سؤال عن انتظام الطلاب الاجانب

[nour al3mr]

الله يعينكم أجمعين ع المعاناة للقبول في الجامعة...
وألف مليوووووون مبروك للأشخاص اللي تم قبولهم في الجامعة..
إن شاء الله بداية خير لكم أجمعين ..
وربي يوفقك وييسر الخير للي ماتم قبولهم...إن شاء الله خير لكم ..
بس والله وأنا أقرا ردودكم ذكرتوني بالايام الخوالي والمعاناه في التسجيل في الجامعه ..
انا يا حبايبي ع الدفعة اللي اتخرجت منها كان ممنوع قبول غير السعوديات ...فطبعا لغيت فكرة اني اقدم مباشره للجامعه ...
وسلمت امري الى الله وقلت اكيد خير وربي مو رايد ادخل ..فقررت ادخل احدى جامعاتنا اليمنيه الأهليه << ومعلومة مو كا الجامعات اليمنيه مو معترف فيها لانه جامعة العلوم والتكنولوجيا معترفه عالميا << والله اعلم ...
فلما قدمت للجامعه المسؤول عن التسجيل نصحني اقدم ع المنحه لاني ماكنت اعرف عنها والله يجزاه الجنه ساعدني كثير في التقديم ....طبعا ع ذيك الايام كان التقديم في شهر ابريل ..
ومن بين الاف طالب وطالبه يختاروا بس 60 ...
الشغله طبعا طولت وع ماقالت وحده من الاخوات الله يسعدها انتي اللي لازم تهلكيهم اتصالات ولا هم ما بيدقوا صارت لي افلام هنديه واكشنيه وجميع البدايع من وراهم وجاتني ع مرتين الاولى في جامعة ام القرى في مكة وطبعا رفضت المنحه لانه عند اهلي من المستحيلات اني ادرس هناك..والمره الثانيه الحمد لله في عبد العزيز....طبعا هذا ضيع علي كثير واخرني عن دراستي بس كنت الحمد لله مرتاحه وموقنه انه بادخل ..
بس في الاخير الحمد لله طلعت لي المنحه بفضل من الله ..وانتهت ازمة التقديم للسفاره..
الازمة الثانيه بدات في جامعة عبد العزيز..
لما اروح للوكيله الله يستر علينا وعليها تقول لي مالك رقم معامله ولا لسه ماوصلت ومن هذا الكلام.. او تطيرني من مكتب لمكتب وطبعا ع الفاضي..
وكل مره تقول بكره بعده الى ما مر يمكن اسبوعين او اكثر..
في الاخير قررت انتقل لعماده الاولاد دقيت ع وكيل القبول والتسجيل لعمادة الاولاد وانا معاه ع الخط ماجات نص ساعه الا وهو معطيني رقم المعامله..
ورحت للاخت الوكيله و اعطيتها والحمد لله مشي الموضوع بسلام<< بعد حرب طاحنه ..
وبدات دراستي من الترم الثاني بفضل من الله ..
بس اللي اعرفه من شروط المنحه اللي قدمتها وهذا الشيء ابغاكم الله يسعدكم تتاكدوا منه قبل ما تختاروا الكليات ..لما طلبوا مني اختار التخصص او الكليه قال لي المسؤؤل في الرياض عن وزاره التعليم انه ما اقدر اغير الكليه اذا كتبت اداب وجاني القبول لهناك ما اقدر احول اي كليه ثانيه...
فمن البدايه اتاكدوا من رغباتكم ...
نصيحتي لكم يا حبايب ...
القبول في الجامعه او لمواجهة اي شيء في الحياه ..تحتاج الشغله صبر تام وطولت بال ..
لا تستسلموا او تيأسوا حتى لو حسيتوا إن الأبواب كلها اتقفلت في وجهكم ..
ثقوا بالله تماما واحسنوا الظن فيه و بإذنه عزوجل ماراح يصير لكم الا كل خير..
أعتذر ع الاطالة..
وموفقين بإذن الله ..وبشرونا عن قبولكم في الجامعه ...
دمتم في حفظ من عينه لا تنام...

[كوكتيل انوثة]

^
^
^

nour al3mr ياشيخة الله يجزاكي الجنة قولي امين

القبول في الجامعه او لمواجهة اي شيء في الحياه ..تحتاج الشغله صبر تام وطولت بال .. لا تستسلموا او تيأسوا حتى لو حسيتوا إن الأبواب كلها اتقفلت في وجهكم .. ثقوا بالله تماما واحسنوا الظن فيه و بإذنه عزوجل ماراح يصير لكم الا كل خير..

والله انا عندي مشكلة ياس وملل لكن والله كلامك شجعني الله يوفقك دنيا واخرة

[nour al3mr]

^
ويوفقك يارب وبإذن الله تصيري مصدر للتفاؤل وما يوقف في وجهك شيء ..
لان الله دايم معاك...
ربي ييسر لك كل عسير ويفتح عليك ابواب علمه وفضله ..

[كوكتيل انوثة]

السلام عليكم ورحمة الله وبركاته
قدمت ع عمادة القبول وعبيت استمارة الغير سعوديين وفي بنات راحو قالو انهم ماشا الله انقبلوا وخلاص سجلو
وانا ما اقدر اروح دي الايام وخايفة يروح التسجيل او يسير شي ماشا الله الجامعة مايقصروا في الاعذار فياليت اللي بتروح عمادة القبول والتسجيل تسوي فيا جميل وتسالي اذا اقدر اروح الاسبوع الجاي ولا واكون لها من الشاااااااااكرين

[كلي إحساس]

السلام عليكم ورحمة الله وبركاته
أختي الجوري أنا أمس السبت رحت الجامعة والحمد لله انقبلت عالترم الثاني إداري إنساني ( إنتظام)
دخلت غرفة مديرة القبول وحصلت اسمي موجود عندها بس لازم تكون نسبتك الموزونة 90 وفوق وبعدين <<< أحكي قصة هههههه >>>دخلت وحدة القبول وأعطتني إستمارة طلب إلتحاق عبيتها وقدمت الوثائق وهي:أصل شهادة الثانوية وصورة منهاـ أصل شهادة حسن السيرة والسلوك وصورة منهاـ نتيجة إختبار القبول ـ صورة من الهوية مع الأصل للمطابقةـ صورة من جواز السفرـ صورة من شهادة الميلادـ عدد 3 صور شخصية 4*6 وقالتلي بقي الكشف الطبي على نهاية محرم أو في صفر تجيبيه معاك وبعدين يعطوك البطاقة الجامعية
إن شاء الله أكون أفدتك وإن احتجتي أي شي تحت أمرك

[كلي إحساس]

السلام عليكم ورحمة الله وبركاته
أختي كوكتيل أنوثة إذا نسبتك الموزونة من 90% وفوق أنصحك تروحين الجامعة بدري لآن اسمك بإذن الله حيكون موجود عندهم وماعليك إلا إحضار الوثائق المطلوبة وإن شاء الله مقبولة
بالتوفيق .....

[الجــ،،،،ــوري]

المشاركة الأصلية كتبت بواسطة كلي إحساس السلام عليكم ورحمة الله وبركاته أختي الجوري أنا أمس السبت رحت الجامعة والحمد لله انقبلت عالترم الثاني إداري إنساني ( إنتظام) دخلت غرفة مديرة القبول وحصلت اسمي موجود عندها بس لازم تكون نسبتك الموزونة 90 وفوق وبعدين <<< أحكي قصة هههههه >>>دخلت وحدة القبول وأعطتني إستمارة طلب إلتحاق عبيتها وقدمت الوثائق وهي:أصل شهادة الثانوية وصورة منهاـ أصل شهادة حسن السيرة والسلوك وصورة منهاـ نتيجة إختبار القبول ـ صورة من الهوية مع الأصل للمطابقةـ صورة من جواز السفرـ صورة من شهادة الميلادـ عدد 3 صور شخصية 4*6 وقالتلي بقي الكشف الطبي على نهاية محرم أو في صفر تجيبيه معاك وبعدين يعطوك البطاقة الجامعية إن شاء الله أكون أفدتك وإن احتجتي أي شي تحت أمرك

وعليكم السلام ورحمة الله وبركاته

مبرووك ألف مبروك القبول الله يوفقك ان شاء الله..~
تسلمي ياعسل ع الرد أفدتيني مررة بس حبيت أسأل انت كنت علمي ولا أدبي لأن أنا كنت علمي ولما اخترت في الإستمارة اللي عبيتها أول كتبت مسار علمي وأنا الحمدلله جايبة 91.19
أخاف يدخلوني مسار اداري

ياليت تفيديني وتطمنيني وآسفة تعبتك معاي..

[كرستالة*]

طيب بليز اللي يروحون وهم سعوديآت يقبلوهم ؟يعني الحين يقدمون

بليز أي وحده تروح تسأل لي مع العلم أن نسبتي المركبة 86

وبكون شآكرة لهآ مرة

أنتظر رد اوك؟

:/

[كوكتيل انوثة]

المشاركة الأصلية كتبت بواسطة كلي إحساس السلام عليكم ورحمة الله وبركاته أختي كوكتيل أنوثة إذا نسبتك الموزونة من 90% وفوق أنصحك تروحين الجامعة بدري لآن اسمك بإذن الله حيكون موجود عندهم وماعليك إلا إحضار الوثائق المطلوبة وإن شاء الله مقبولة بالتوفيق .....

وعليكم السلام ورحمة الله وبركاته
ايوة انا نسبتي الحمدلله فوق 90% بس انا عندي مشكله في الاقامة انها دحين في التجديد وماحتخلص الا الاسبوع الجاي وحتكون روحتي مالها داعي وان شا الله التاخير ما ياثر بس بسالك حبيتي انتي قدمتي في البداية من قسم الرجال ولا الحريم ولمن دحين روحتي فين؟؟؟؟؟؟؟
وتسسسلمي والله يوفق الجميع

[كلي إحساس]

السلام عليكم ورحمة الله وبركاته
هلا أختي الجوري الله يبارك فيك إن شاء الله وعقبالك تنقبلي
أنا كنت أدبي وطبعا اخترت مسار إداري وإنساني وانت مادام إنك علمي حيدخلوك مسارعلمي إن شاء الله . أنا صديقتي كانت علمي بس هي دخلت برغبتها مسار إداري طبعا هذا فقط للي تخصصها علمي لكن حنا الأدبي ماينفع.
انت توكلي على الله ولا تخافين وبالتوفيق إن شاء الله ولا تنسي تبشريني بقبولك