مطلوب رقم مدير الجامعة او عميد القبول والتسجيل

[المحزوون]

بسم الله الرحمن الرحيم ..

مثل ماهو موضح في العنوان الي عنده رقم واحد من هالاثنين يتكرم علينا الله لا يهينه ..

خربانه خربانه .. اما غناة الذيب ولا فقرة ..

اما اجيب لكم سنع ولا تقطعونا من الزيارة و القهوه .

[عـــلي]

هديء اعصابك وقول لنا ايش الهرجة ؟

[المحزوون]

المشاركة الأصلية كتبت بواسطة عـــلي هديء اعصابك وقول لنا ايش الهرجة ؟

يا علي وانا اخوك ماهي حاله ما خلينا مكتب في الجامعة الا اتصلنا فيه وارسلنا له ولا احد يرد ولا احد فكر فينا ..

نبي نضيف مادة ماخلينا احد ما توسطنا فيه ما بقى الا الملك ولا فيه فايده ..

استقعاد على مادة لو تحب السما ما تضيفها ؟؟

اما ارفعوا عدد ساعات الصيفي على الاقل الى 12 ساعة او خفضوا الرسوم .. ليه 3000 ريال الصيفي وهو مجرد 9 ساعات ؟؟

18 ساعه 3000 ريال 3 ساعات 3000 ريال !!! اي منطق هذا ؟

يعني حقهم ياخذونه بالملي واذا طلبنا شي قالوا اقلب وجهك !!؟؟

والله العظيم قلة حيا ووقاحة وقوة وجه بعد .. مو كفاية مرمطة الشعب واسماء الدكاتره الي تقول شاشة اسهم ماغير نتابعها كل شوي يتغير دكتور .. اذا حطوا دكتور طيب اشترينا واذا دكتور حاقد بعنا .

والله التذمر وحط اليد على الخد ما عاد ينفع ولا يجيب نتيجة لا بد من الفعــــــــــــل ..

والله وان قالها الله اني لاكلم مدير الجامعة براسه ونشوف وش اقصاه ..

[المعتصم بالله]

ما تنلام يا ابو مشعل

والله ييسر الامور على ما نحب

حقيقة هذا يعتبر قهر 3000 وتمنع من اضافة الرابعة وهي متاحة في الصيف بحجة النظام اي نظام هذا الذي يشبهوه كانه قران لا يبدل ولا يغير

كلام معقول اذا كانت اربع مواد تنبلع لكن ممنوع الا للخريج فقط

ما نقول الا حسبنا الله ونعم الوكيل

الظاهر النظام في الجامعة كل ما بقيت في الجامعة كل ما زاد دخل الجامعة

[العتيني]

قفلت مع ابو مشعل

وش سالفتك يا رجال ؟

الشعب ونزلت ؟!

يالله استر عليه وسنع اموره ,

[المحزوون]

المشاركة الأصلية كتبت بواسطة العتيني قفلت مع ابو مشعل وش سالفتك يا رجال ؟ الشعب ونزلت ؟! يالله استر عليه وسنع اموره ,

نزلت ومثل قلتها نزولها .. مره مقفلة ومرة غير متاحه للتسجيل ومرة مفلله ومرة مغيرين دكتورها ماغير نصايح على بعض اذا فتحت علشان نلحق كانهم يتعجبون فينا ويطقطقون .. يفتحون الشعبه 5 دقايق ويقفلونها يبونك تسنتر على النت 24 ساعه ..

الله ييسر امرنا وامرك اخوي العتيني ..

المشاركة الأصلية كتبت بواسطة المعتصم بالله ما تنلام يا ابو مشعل والله ييسر الامور على ما نحب حقيقة هذا يعتبر قهر 3000 وتمنع من اضافة الرابعة وهي متاحة في الصيف بحجة النظام اي نظام هذا الذي يشبهوه كانه قران لا يبدل ولا يغير كلام معقول اذا كانت اربع مواد تنبلع لكن ممنوع الا للخريج فقط ما نقول الا حسبنا الله ونعم الوكيل الظاهر النظام في الجامعة كل ما بقيت في الجامعة كل ما زاد دخل الجامعة

انا الظاهر اني بتخرج وبقدم على شهار الطايف .. الله لا يوفقهم الي حدونا على خلق الله هذا يوعد وهذا يسحب وهذا مايرد .. حسبي الله ونعم الوكيل ..

[عـــلي]

والله معاك حق في كل اللي قلته لازم شوية مرونة وخصوصا للمستويات النهائية
والذيب بيغتني ان شاء الله فيه مثل عندنا في الجنوب يقول (الذيب ما يبات جيعان) وراح تشبع ان شاء الله وتسجل 12 ساعة ,
ولا ظنتي ان شاء الله الا كل خير وباب الكريم مفتوح صلى ركعتين في الثلث الأخير وادعي السميع المجيب .
بالتوفيق لك.

[المحزوون]

المشاركة الأصلية كتبت بواسطة عـــلي (الذيب ما يبات جيعان)

والله لو الذيب هذا معنا في الجامعة انه مايحصل شي ياكله و ليموت من الجوع ..

عسى الله يسمع منك وييسر امورنا بس لا تلومني ابي فرقا الجامعه في اقل وقت ممكن والله اني وصلت حدي لكن عسى الله يفرجها ..

الله لا يهينك ويطول عمرك على طاعته .

[mohshehri]

المشاركة الأصلية كتبت بواسطة المحزوون والله لو الذيب هذا معنا في الجامعة انه مايحصل شي ياكله و ليموت من الجوع .. عسى الله يسمع منك وييسر امورنا بس لا تلومني ابي فرقا الجامعه في اقل وقت ممكن والله اني وصلت حدي لكن عسى الله يفرجها .. الله لا يهينك ويطول عمرك على طاعته .

بيتنازل الذيب عن اسمه لو كان يدرس هنا معنا , الله يسهلها يابو مشعل فعلا الامور اصبحت استفزازية بسبب عدم الرقابة

[The Ambition]

سوو شكوى على سبق وانكبو عفشهم،، خلي تسير زوبعة زي جامعة الملك خالد