اختيار مواد للمتسوى الرابع +بعض النصائح!!

[p!nk1]

السلام عليكم ورحمة الله وبركاته ....
بما ان نتائج المواد كلها نزلت وافتكينا من القلق وشيلة الهم!!!!!

عديت في جميع المواد اللي نزلتها ماعدا الرينق حملته الله يعيني علييه

طبعا الترم اللي فات تاخرت كثيير على مانزلت المواد كان عندي مشكلة في الحذف والاضافة والتاخير ااثر في مذاكرتي جدا وكنت ملخبطة !!!

الترم ذا ناوية ابدا من بدري وماتاخر ابدا

طبعا قررت انزل ريدنق 1+ ورايتنق1 لاني مانزلته الترم اللي فات (هذا بالنسبة للتخصص)
بالاضافة الى ثقافة 3 + والفكر الفلسفي+ومقدمة في العلوم الطبيعية
اطلعت على ملخصات للثقافه تقريبا المادة مافي صعوبة بالمذاكرة والتركيز بننجح بدرجات حلوة وترفع المعدل نفس طريقة الثقافه في المستويات السابقة..
الفكر والمقدمة ؟كيف هالمادتين؟ان شاء الله ماتكون صعبة مع بعض
فياليت اللي اخذت هالمادتين تعطينا خلفيه عندها ومع مين اخذتها هل الاسئلة موحدة لكل الشعب او كل شعبة على حسب الاستاذة ؟
لاحد يقولي المواد العامة خذيها مع اي حد عادي !!
اخذت مادة الشباب والمواطنه مع استاذة حنان الصومالي الله يسعدها وين ماراحت المادة كلامها كثيير ويبغالها تركيز وفهم لانها تلخبط مررة وبصراحة الاسئلة كانت سهلة واضحة مررة طبعا اللي كتبتبها استاذة حنان


اخيرا بالنسبه للبنات اللي حملوا اي مادة لاتصير لكم عائق المواد جديدة علينا وطريقة مذاكرة برضوا جديدة بالعكس ان شاء الله في المرة الثانية راح نعدي فيها وبدرجات عالية باذن الله
ومثل ماسمعت من البنات المستويات السابقه انو هذي المواد البيزك صعبا نوعا ما لانها من خارج المنهج ولكن مواد التخصص الباقيه بتكون اسهل علينا لان الاسئلة ماتخرج عن المنهج ...



البنات اللي اخذوا مواطنه تفتكروا توزيع الدرجات كل الفقرات عليها درجتين او في بعضها ثلاث درجات ؟
لاني عندي خطا واحد بس واخذت 97 فنقصت 3درجات ماني عارفة بالضبط ايش المشكلة ؟



اخيرا اتمنى التوفيق لجمييع الطالبات والطلاب بالتوفيق وحظ اوفر لنا في المستويات الجاية يارب

[عاشق الشطرنج]

بالنسبه لماده الفكر الفلسفى كل اللى ذاكرتها طول الترم ماتتعدى 10 ساعات فقط وجبت فيها درجه النجاح الحمد لله

يمكن تستغربي ليه ماذاكرتها كثير لانه بصراحه ماده صعب الواحد يفهمها ويبغالها حفظ كثييير وانا اكره ماعلى الحفظ

عموما الشى اللى قهرنى لما طلعت من القاعه بالصدفه حصلت اوراق ملخصات كعاد الطلبه يرمونها زي ماانتى عارفه

ولما قريتها لقيت فيها اسئله كثير منها جات فى الاختبار وكنت اقول لنفسى يابخت الطالب اللى قرأها اكيد بيبدع

فى الاختبار يعني زبده الكلام الماده ركزى اكثر شى فيها على الاسئله ولاتتعمقى فى الدروس والان انا ابغى

رأيك فى ماده الشباب وقيم المواطنه لانى بضيفها الترم الثاني تحياتى لك

[p!nk1]

شكرا لك اخوي بديت اخاف من هالمادة مع اني كنت متوقعه انها مادة معقولة مو ذاك الصعوبة .
مادة الشاب و المواطنة قد تكون مملة شوي الباب الاول والثاني تتكلم عن المملكة وتاسيسها وحكامها وسكانها والابواب من 3الى 6 تتكلم عن الشباب والمواطنه والوطنية العولمة واحتياجات الشباب هي تدور على نفس الكلام مايحتاج تحفظ فيها كثثير مادة تعتمد على التركيز والفهم اكثر شي وقد تكون قريبة منكم يالطلاب بحكم دراستكم لمادة الوطنية سابقا طبعا ذاكرت من الكتاب فقط والحمد الله الاسئلة ماطلعت من الكتاب وكلها واضحة التعاريف كثير شوي مثل العادات و التقاليد والمواطنة والبيئة ومن هالتعاريف ممررره مهمة اذكر جانا سؤال ثمان تعاريف نحط كل تعريف مع اللي يناسبه من عنوان للتعريف .
بصفه عامة المادة بيتكون لو تساهلتها وذاكرتها كويس من بدري وبترفع المعدل .
والحمد الله جبت فيها +a لولا خطا واحد بس,,

اتمنى لك التوفيق.

[nour al3mr]

وعليكِ السـلام ورحمة الله و بركــــاته

حيـاك أختِ و مبارك لك النجـآح و الله يعوضك في المادة التي لم تجتازيها

بالنسبة لجدولك تمام و لله الحمد
أنزلي موآد التخصص خاصة الاستماع و التحدث 2 لأنه سيفتح لك مواد اللغويـــــات

أما المواد العامة فلم أدرسهـآ لكن بشكل عام الطالبات لم يجدوا بها مشكلة .. و بإذن لله يفيدوك

موفقـة

[طيف عابر]

الحمد لله عديت في الريدنق 1 بشق الانفس كانت الاسئله غايه في الصعوبه جبت 65 الحمد لله اهم شي النجاح 

[p!nk1]

المشاركة الأصلية كتبت بواسطة nour al3mr وعليكِ السـلام ورحمة الله و بركــــاته حيـاك أختِ و مبارك لك النجـآح و الله يعوضك في المادة التي لم تجتازيها بالنسبة لجدولك تمام و لله الحمد أنزلي موآد التخصص خاصة الاستماع و التحدث 2 لأنه سيفتح لك مواد اللغويـــــات أما المواد العامة فلم أدرسهـآ لكن بشكل عام الطالبات لم يجدوا بها مشكلة .. و بإذن لله يفيدوك موفقـة

شكرا لك نور المشكلة مااقدر ازيد على 5 مواد وخاصة الاستماع بصراحة متعب يبغالة شغلة برزنتيشن واسمع كثثير علشان اتدرب عليه فحيكون باذن الله السنه الجايه مواد البيزك الثلاثه استماع 2 وريدنق2 وكتابة 2 اكون عودت نفسي عليهم خلال الاجازه اكتب واسمع كثيير باذن الله ..
سؤال هل انا ماقدر اضيف اي مواد تخصص ثانية الا لمى انتهي من الثلاث المواد اللي فوق

[p!nk1]

مافي حد اخذ مقدمة علووم يدينا خليفه عنها ياهوو..

[p!nk1]

متى يبدا الاضافة للترم الجديد؟

[nour al3mr]

المشاركة الأصلية كتبت بواسطة p!nk1 شكرا لك نور المشكلة مااقدر ازيد على 5 مواد وخاصة الاستماع بصراحة متعب يبغالة شغلة برزنتيشن واسمع كثثير علشان اتدرب عليه فحيكون باذن الله السنه الجايه مواد البيزك الثلاثه استماع 2 وريدنق2 وكتابة 2 اكون عودت نفسي عليهم خلال الاجازه اكتب واسمع كثيير باذن الله .. سؤال هل انا ماقدر اضيف اي مواد تخصص ثانية الا لمى انتهي من الثلاث المواد اللي فوق

المشاركة الأصلية كتبت بواسطة p!nk1 مافي حد اخذ مقدمة علووم يدينا خليفه عنها ياهوو..

المشاركة الأصلية كتبت بواسطة p!nk1 متى يبدا الاضافة للترم الجديد؟

حيـاك أختِ

الله يعينك و بإذن لله تتيسر لك
مقدمة في العلوم ادخلي لرابط الدورة التأهيلية من أيقونة الدورة التأهيلية المثبته أعلى القسم و أقرأي موضوع الطالبات راح يفيدك

وماتقدري تضيفي أي مادة الا لما تنتهي من متطلبها

و يبدأ الحذف و الاضافة للانتســـــاب حسب ما يذكر في التقويم الجـآمعي

موفقة

[escholar]

بصراحة مَ ودي أكتب مشاركة عاجبتني الأصفار وجديدة وكذا خخخ

بس حبيت أقولكم إنه لما سألت عنها عرفت إن مقدمة في العلوم الطبيعية بدل مادة التدريب العملي 1
( هي مادة كانت بالخطة في المستوى السابع قبل ما تنزل مقدمة في العلوم الطبيعية )
فَ لسا المفروض ما ناخذها الين نوصل هالمستوى !
بالتوفيق إن شاء الله ..