طالب من جامعة طيبه

[حلاوه قطن]

السلام عليكم ورحمة الله وبركاته
انا طالب من جامعة طيبه (( كلية علوم وهندسة الحاسبات )) بالمستوى الثالث وابغى احول لكلية (( الحاسبات وتقنية المعلومات )) في جامعة الملك عبدالعزيز ابغى احول الفصل التاني ان شاء الله فمدري هل في امكانيه الفصل التاني(( يكون استثناء مثلا )) ولا لازم نهاية السنه لانو الفصل التاني لو كملتو في جامعة طيبه يسير اخدت نصف متطلبات التخرج وبالتالي غير مسموح ليا التحويل وهل مفتوح التحويل لكلية الحاسبات لانو سمعت انو مقفل وكم المعدل المطلوب للتحويل ؟؟
وانا لاحظت في الخطه في مواد درستها موجوده في مستويات اعلى في جامعة الملك عبدالعزيز
وفي مواد مهي موجوده عندنا في الخطه كيف تتم عملية المعادله ؟؟
ودخلت ع عمادة القبول والتسجيل لكن مافي شي يوضح كلامي
ارجو منكم مساعدتي وافادتي ولكم خالص ودي وتحياتي

[حلاوه قطن]

يا هووو ايش مافي احد يرد ولا ايش الهرجه
كلي شويا ناطط ع المنتدى استنى رد
ع العموم يعطيكم العافيه

[Naser]

ياعزيزي هذا قسم الاقتراحات والشكاوي وليس للإستفسارات الأكاديمية
تم نقله إلى كلية الحاسب

ناصر

[alishtain]

بالنسبة للتحويل .. فليس لدي معلومات حول الأمر . ..

و لكن بالنسبة لوجود مواد ندرسها في مستوى اعلى من
المستوى الذي تدرسها في جامعتك .. فبسبب وجود سنة العلوم
الطبيعية لدفعتي 07 و 08 .. فنحن لم ندخل الكلية إلا بعد عام
من دراستنا في الجامعة .

اعتقد ان المواد التي لم تدرسها في جامعتك .. يجب أن تدرسها
في الجامعة .

اتمنى ان اكون قد افدتك .
تحياتي

[بطيخه حمرا]

السلام عليكم اخي الكريم
كلية الحاسب للمستجدات الراغين بها بعد عام دراسي من الدراسه اي (سنه تحضيريه او دفعة 08 ) ولم يسبق لهم الدخول فيها
تتطلب معدل 4.75
ولكن على حسب علمي
الترم هذا الي انتهينا منه تم قبول المعدلات الى 4.50 لكن حتى 4.49 لاء
وهوا على حسب المعدلات لو كانت المعدلات المتقدمه منخفضه ييسير تقبل الا حد ما معقول
وإذا كانت المعدلات المتقدمه عاليه تتوقف عند معدل 4.75
ولكن بما انك انت راغب في الإكمال فيها وعندك خلفيه في الحاسب فهنا تتخلف الفكره
ممكن مايكون الاعتماد بشكل كبير على المعدل إذا كنت 4.50 وفوق راح تكون نظرتهم أكثر شي على المواد الي والساعات المكتسبه
وإذا انك حابب تعرف معلومات اكثر على كلية الحاسبات وانت في الي تتكلم عنها اانا افضلك تروح تسأل الطلبه الي في هذه الكليه يكونو أكثر درايه بتخصصاات القسم والمواد المتطلبه
والمواد الي قد درستها غالبا يحصل لها معادله
إلا اذا كان محتوى الماده لايطابق المحتويات الموجوده بالقسم المنتقل إليه
في هذه الحاله سوف تعيد أخذ الماده وإن كانت من نفس المسمى الكلام على المضمون
وعادة المعدل المطلوب العام للتحويل من كليه إلى أخرى 4.50
واما بالنسبه إلى كيف تتم المعادله هذا والله ماعندي علم
بس لو رحت سألت عند العمادات كيف تتم إن شاء الله ماتتوه
وفقك الله لما يحبه ويرضاه
وإن شاء الله اكون اعطيتك معلومات مفيده
وإذا لاء فهذا ماعندي
وربي يدلك للخير ان شاء الله

[حلاوه قطن]

الله يعطيكم الف عافيه ماقصرتو
كمان بطيخه لا تزنقيها انتي كمان 4.5 بدخل طب انا مو كلو حاسب
ايش ع كده الطب عشان احول اجيب 6 من 5 ولا كيف خخخخخخخخخخخخخخ
ع العموم مشكوره يا تعمه ما قصرتي
سي يا

[mind glance]

عزيزي اللي انت تسأل عنه هو تحويل من جامعة الى آخرى
وليس تحويل من كلية الى كلية

وهذا يعتمد على تخصصك ايش بالضبط؟
يعني انت غالبا حتحول من جامعة الى آخرى لكن على نفس التخصص
وامكن المعدل ما بيفرق في الموضوع...لكن مو متأكدة من هذه النقطة
وبالنسبة للمواد اللي درستها اكيد تتعادل مع المواد اللي توازيها عندنا
وما يفرق اذا كانت في مستوى متقدم ولا في المستويات الاولى... اهم شي محتوى المادة او اسم المادة متطابق او متوازي

عموما كل الكلام هذا تتأكد منه من عمادة القبول والتسجيل... في جامعتك وفي جامعة الملك عبدالعزيز
حتى تحصل على معلومات صحيحة