تجمع المتقدمات على ماستر علوم الاحياء لعام 1435

[airi]

مبروووووك و عقبال بنات الوراثة ...
ليه احس المواعيد تبع المطابقة مرة بدري ..
الله يستر ..
بالتوفيق للجميع ..(:

[غدا افضل]

ايوه السنه الي راحت كانت بشهر 8 المطابقه
مومهم بدري اهم شي تطلع النتايج قبل المواعيد

[Miss Ei]

المشاركة الأصلية كتبت بواسطة airi مبروووووك و عقبال بنات الوراثة ... ليه احس المواعيد تبع المطابقة مرة بدري .. الله يستر .. بالتوفيق للجميع ..(:

لا تحسين الا أكيد بدرررري مره مالهم داعي ومواعيد ما تناسب اللي برا جده ابددددد

[بنسيلين]

ماشاء الله
الف الف مبروك بنات السليمانية

حنين وينك ان شاء الله انقبلتي ؟
بنات انا من الفيصليه مقدر اروح الثلاثاء اطابق !!

يعني كذا اروح في ذا الوقت

فرصة لمن لم يستطع الحضور1435/7/30-26 الاحد-الخميس

ولافاهمة الجدول غلط ؟

[غدا افضل]

صباح الخير
وصلتني الرسالة قبل شوي بعدم القبول
والخيره فيما اختاره الله
بالتوفيق للجميع

[airi]

عدم القبول ...الواحد ايش يقول لكن الحمدلله
إجمالي النسبة الموزونة

81.6
أقل نسبة تم قبولها فى البرنامج

83.88

[حنين البحر]

اهلا بنسيلين لم يتم القبول والحمد لله على كل حال
الخيرة فيما اختاره الله


ومبااااااارك لكل المقبولات أسأل الله ان ييسر لكم دراستكم ويوفقكم ويرفع درجاتكم في الدارين وتخدمون برسالتكم وعلمكم دينكم واهلكم ووطنكم 💐💐💐💐

[H12]

السلام عليكم يا خواتي

أنا قدمت لماستر الحيوان السليمانية ولم يتم قبولي, ياليت اللي تروح تطابق تبلغنا كم طالبة قبلوا؟

[640]

جاتني رسالة بعدم القبول والحمد لله على كل حال ومبرووووك للمقبولين الله يوفقكم يارب

[رغدة العروس]

الحمدلله على كل حال ...
انا ما انقبلت لاني ما حضرت الاختبار المفاضله
بس سوال للبنات
نسبتي الموزونه 50 وشوي وانا ماختبرت
في احد مثلي ورتفعت بعد الاختبار لل80
عشان اقدم السنه جايه واذاكر

الله يسعدكم ردولي اخواتي