المستوى الثالث

[saadoony]

السلام عليكم ورحمة اللهـ وبركاتهـ
أين أجد مقررات تخصص اللغة الإنجليزية المستوى الثالث بالرياض


الإحصاء في العلوم الإنسانيه , الثقافه الإسلاميه 2 , القراءة 1 , الكتابه 1 , اللغة الفرنسيه 1 , الإستماع والتحدث 1 , اللغة العربية 2

ما هو المقصود بالمقرر الحر ؟

ممكن ترتيب المواد من الأسهل فالأصعب ؟
لدي اللغة العربية كمادة حمل فهل بإمكاني تأجيلها إلى ما قبل التخرج ؟
تمنياتي لكم بالتوفيق والنجاح

[منتسـب]

هلا اخوي انا من الرياض

وبشرق الرياض تحديدا

واغلبها اذا مو كلها عندي

ان شالله اقابلك بمكان او احطها لك مكتبة وتأخذها

ومانبي الا الدعاء بالتوفيق

[saadoony]

المشاركة الأصلية كتبت بواسطة منتسـب هلا اخوي انا من الرياض وبشرق الرياض تحديدا واغلبها اذا مو كلها عندي ان شالله اقابلك بمكان او احطها لك مكتبة وتأخذها ومانبي الا الدعاء بالتوفيق

أنا مداوم بكره الظهر وبسلم المغرب وبتجه لشرق الرياض عندي شغله حول مخرج 5 أنت شف لي إذا الوقت اللي يناسبكـ وأقدر أقابلك فيه بس يا ليت تحدد لي موقع اللقاء ولك جزيل الشكر والعرفان

[منتسـب]

ابشر ياطويل العمر ماطلبت شي

بس قبل شوي قريت بمواضيع ان في احتمالية تتغير المناهج يعني لاتتسرع

عموما بتابع موضوعها ونشوف وش يصير

واذا ماتغيرت بحدد مكان لك نتقابل وتأخذ الكتب

[wolf-999]

السلام عليكم

اخوي منتسب .. يا ليت تعلمنا من وين اشتريت الكتب عشان نروح نشتريها لا هنت

[saadoony]

المشاركة الأصلية كتبت بواسطة منتسـب ابشر ياطويل العمر ماطلبت شي بس قبل شوي قريت بمواضيع ان في احتمالية تتغير المناهج يعني لاتتسرع عموما بتابع موضوعها ونشوف وش يصير واذا ماتغيرت بحدد مكان لك نتقابل وتأخذ الكتب

راح تتغير بالصيف يعني ولا كيف ؟

مو مهم الإنجليزي مهما تغيرت المناهج يبقى مادة كل ما قريت فيها كل ما تطورت لغتك.

[ام حمدان]

وعليكم السلام ورحمة الله وبركاته

اخي الكريم
هناك احتمال كبير بأن يتم تغيير المناهج لذلك لا تستعجل بشراء اي كتاب قبل معرفة المناهج الجديده

لذلك انتظر الى بداية الترم القادم إن شاء الله
بالنسبه لترتيب المواد الافضل ان تتبع الخطه الدراسيه كما هي

موفق

[ابو وســــام]

أخي ماذا بخصوص اللغة الفرنسية1 lanf221 ؟؟؟
هل المادة موجودة بالخطة الدراسية لديك؟؟؟
أرجوا التوضيح حتى نعرف أن المادة مازالت موجودة أو حذفت من التخصص...
بالتوفيق للجميع ان شاء الله

[saadoony]

المشاركة الأصلية كتبت بواسطة ابو وســــام أخي ماذا بخصوص اللغة الفرنسية1 lanf221 ؟؟؟ هل المادة موجودة بالخطة الدراسية لديك؟؟؟ أرجوا التوضيح حتى نعرف أن المادة مازالت موجودة أو حذفت من التخصص... بالتوفيق للجميع ان شاء الله

أبشرك ما زالت موجوده واللهـ ولي التوفيق

[saadoony]

المشاركة الأصلية كتبت بواسطة منتسـب ابشر ياطويل العمر ماطلبت شي بس قبل شوي قريت بمواضيع ان في احتمالية تتغير المناهج يعني لاتتسرع عموما بتابع موضوعها ونشوف وش يصير واذا ماتغيرت بحدد مكان لك نتقابل وتأخذ الكتب

أخوي أنا إنسان ما فيني صبر وودي أنك تعطيني الملخصات لأن ودي أقراها وأخذ فكره عن المستوى الثالث ولا فيني صبر لشهر 10 واللهـ ولي التوفيق