InstagramTwitterSnapChat


 
وصف

العودة   منتديات سكاو > الأقسام الخاصة > الأقسام العامة > جـنـة الـحـرف
   
   


جـنـة الـحـرف لـ إبداعاتكم و إختياراتكم الأدبية

♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

جـنـة الـحـرف

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-01-2011, 02:21 PM   #11

صوت الفجر

مشرفة مُتألقة سابقة

الصورة الرمزية صوت الفجر

 
تاريخ التسجيل: Oct 2010
كلية: أخرى
التخصص: ضاع الحلمـ
نوع الدراسة: إنتساب
المستوى: معتذر
البلد: جــــدة
الجنس: أنثى
المشاركات: 10,132
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

الشاعر سالم سيار






الجرآح








عسى مازعلتك البارح وزودت الجراح جراح ...



عسى ما مرت الدمعه على اهدابك من اسبابي ...



جرحتك من كثر شوقي وخليت الكلام رماح ...



ولا ادري شلون ياعمري طعنتك حيل بعتابي ...



بدون شعور صدقني ترى كثر الغلا ذباح ...



تعال وشوف بغيابك غلاك شلون سوابي ...



حرام تغيب من عمري وتعطيني الفراق اوشاح ...



حرام الدمع في عيني مناديله هي اهدابي ...



غيابك يشغل عيون الزوايا ويمتلي اشباح ...



وانا انثر صوتك بقلب المكان واشعل ابوابي ...



تلفت للامل دام الرجاء في عمري يلواح ...
ا
ناديلك ولو شرهت وصولك تقطع اعصابي ...



ابيك الجاي من عمري انا ما ابيك شي وراح ...



ما دامك اجمل واخر ما دامك اول احبابي ...



ابي ارتاح يا عمري انا ادري هم تبي ترتاح ...



تعال وقبل ما افرح ترى تفرحبك ثيابي ...



احبك احبك ...



يا بعد عمر الحزن والجرح والافراح ...



احبك احبك ...



كثر ما نامت عيونك داخل اهدابي ...





نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة



عساك بخير ..؟!!







عساك بخير.. ؟!




وش اول واخر جروحك



وش اخر واول فراقي.. ؟!



يقولوا..



يقولوا .. من المسا تلملم بقايا نبرتي وتروح ..!



على اول ذكرى بالشارع



نسينا كل سوالفنا عليه و كل مواجعنا



وصرنا فيه ندورنا..



ندور من ملامحنا ملامحنا ...!!!



تشتتنا .. تشردنا .. إلين إنا ندور في وجيه الناس




تصور ...!!




ولاقطره ب وجيه الناس تشبهنا وتشربنا ..!!



وأرد ضاميك وبعد مثلي ترد ضامي




وأقول إن المساء كاسك.. وأصب عيوني ل إحساسك ..!




وأنا أتكسر مع كل أغنيه تفتح هدبها وألمح عيونك ..!!




ياعون الله ...!!




تلاقينا .. تصور ب أغانينا تلاقينا ..!!




عساك بخير ..؟!!




وش أول وأخر جروحك




وش أخر وأول فرقاي ..؟!




يقولوا ..



يقولوا .. من المسا تلملم بقايا قمرتي وتموت ..!




نسيت أسأل ...!!



صحيح تموت ..؟؟!!




نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة




ليه ؟!! . .







هذا هو اللي تبيه .. ؟؟
اني ارحل من حياتك
واشعل عيوني ب ليه..!!
بس خلاص ..!!





هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..





زين لحظه..!!
لاسالوني الناس وينك ..؟
وان درو ضحكة عيونك
عن عيوني سافرت
ردت لعينك ..




بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟




ياخي حس ..!!
والله عيب اللي تبيه ..
اني ارحل من حياتك ..
واشعل عيوني ب ليه ..




لاجبينك شمس واحساسك مطر ..
لاعيونك شوق وشعورك دفا ..
جبت لك ب ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك ب افا ..




ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..




والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..




هذا هو اللي تبيه ..؟!!
وهذا هو اللي قدرته ..
وقدرك ربي عليه ..




بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..




وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!




نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة





سآفرالخنجر !






سافر الخنجر في عمري من يديك ..!




طعنتك تذبح .. وأنا أستنزف رضاك ..!



والله قبلك جيت وبي ثأر يبيك




وأثر دمي .. ديته خنجر غلاك ..!




من يحبك ..!




من يحبك ..!




من يحبك ...!




مايحط حدك شريك




وأنا أحبك من هنا حتى الهلاك ..!!!





نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة



خلآص بتسآفر . .؟






لملمت إحساسك
عيونك ( و ) قلبك ..!
خ لاص
بتسافر ..؟؟!
زين إلتفت لحظه
عطني جروحك بس
خليها تسليني
ب غ يابك الكافر ..!وإخذ النظر مني
وخبه مع أشيائك ..!!
ماأبي أشوف الناس
وشلون أشوف الناس
وشوفي م ع ك
سافر ...؟؟!!




نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة




ممكنه






وقف ولا ترمي وداعك بالاعيان
محتاج أنا لذرة امل في سنيني



هذي تفاصيل العمر وسط الاجفان
صور واماكن في عيوني تجيني



والله من تطري وسط عمر الاحزان
كل الفرح من لون وجهك يجيني



مثل المطر يركض على الارض ولهان
هذا انت دايم بالوله محتويني



يكبر غيابك لو كبر وسط الاشجان
يكبر معه في شوق عمري حنيني



الماي في قلبي من الشوق كثران
صبيت دمعي وشفت قلبك بيديني



قلت احضنه في وسط يديني على شان
مايلمس أطرافه حزن من ونيني



حتى ولو اخترت فرقاك عنوان
يكفي بيديني قلب عمرك يبيني



ماهي حكاية انت رابح وخسران
او هي حكاية يابيك وتبيني



المسأله روحين في داخل انسان
شفتك رحلت وشفت روحك في عيني



غمضت أرد الروح من خلف الأجفان
عشان أصدق كذبتي انك تجيني





نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة





السآعه . .





تلفي وتسأل ذهابي



وتقولي كم



كم الساعه ..؟؟



إذا ياعمري أشتقتي لصوتي وهزك الطاير



تطيح الدمعه من عينك .. تطيح او لا ..!



مو صح مثلي تطيح الدمعه من عينك إذا اشتقتي لصوتي وهزك الطاري ..؟



مو صح مثلي



مو صح مثلي



مو صح مثلي




مو بس اوله عليك وبس



معي حتى الوله يوله



اخذتي ضحكتي وعمري



بيديك وغبتي عن عيني



وعلي طول غيابك




كم الساعه



او تدرين



كم إنتي ..؟!!



كم إنتي دامني احسب عيونك واكسر الساعه ..؟!!





نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة




يبه شلونك





يبة شلونك ..
أبي أتبلل بصوتك .. انا وخالد نبي نتبلل بصوتك ..



ياغيمه ظللت عمري ويمشي ظلالها وياك..



يبه.. لا تغيب عن عيني ... وش تسوى حياتي لو تغيب عني وش تسوى...



مو صح الكون يتفجر .. ولون الحنا في كفي يصير أصفر



يبه ...
يبه ... لا تجفف شفاهي من احلى كلمه بالدنيا



يبه ...



يبه .. ماقلت لك وش صار ..!!



يبه .. بنت صفي منيرة ...!!



ابوها مات في حادث..



تكلمني ترى دايم .. دايم عنه تتكلم...



تقول افز من نومي أحسه بجنبي هو نايم



أحس بجنبي هو نايم



تقول دايم انا ارمي عيوني على الابواب .. اقول يمكن يلملمها باي لعبه من الالعاب..



او ورده و أروح أركض وأخبيها بوسط كتاب



يبه ... عذروبك الشارع تسوق بسرعه مجنونه



يبه .. خلنا على بالك .. يبه طير الفرح لا تكسر غصونه
تجينا ... تجينا.. يعني تجينا على موعد حبايبنا



ابيك تشوف احساسي



ورده بيضاء مغروسه وسط راسي...



وكم نجمه من الابله . تشب بليل كراسي..



وش تسوى حياتي لو تغيب عني وش تسوى ..



مو صح الكون يتفجر .. ولون الحناء في كفي يصير اصفر...




اآلو



اآلو



عفوا منهو وياي ..؟؟



انا خالد..!!



منهو وياي ...؟؟



تعالوا...




تعالوا ... استلموا الجثه




ابوكم



مات ..!!





مات في حادث





نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة





يتبع َََ~~

 

توقيع صوت الفجر  

 



قال علي بن أبي طالب رضي الله عنه
"إن لأنفسكم أثمانًا فلا تبيعونها إلا نقرتين لعرض الصورة في صفحة مستقلةبالجنــةنقرتين لعرض الصورة في صفحة مستقلة

 


التعديل الأخير تم بواسطة الإمبراطورة ; 20-01-2011 الساعة 04:13 PM. سبب التعديل: تعديل الفوونت =)
صوت الفجر غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-01-2011, 03:13 PM   #12

صوت الفجر

مشرفة مُتألقة سابقة

الصورة الرمزية صوت الفجر

 
تاريخ التسجيل: Oct 2010
كلية: أخرى
التخصص: ضاع الحلمـ
نوع الدراسة: إنتساب
المستوى: معتذر
البلد: جــــدة
الجنس: أنثى
المشاركات: 10,132
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

الأوراق





الليل هم وحزمة جروح وأوراق

وأنا أتناثر ب آخر الليل وأبقى

ما غير أولع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ضلوعي على الروح وأشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مروا على بحر الأحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل وإشراق الى ليل وإشراق

وارجع..أعيد حكاية الليل وأرقى

وأرقى انتظر بالليل نجمي إذا فاق

وأصاحبه حتى السما تصير زرقا

وأبقى وحيد ولا معي غير الأوراق

اكتب جروحي وسط الأوراق وأبقى

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


الوقت



حزين ومورقه عيوني دموع من على الاهداب
يهزهزني الجفا وتطيح دموعي من أخراهدابي

ذبل عمري ولا مرو على هذا العمر غياب
وتتساقط عيون اللي رحلو في داخل كتابي

مسكت اللي قدرت اكتب تفاصيله في وسط كتاب
مثل شوق المطر لما يعانق وحشة ترابي

اشم الدمع من ليل المواجع والسنين اعتاب
وعرفت ان الحنين الريح وجابت ريحة احبابي

وانا لا مرني لو هو عطر من ريحة الأحباب
ابتسمت وكل مافيني يطمن رعشة اصوابي

انا المطفي تحت سقف الحياه وحشة الابواب
مادام ان الوله علق عيوني من على ابوابي

يجون وأكثري يشعل أمل من جمرة الاعصاب
يجون ولا لقيت الا الأمل معطوب بأعصابي

وجوني اغراب وراحو مثل ماجوني بعد اغراب
ارحلو من قبل لايطفي العطر بكفوف ترحابي

غريب الوقت او الناس الغريبه بكلمة الاحباب
اشوف الدمع فيهم مثل ماشفته على اهدابي

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


نعمة الشك




على هذا الشطر امشي واوازن عمري بالاحساس
يهزون الشطر حتى يطيح العمر واحساسه

وأناأمشي فوق جمرات الليالي وحملي الوسواس
أضل واهتدي أحيان من بالي وسواسه

فتحت الريح كم مره وانا واقف على القرطاس
ركلت الحبر من شفت الصديق يفح خناسه

سكبت الخطوه في ضحك الزوايا المورقه من الناس
الين اشذرت في عمر الطريق وقلب جلاسه

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

لأصيله




انا من بين كفينك شعور يشبه الشعره
اقولك شي ترى فدوه حياتي لو قطعتيني

اخذت من الصبر لا لا اخذ مني الصبر صبره
مدام بغيبتك محد يجي مثلك ويحييني

تعالي يابعد روح الشعور ويابعد عمره
انا البارح لهذا اليوم ابد ماغمضت عيني

تنفستك شعور وفاح من صدر الغلا عطره
تنهدتك وشفت الضيق يتنهد عناويني

يضيق الكون بعيوني واشوف الكون ثقب ابره
واشوف الموت ياعمري مابين عيونك وبيني

كتبتك شوق من شفت الفراق بعمري ياكبره
مو مثل اللي يقول لانتي ولا غيرك تذليني

مو انتي العز ولو ما انتي اقول انتي ترى وكره
اصيله والاصيله ماخلق الله توطيني

واذا ردت على العز الكريم ودورو صقره
انا ليه احلف وانتي تشوفينه بجناحيني

احبك ينثني هذا الكلام ويرتفع قدره
احبك يرتعش هذا النجم يتشكل بطيني

احبك نور في هذا المسى واقعد على بحره
احبك لاتخلين الفراق امواجه تمحيني

يالله وانتي بعيون المسى بهذا المسى قمره
قريبه حيل في اسود عيوني انتي تضميني

وبعض احيان تكوني داخل ظلوع الغلا جمره
وكل هذا الوله ماهب من عيونك حرقتيني

وبعض احيان تكوني داخل اشواق العمر زهره
عشان الزهره لو بتموت تموت وعطرها فيني

بغيت اقول شي لكن او انسي بس على فكره
هي الحريه اني اختار قيدك وادخل يديني

وانا اخترتك وخليني وسط كفينك الشعره
اقولك شي ترى فدوه حياتي لو قطعتيني



نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

الظما





بعد لك وجه تجيني بعد ماذوقتني امرارك
ياعمي طير خلاص انسى ولاتفكر تطق بابي

اخاف بس صج تموت فيني اقول الا انت شخبارك
اقول فارق واخذ كذبة تموت فيني وتحيابي

طفى ضو المحبه وأنطفى في عمري مشوارك
وعرفت اقسى الطعون اللي تجي من خنجر اقرابي

خلاص الحين بس الحين عرفت شلون امطارك
تصب هناك لكل الناس وتنسى تروي ترابي

تعال وشوف برواز العيون وفيه انظارك
هو التذكار مدام انت النظر وتجمل اهدابي

اشوف بس أخذ الاشواك وغيري ياخذ ازهارك
ياطيبي كنت احسب الجرح منك حيل يزهابي

من اول تنشغل فيني وفيني تشغل افكارك
واشوف الحين ماتقدر تطيق تشوف ترحابي

عمت عين الظما ان كان الظما يترجى انهارك
وعمت عين الهوى ان كان الهوى بيشتت اعصابي

تخاف القلب لا اظلم غلاه يموت بأنوارك
أبد لاتخا ف متعود على طعنات أحبابي

مو مية نار تحرقني بقت هي بس على نارك
ابشرك مابقى اي شي تحرقه كفو اصحابي

تجيني ويعني وبعدين شسوي يعني لأعذارك
تصوبني وترضي كل غرورك من ورى صوابي

اقول اسكت ولا تكثر ترى مليت تكرارك
طلبتك لين ماجفت عيوني من ورى اعتابي

توكل ما بقى لك شي في عمري كود تذكارك
أو اسمع حتى تذكارك كسرته داخل أهدابي


نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

هدير الماء




هدير الماء.. انا.. طيب علامك يالورق ظميان
ابي ترمي القلم وسط الصور وتبلل الحاني

انا ادري وجه كل هذي الصور ياصاحبي ذبلان
ولكن تلقى من باقي ملامحهم ورى اشجاني

تقضب في حبل هذا الغلا ولاتقطع الخلان
وحتى لو نسو صوت الحزن من رنة أوزاني

وزفير لانفثني رحت أولع صوتي البردان
وصور وجيه من نار وجمر..فى داخل اجفاني

هنا بنت تبللهالاغاني وتلبس الالحان
وهنا كنت ارقى من فم الدعاوي فوق شيطاني

وهنا لامرت الذكرى وسط بالي على جنحان
ادورني وسط عمري ولا القى فيني اغصاني

وهنا عشق يغنيني ويفرد للمسى أغصان
اجي طاير على هذا الغناء يكسر لي جنحاني!!

وهنا ام محاجرها أتشرب من فضا القرأن
قلبت عيوني بعيون العجوز وشفت قرأني

خليط القمح والماء السرابي من ورى الاجفان
أنا هذا الأنا ولا معايا واحد ثاني

اجوع وينكسر وجه الاماني واشبع الاشجان
ظما وهذا النهر يجري ويروي اطراف شرياني

اشوف بداخلي طلسم معاني وتمتة شيطان
وعلى الاوراق من امشي اكون بهيئة ايماني

انا من مر من فوق السراط المستقيم الأن
وبعد نشوة حبر تحت الشتايم روح تلقاني

أكون احيان في قلبي وفي عقلي بعض احيان
ولا ادري من يوديني ويوقفني على لساني

انا المفقود من عين السؤال شلون حال فلان
اغط عمري وسط ليل الحسافه بأه والقاني

اقول الدان تتهشم ضلوعي دان ليله دان
وغيري في ألم ليله يصبح من على داني

كتبتك ياتعب عمري ودور لك على انسان
يقط برده ويرميني في وسط البرد وحداني



نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

فصل الفراق



الشتاء فصله يجي بعد الفراق
والحزن غيماته في جبد الوله

الرعد قلت الرعد هذا اشتياق
يضرب عيوني وتدمع مرحله

ليه راحو ليه جوني في نفاق
تقفي وجيه وجيه مقبله

صرت انا خارج مداهيل النطاق
ماسوى قلبي بيد يني احمله

رغم وسع الكون اشعر باختناق
كل وجه في ضلوعي اسعله

ليه كل شخص يسفرني بعناق
القى جرحي بالورق من منجله

شي يطاق وشي والله مايطاق
مهزله في مهزله في مهزله

طعم واحد في حياتك له مذاق
أسئله في اسئله في اسئله

الشتاء بقلبي يجي بعد الفراق
ليت في قلبي حديهم وأشعله



نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


الطيف




تجيني طيف ياعمري على جنحان شوقي لك
أخاف أرمش من عيوني وأبعثر صورة وصالك

حبيبي لاتجيني قول .وين أنت..وأنا أجيلك
أبيك تقول..وين أنت وعلى عيوني أنا اسعالك

وربي فوق روس الشوك لخلي القلب يمشيلك
واخلي ظلالي يسبقني قبل يحضني منزالك

ثواني بس أبي اتهندم من عيونك وباهديلك
في عينك ضحكة حتي تكحل عين عذالك

يقولو الناس بغيابي تشب القلب ويضويلك
حنيني ومن وهج شوقه يميل القلب لامالك

قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك

تعبت اهرب من الأشيا البسيطه من تفاصيلك
تعبت اسأل زوايا البيت عن اول واخر أحوالك

وحتى الشوق من صبح الدرايش قام يهديلك
عصافير الرضا ترفرف على بيبان مدخالك

هنا ترمي صباح الخير قبل لا تروح وأدعيلك
وهنا تضوي مساء الخير في عيني من هلالك

انا من الليل يقطفني شعوري لك واغنيلك
أنا من الصبح يليلني الحزن من لون موالك

حرام الليل ماهو ليل اذا ماكنت في ليلك
وحرام الصبح ماهو صبح اذا ما كنت بظلالك

تروح وقلت احط روحي على كفي واناديلك
نزعت العمر من شفت الغلا بالروح نادالك

بربك قول و ش سوى الفراق بوجه منديلك
تسيل الوان طيفي فيه الا من البكا سالك

حبيبي لايبكيك الفراق ولا يهد حيلك
أخاف الدمع من عينك يجفف صورتي فبالك

تعال احتاج اسولفلك عن الايام و أشكيلك
وافض غيم الحزن و انثر حنين الشوق بأقبالك

تعال وحط في قلبي هموم الفرقا وأشيلك
لأن القلب ماهو قلب اذا في نبضه ماشالك

وقف دمعي من عيوني ابي من عينك ابكيلك
أخاف ابكي على طيفك وأبعثر صورة وصالك


نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

الدستور


فراق وكان له صوت يهز ويفتق المستور
يمر بين الحنايا ويجرح عروقي في زلزاله

انا المشطور في نصفي هنا وهناك بعد مشطور
وتحت هذا الركام اللي بقى هو قلب ب لحاله

انا كنت اكثرك كنتي اكثري ياكثري المهجور
وتتهاوى ضلوعي من صفير اليل وأغلاله

ورحتي والحزن يطحن تفاصيل الصور ويدور
ولكن مادرو مزن الصور في بالي هماله

يابنت اللا مدام أن النعم هي كلمة المجبور
قوليها والبحر يكسر شموخه من على جاله

الا ياليت هم يدرون عمر كل الحياه شعور
وان الحب بالعاشق تكون البصمه في باله

يحسبون الغلا قتل وجنازات المحبه سطور
مع أن الحب لو تقتل وصوله يزيد بأوصاله

أحبك والمدى أقرب من عيوني على العصفور
أحبك والجدار اللي أحتوانا طول ظلاله

أحبك ينتفض هذا المسى من أول يدين النور
احبك جوع يطفي حياتي ويشبع اشعاله

مثل حكي الندى لما يعانق بالحنين زهور
في قلبي شفت قطرات الوله في عين مواله

أنا قلت الفراق أطهر تراب داخل الديجور
وقلت أهدي من عيون الضوى دمعات ل هلاله

ونبت في داخل عيون المسى ضو من الممطور
وعرفت أن الوداع أزهر في قلبي قمرة أرحاله



نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


الغيبوبه





بنادق مهجتي معبى فشقها والغلا نيشان
ابطلق روحي في قلب القصيدوانبض ابياته

ابذبح حزني من اقصى الشعور لأول الاخوان
وأسيل عمره وتشرب عيون العمر دمعاته

وحيد ولامعي الا اخويه بداخلي غفيان
ترفرف ضحكته واطلق نعاسي لصبح ضحكاته

في بالي يرقد وأدري حزين وشارد وبردان
وانا انثر برده من فوق الخيال وجمر سجاته

ينام واعقد بعين الاغاني جمرة التحنان
ينام واعقد بعين البدايه كل نهاياته

يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته

واطل من الألم احضن حياة الشارع الولهان
يلملم حسرتي ويكسر وجودي بشوق أضاءاته

ياخي اقعد الدنيا رمت من تحتي النيران
وهذا العمر مايحمل بجوفي الا انكساراته

تعبت امليني طعون تصب من خنجر الخلان
تعبت استنزف عيوني دموع لعين طعناته

ياخي ليه تغيب وليه تتركني واناشفقان
لقرم يقلب جبال الهموم بعزة ثباته

أعرفه لاوصل كنه صقر من صفوة الويلان
يكش جلد السما ان شافت مخاليبه وهداته

رجال تربط حزام القبيله وتنفلت شجعان
واخويه يربط رجال القبيله حزام هقواته

كريم ماهو من يبني فعايل صيته الديوان
في صدره دلته وهيلهوفناجيله وتمراته

اذا كان الكرم حمس الهلا في مهجة الضيفان
اخويه من حمس قلبه لضيفه وصب فزعاته

وكم تكفى انرمت بين البشر ممزوعة الوجدان
اخويه قبل لاترمى عليه يقط نخواته

حزين السيف بكفوف الاوادم طافي ذبلان
بعد مانام دم اللي سقى فعله ومضاته

ياخي اقعد وقعد خضوعي بداخل الشريان
تنام ولابقى هم قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته

يجيني مدري ولكن اعرفه لاوصل جيعان
قسم وان جاني لانحرني لجوعه تحت خطواته

وصل زوله هذاك اللي وصل مايشبهه انسان
هذاك اللي وصل شايل عذاب العمر واهاته

وجيت الحين ياخيي بعد ماشالتك امتان
بعد ماودهم غسل الجسد عن كل نزواته

ابد لاينغسل هذا الشهم مغسول بالفرسان
أخويه من غسل روح الجسد في طهر نياته

أيا دفان دخيل الله لاتدفن ايا دفان
دخيلك خلني أدفن في بالي جمر بسماته

وأهف بسماته من هذا المكان لأخر الأحزان
وأنا اطحن موته في جوع الكلام واخبز سكاته

أنام شلون لاصار الاخو جايع وانا شبعان
اخوي اللي كسر قلبه لجوعي وجاع لحظاته

اخوي اللي يمزمزني معاليقه اذا عطشان
اخوي اللي ثنى عمره من اجل اطلع مسافاته

يدين القبر ضميني وسط حضن الاخو نعسان
ابرقد دام لي قلب دفن وياه نبضاته

اكيد انه وسط قبره سمع طق الخطاوي الان
الا ياليت انا المدفون وانا اسمع طق خطواته

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

خلف سيار




الوقت عتمه ودمك اليوم قنديل
من طيب دمك الف مجد شعلته

من قهوة جدودك ل هقوة هل الهيل
اركنت فعلك فوق اصلك وفحته

صبيت من روحك لمجدك فناجيل
ماقلت بس وكل عز شربته

اركزت فعلك في قلوب الأقاويل
في راس مجدك كل قلب نحرته

قسمت عمرك في عيون التهاويل
من يلمحك هول بعينك هولته

مطنوخ من طنخ النخاوي مع الخيل
مافيه صعب مانتخيت وكسرته

انا اشهد انك يالشهم تفضح الليل
وأنا اشهد انك للستر مافضحته

فززت مخلاب الوطن يومك تخيل
نصر شلعت بوسط نحره عطبته

شفت الوطن دايم يشيل الرجاجيل
بس انت شفتك يابن الاجواد شلته

وشفت السما عذرى تطش الهلاهيل
وشفت العلم رجال بيدك رفعته

المجد يالعالي يجيلك تساهيل
من طول اصلك كل علو قصرته

ايقنت انك يالشهم تشبه السيل
وايقنت صعبك لا وطيته جرحته

خلها تسيل الارض فعل وتماثيل
خلها تذكر دام فعلك ذكرته

جيتك وانا انبض من عيون الفحيحيل
يوم قلبك وسط صدري نبضته

الشعر ليل ويسكن بداخله ليل
لكنه اقمر يوم صيتك قمرته

جيتك عرفت ان الوطن بالرجاجيل
من يوم شفتك يابن الاجواد شلته

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

الطيب



تضحك تظن الحزن انك دفنته
اخفيت حزنك صح لكنه بانك

ظنك طعنك العمر والله طعنته
من قبل يكونك موت كونت كانك

ساكنك جوع وجوع غيرك سكنته
ماعشت نفسك يوم مره عشانك

الطيب صنته لكن البخل خنته
ماصنت نفسك لكن الطيب صانك

تبي الصراحه كل هالكون عنته
اسمك يسافر فيه وانت بمكانك

ماتنعوج بانذال والطيب صنته
لو تنعوج بانذال عدل شانك

لاماسجنك الطيب والله سجنته
اطلعت كفك قبل يطلع لسانك

الطيب صنته واعرفك كيف صنته
أن خان كفك قالو الطيب خانك


نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

لا يالقصيده



معقول ما اقدر اكتب اليوم بيتن
ولا من الطعنات روحي جريحه

ماكني اللي كان بين المحبين
يرقى الهقاوي لارقت من مديحه

ولاكني اللي كان بين المعاديين
يرمح يصيب قلوب ناس شحيحه

الله واكبر كيف قلب الموازيين
شهرين ما فاض القلم من قريحه

يعني انكسار المجد بالذات تبغين
ولا يموت المجد من دون صيحه

كنتي الظما وتروين ناس كثيرين
كنتي المضيق وتمنحين الفسيحه

كنتي الهوى وقت الأغاني تضمين
قطرة ندى تزلق من عيون شيحه

كنتي على جال المشاعر تشبين
صوت الوطن لاهب بالعز ريحه

والحين ماودك طلوع المياديين
ماخفتي الله من عيون الفضيحه

ان كان ودك من عيوني تطيحين
طيحي مع موتي اذا فيها طيحه


نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


حفيف الجرح




اشعر بعض احيان عقلي ب مجنون
واحيان انا ألقى عاقل في جنوني

وأحيان أقول يدين عمري هي غصون
وقت المصافح شفتهم يقطفوني

دايم أردد وسط بالي يمونون
بس هاه.. ماعمري نطقت بعطوني

أرمي المراجل ياعسى فيهم تكون
ولا قد لقيت الا طلبتك تكوني!!

واثر المراجل هم لها وجه وعيون
ماتعيش في شخص ....ودوني

هذا حفيف الجرح من هبت شجون
ولا سقوط وجيههم من عيوني

معقول فوق الجرح دايم يغنون
ولافيهم اللي شاف زرقة طعوني

هذا انا من العام طايح ومطعون
لالوقت وقتي ولا القصايد لحوني

الحر مكسور الجناحين ومغبون
فوق الكسر مرو علي وألعنوني

يعني أعيش بمثل ماهم يعيشون
لاطعم لا ريحة ولا اللون لوني

الناس صارو اشباح فيني يمرون
يسحبني الأول وعشره اقطعوني

قلت اتعلق بالاغاني على هون
حتى أيتقطع وصلهم في جفوني



نقرتين لعرض الصورة في صفحة مستقلة

يتبع َ~َ~

 


التعديل الأخير تم بواسطة الإمبراطورة ; 20-01-2011 الساعة 04:08 PM.
صوت الفجر غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-01-2011, 03:21 PM   #13

صوت الفجر

مشرفة مُتألقة سابقة

الصورة الرمزية صوت الفجر

 
تاريخ التسجيل: Oct 2010
كلية: أخرى
التخصص: ضاع الحلمـ
نوع الدراسة: إنتساب
المستوى: معتذر
البلد: جــــدة
الجنس: أنثى
المشاركات: 10,132
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

الزبرجد





اذا هالقلب ماينبض معاليقه على الميعاد
أنا وشلون روحي في دروب المجد أصعدها

مشيت ولا معاي ألا جروح بالدروب جداد
ومعايه شيمة ترقى على ضلوعي تهودها

صحيح الروح مكسوره ولاتقوى تشيل شداد
ولافكرت أحط روحي على روح تسندها

رقيت جروح وخليت الصبر فوق الجروح ضماد
أنا لاقلت أضمدها أنا أعرف كيف أضمدها

تثور الخيل من قلبي وأقول ان الهقاوي جياد
وأشوف القلب من دم الجدود يفور يلكدها

يا أما موت من سيف الشعر يحييني للميلاد
يا أما النفس في صمت الشعور تموت وأغمدها

أنا البارح يناديني النعاس ولا يجيني رقاد
سهرت أنوم القمرى على عيوني وأقعدها

من بلاد قلايدها النجم في جيدها وقاد
وعرفت أن السما تلبس من بلادي قلايدها

وضوى هذا السهر يمشي على هذا الجفن بركاد
يموجني الغلا ويطيح من جفني على يدها

وأشوف الليل يترامى تحت عمري ويصير رماد
وأشوف الضوء يغتال الظلام اللي يسودها

هي الفضه من اللولو على هذا الفضا تزداد
أم أن هذي الرمال اللي ولدتها من زبرجدها

وكاد انها ضوت عمر القصيد ورحلت القصاد
وأجيب أقمار من دمي على فمي وتقصدها

وأصب النبض في قلب البلاد وينبض الأنشاد
ويطيب القلب ويتنفس شعوري من قصايدها

يوديني غلاها وجيت من أقصى الغلا وراد
عليها وجيت أخذها علي ورحت أوردها

أحبك ياعطر عمري وطلعة عمري بالأعياد
أنا همت أكسر ضلوعي في عيدك جيت موقدها

وأقول العيد فيك بخير لأنك خير كل بلاد
وأجيب أيام خير سنين عيدي وفيك أعايدها

لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها

وحتى الغيمه من تلمح يدينك تحضن الرعاد
تبي تنزل عليك من الوله تروي تنهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عفيفه لاقعد وجه الفجر من خشية العباد
يطيح الليل لارتفعت بذكر الله مساجدها

هي الرفعه من شموخ السجود وجبهة السجاد
أبوها لو يسجدها لوجه الله سجدها

يرتبها الفجر في فوضة طيوره ويبكي بعاد
ويتنهد على شمس تجي من أصبع تشهدها

وتفوح الشمس أذا قلب المدارس يحضن الأولاد
وبنت ترمي تلويحة وداع بعين والدها

صباح الشمس يا أرض العزاوي وعزوة الأسياد
صباح الأرض يانور الصلاه بروح ساجدها

يهيلها الكرم من صدر أهلها طيبين أجواد
يشبون الهلا للي يمر والطيب يوقدها

تشوف العز بعيون النشامى يلتفت هداد
شلع لارفرفت كلمة (كفو) يطلع ويظهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عزيزه حره ماترضى تلامس يدها الأصفاد
تحط الموت في روح الكفوف اللي تقيدها

عنيده لاركبت راس الحرايب تلتهب بعناد
تمر مثل الحرايق في هشيم الحرب ترمدها

أصيله مضمره بالمجد تقود المجد ما تنقاد
تمر مثل الوميض ولا قدرت عيني تجودها

مثل ما مرت وشبت عيوني بداخل الميعاد
انا قلت أشعل ضلوعي من عيوني وأعايدها

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


عساك بخير

عساك بخير


.
.


عساك بخير
وش أول وأخر جروحك
وش أخر و اول فراقي
يقولو من المسى
اتلملم بقايا نبرتي وتروح
على اول ذكرى بالشارع
نسينا كل سوالفنا عليه
وكل مواجعنا
وصرنا فيه ندورونا
ندور من ملامحنا
ملامحنا
ندور من تشتتنا
تشردنا
ألين أنا ندور في وجيه الناس
تصور
ولاقطره بوجيه الناس
تشبهنا وتشربنا
وأرد ضاميك
وبعد مثلي
ترد ضامي
وأقول ان المسى كاسك
وأصب عيوني لأ حساسك
وانا اتكسر
مع كل اغنيه تفتح
هدبها
وألمح عيونك
ياعون الله تلاقينا
تصور......
بأغانينا تلاقينا
عساك بخير
وش أول وأخر جروحك
وش أخر و اول فراقي
يقولو من المسى
أتلملم بقايا قمرتي وتموت
نسيت اسأل
صحيح تموت ؟
.

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


البرزخ



.
.
.
.


مسافرين كلنا
اي والله انا كلنا مسافرين
الموت ميناء
ايامانا
ميناء
وبحرها المقبره
بحر من عظام وكسور
نرسي وترسي حمولنا
وابحار للقبر الحزين
بأمواج كف احبابنا
سفينة الموت الحزين
تابوت
نترك سيول العاطفه
تجرح مواطي النظر
كل ماذكرتنا دور
نترك سواد ايامنا
للمغفره والنور..
نترك موايل الحزن
تطحن بنا وتدور
يمكن نستنا اشجار
ويمكن بكتنا دور.
يمكن
ويمكن
ويمكن
ماتنفعك "يمكن"
لاصرت وسط قبور
لاصارت الدنيا اهل
واحباب فوقك بالسما !!
وانت بقبر
واغلى عزيزنك وفا
يملون عينك
بالتراب !!
ماتعتبر
ياويلنا ياويلنا
اذا التئم عظامنا
ياويلنا ياويلنا
اذا اطفحت اعمالنا
من فينا مات
ونيته باطله
ومن فينا مات
ونيته طاهره
ياويلنا ياويلنا
من شقق
ثياب الحلم
من لبس
الطفله وهم
منهو نسى
طفله يموت
وسط الحياه
القاسيه
منهو جعل
سفن الذنوب
داخل ظلوعه
راسيه
مسافرين
كلنا اي والله
انا كلنا مسافرين
على الاخوه المسافرين..
على الرحله رقم
واحد
ورى
واحد
ورى
واحد
ورى
واحد
الرجاء
ربط النزاوي المرهبه
وفك اللسان بالادعيه
.
.
نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة


ليه !!




ليه !!

.

.

.

.




هذا هو اللي تبيه .. ؟؟
اني ارحل من حياتك
واشعل عيوني ب ليه..!!
بس خلاص ..!!





هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..





زين لحظه..!!
لاسالوني الناس وينك ..؟
وان درو ضحكة عيونك
عن عيوني سافرت
ردت لعينك ..




بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟




ياخي حس ..!!
والله عيب اللي تبيه ..
اني ارحل من حياتك ..
واشعل عيوني ب ليه .

.
.
.


لاجبينك شمس واحساسك مطر ..
لاعيونك شوق وشعورك دفا ..
جبت لك ب ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك ب افا ..
ماتجي منك ..
ولكن يابشر ..
منت اول من طعني بالجفا
ابرك أدفن كل جروحي بالسهر
ولافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..




والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..


.
.
.



هذا هو اللي تبيه ..؟!!
وهذا هو اللي قدرته ..
وقدرك ربي عليه ..




بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..




وين اروح ..؟؟؟
شلون اجيب لقلبي المجروح .
روح
هذا هو اللي تبيه ..!!



نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة



جمرة الثلج



هي قصه حقيقيه .



.لأنسان لم يحصل على الهويه العربيه/ الجنسيه
وأكثر من تجاهل هذا الوطن..أقرب الناس له .
حكاية الظل الذي نبه اليتيم من طعنة عمه الاخيره ..
فقد تحمل هذا الولد طعنات كثيره من عمه ومن الوطن
ولكن بعد الطعنه الأخيره
رحل الى مكان لايعلم به احد وفي قلبه ثلاث اطفال ..
يقتسمون الجوع كل ليله مع ابيهم...
ولطيفه هي الانسانه الوحيده التي تراسله..
وهي من اقرباءه



.
..


.
.
هذي منك ؟
.
.
اقسى من طعنة عدوي..
اقسي والله حيل اقسى..
حيل تعبانه يدينك..
يقدح الخنجر واشمك..
هيل وجروح وأغاني..
عاد تدري.
شفت ظلك !!
ياما نبهني عليك..
كنت اكذب..
ظل وافي.
كان خارج..
من خياناتك..علي
أيه اعرفك
احضن الخنجر وأشمك
دمع وعيون واماني..
بس انا وياك والله
مو مع الطعنات ضدك !!
حتى شوف..
وش كثر أشره عليك
وانا مطعون بيديك
كان من اول تقول
وانا أطعن نفسي عنك
.
.
.
أأأأه عنك
.
.

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

 


التعديل الأخير تم بواسطة الإمبراطورة ; 20-01-2011 الساعة 04:04 PM. سبب التعديل: تعديل الفونت =)
صوت الفجر غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 18-01-2011, 10:09 PM   #14

Alaa Al ghamdi

مشرفة مُتألقة سابقة

الصورة الرمزية Alaa Al ghamdi

 
تاريخ التسجيل: Aug 2009
التخصص: نظم معلومات إدارية
نوع الدراسة: إنتظام
المستوى: الخامس
الجنس: أنثى
المشاركات: 1,946
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

رائعه من جد
ابدعتي في طريقة الطرح
استمعت بالقراءة
خصوصا لـ حامد زيد,سعد علوش,سالم سيار.

 

Alaa Al ghamdi غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-01-2011, 12:09 AM   #15

صوت الفجر

مشرفة مُتألقة سابقة

الصورة الرمزية صوت الفجر

 
تاريخ التسجيل: Oct 2010
كلية: أخرى
التخصص: ضاع الحلمـ
نوع الدراسة: إنتساب
المستوى: معتذر
البلد: جــــدة
الجنس: أنثى
المشاركات: 10,132
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

المشاركة الأصلية كتبت بواسطة alaa al ghamdi مشاهدة المشاركة
رائعه من جد
ابدعتي في طريقة الطرح
استمعت بالقراءة
خصوصا لـ حامد زيد,سعد علوش,سالم سيار.
شرف لي اختي انة عجبك ... انتظري القادم ...

 

صوت الفجر غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-01-2011, 11:58 AM   #16

الإمبراطورة

مشرفة مُتألقة سابقة

الصورة الرمزية الإمبراطورة

 
تاريخ التسجيل: Mar 2008
التخصص: ♥English♥
نوع الدراسة: إنتظام
المستوى: متخرج
البلد: جــــدة
الجنس: أنثى
المشاركات: 6,851
Thumbs up رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

مآ شآآآآءَ الله , تبآركَ الله نقرتين لعرض الصورة في صفحة مستقلةنقرتين لعرض الصورة في صفحة مستقلة
مجهووووود جبّــــآر جدآ جدآ ,,


تسلمين يَ صوت الفجر,
عتبي علىَ الخــط لو اخترتي أوضح من كذآآ :$
أغيرهـ لكِ ؟!




دُمتِ
ألــــف تحيّة وشُكرر :)

 

توقيع الإمبراطورة  

 






اللهّم عطّر مشهدهآ, وطيّب مضجعها, وآنس وحشتها, وقها عذاب القبر وفتنته..
واجعل الجنـــــــــــــة مُستقرها ومقامها..
إنا على فراقك يا صالحة لمحزونون :"(

 

الإمبراطورة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-01-2011, 12:57 PM   #17

صوت الفجر

مشرفة مُتألقة سابقة

الصورة الرمزية صوت الفجر

 
تاريخ التسجيل: Oct 2010
كلية: أخرى
التخصص: ضاع الحلمـ
نوع الدراسة: إنتساب
المستوى: معتذر
البلد: جــــدة
الجنس: أنثى
المشاركات: 10,132
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

المشاركة الأصلية كتبت بواسطة الإمبراطورة مشاهدة المشاركة
مآ شآآآآءَ الله , تبآركَ الله نقرتين لعرض الصورة في صفحة مستقلةنقرتين لعرض الصورة في صفحة مستقلة
مجهووووود جبّــــآر جدآ جدآ ,,


تسلمين يَ صوت الفجر,
عتبي علىَ الخــط لو اخترتي أوضح من كذآآ :$
أغيرهـ لكِ ؟!




دُمتِ
ألــــف تحيّة وشُكرر :)
تحت امرك اختي اختاري نوع الخط المناسب ... وانا باتبعة ~َ~

شرف لي ان امبراطورة تعلق على مواضيعي َ~َ~

 

صوت الفجر غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-01-2011, 02:37 PM   #18

شموخي قهر عذالي

استغفر الله العظيم

الصورة الرمزية شموخي قهر عذالي

 
تاريخ التسجيل: Dec 2010
التخصص: دراسات إسلاميه
نوع الدراسة: إنتساب
المستوى: السادس
الجنس: أنثى
المشاركات: 182
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

من جد قمة في الروووووووعه والابداااااااع

الله يعطيك العافية ع هالموضوع
ماقصرتي


ربي يسعدك ويوفقك

 

 

انجليزي2تفسير
علوم حديث
مواريث
فرق واديان





يارب وفقني ووفق كل الطلاب والطالبات
اللهم صلي ع سيدنا محمد وع اله وصحبه اجمعين
سبحان الله العظيم سبحان الله وبحمده

 

شموخي قهر عذالي غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 20-01-2011, 01:17 AM   #19

برآءة حروف

ربِّ اجعلني مقيم الصلاة

الصورة الرمزية برآءة حروف

 
تاريخ التسجيل: Aug 2010
كلية: كلية الاقتصاد والادارة
التخصص: ادارة صحية ومستشفيات
نوع الدراسة: متخرج - انتساب
المستوى: متخرج
البلد: جــــدة
الجنس: أنثى
المشاركات: 3,951
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

ماشاء الله تبارك الرحمن

ابدعتي والله .. لا خلا ولا عدم

استمري يالدووبة واحنا وراكي .. ابدعتي مع حامد زيد :)

ربي يسعدك

لآهنتِ

تحيتي

^^

 

توقيع برآءة حروف  

 

{ رَبّ اِجْعَلْنِي مُقِيم الصَّلَاة وَمِنْ ذُرِّيَّتِي رَبّنَا وَتَقَبَّلْ دُعَاءِ }
،،

 

برآءة حروف غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 20-01-2011, 04:29 PM   #20

الإمبراطورة

مشرفة مُتألقة سابقة

الصورة الرمزية الإمبراطورة

 
تاريخ التسجيل: Mar 2008
التخصص: ♥English♥
نوع الدراسة: إنتظام
المستوى: متخرج
البلد: جــــدة
الجنس: أنثى
المشاركات: 6,851
افتراضي رد: ♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..


نقرتين لعرض الصورة في صفحة مستقلة

مُثبـت


يَ ليت تكوون مكتبة فعآلة نقرتين لعرض الصورة في صفحة مستقلة اللي عندهـ إضآفة يضيف (نحرص إذآ في مقآطع ~بدون ميوزك ولآ صور نسآئية) نقرتين لعرض الصورة في صفحة مستقلة




شآكرين ومُقدرين =)

 

الإمبراطورة غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 05:23 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023