبدايه راح تحسها زي الفيزيائيه بالضبط أنا أخدت المادتين ( طاقه & فيزيائيه ) مع بعض الترم اللي فات وكل وحده ساندت التانيه كـ فهم والفيزيائيه أغلبها فهم , أشياء بسيطه تعتمد ع الحفظ زي التعاريف والقوانين , بس كلو فهم تطبيقيه مرة مفيده وحلوة بس يبالها مجهود , يمكن هي أكتر ماده يبالها وقت منك بس الباقي مرة لا تشيل همو خصوصا لو الدكاترة ساعدوك بالاستيعاب ~ يب الدكاتره اللي حاخد عندهم ان شاء الله سمعت انهم مره تمام { ماشي تمام بالخطه تقريباً , إذا منت حاب تضغط نفسك استمر ع الجدول بس أشوف لو تشيل التطبيقيه وتحط تحليلي أفضل , بدري ع التطبيقي لسآ ~

لالالا ترا ماينفع تحليلة حاخدها في حااااله وحده بس

ازا كان اللي يدرسها مو اللي في بالي

لنو اللي في بالي بيدرسني تغذية ومورييينا الوييييييل

والله كانو بيدرسنا ماده من 10 ساعات

ومحد ينصحو مره بس مضطر اخد التغذية عندو لنو ماسك المادة لسنتين

والتحليلية في الصيفي واحد دكتور مصري مرره ممتاز حاخدها عندو ان شاء الله

فقوليلي بدامت التطبيقية بدري عليها

قوليلي احط ايش شي بديل

اهم شي يكون مو مره بديكا الصعوبة

لنو التنظيم دكتورها ترا وررربي معقد

والدليل جمييييع الدفعات لمن اخدو دي الماده معاه الاكتررررررر ياخدو فيها افااااات لليل

ويقولك اسالتو صعبه وزي كده

فالاكتر اللي نجحو فيها يكون رسبو فيها يا مره او مرتين عشين كده

شوفيلي مادة غير التطبيقية وتكون مو مره بديكا الصعوبة

يسير افضى للتنظيم هادي


وسوري ازا تعبتك معايه

[بيو كيميائية ^_^]

مـو كأنوا باقي ثلاث شهور

مستعجل على ايش

المهمـ خذ فيزيائي وطاقة وتحليلي كلهمـ سواء

وتنظيمـ وثقافة وعقاقير

عقاقير أنا دحين أخذهـا لين الحين ماشفت فيها شيء صعب مادة ممتعة جدًا

شيء ثاني لا تسمع كلامـ الطلاب كذابين

عندنا دكتورة مسكينه الكل يذمها لكن لما جربتها طلعت أحسن دكتورة في القسم وعسل وأخلاق

ومشتكين عليها البنات ويقولون إنها تسب وتشتمـ وتزعق وهي عمرها ماسبت أحد ولا رفعت نبرة صوتها لأحد من أول محاضرة لنا لين دحين

ويقولون إنها ترسب وهي أصلًا لاترسب ولا شيء

ويقولون إنها تعطي البنت اللي تعجبها

هي تقول لي اليومـ إنها حتى لما تصحح ماتتطالع في الاسمـ عشان لاتدي البنت درجة زيادة في حالة إنها شاطرة

الدكتورة جدًا حقانية وماترسب ولا تظلمـ أحد

أنا مرة حزنت عليها لأن الكل يذمها وهي توب في كل شيء

[دافئ الإحساس]

المشاركة الأصلية كتبت بواسطة بيو كيميائية ^_^ مـو كأنوا باقي ثلاث شهور مستعجل على ايش المهمـ خذ فيزيائي وطاقة وتحليلي كلهمـ سواء وتنظيمـ وثقافة وعقاقير

التحليليه اباها في الصيفي لنو اللي حيدرسها نفسو اللي يدرسني تغذية دحين

والله مطلع عيوننا... يحفظنا المادة ولا كانو بنحفظ القرآن من الجلدة للجلدة

وفي الاخير اسئلة قليل كلمة صعبه فيها :(

ولو كان مو هوا حاخدها الترم الجاي

لنو الصييفي حيكون واحد مصري اعرفو مره مزبوط

......

وبالنسبه للاختيارية كويسة مو ؟

[Pr!ncess]

لالالا ترا ماينفع تحليلة حاخدها في حااااله وحده بس ازا كان اللي يدرسها مو اللي في بالي

{ امم والله ما أدري بس أنا عن تجربة ما صرت أهتم لدكتورة الماده
وبصراحه صادقه الأخت بيو كيميائيه ! , لكن لو مصر ممكن تاخد بدالها خليه مع إني أفضل تحليلي ~

أنا مرة حزنت عليها لأن الكل يذمها وهي توب في كل شيء

{ عرفت مين تقصدي وانا آخد معاها دحين , وبصراحه أخيرا شوفت أحد يمدحها دي الآدميه
أنا لما أمدحها يستغربوا البنات , والله أخلاق وشرح ماشاء الله توب والتزام وأسلوبها مشوق وأسئلتها من اللي تشغل العقل مو حقت كوبي باست على قول الدكتوره !
وترا مرة حقانيه تديكي درجتك على قد فهمك , ماشاء الله عليها بالعكس أنا أقول لو دكاترة الجامعه زيها راح يتخرج من الجامعه دفعه قويه متمكنه مهيئة إنها تكمل تعليمها برآ السعوديه بكل جدارة وسهوله
مرة انقهرت يوم اشتكوا عليها يشيلوها ==" , وحتى أخدت مع دكتورة الانزيم اللي الكل رهب منها وطلع العكس تماما الآدميه جداً خلوقه وهاديه وفي حالها ~