ايض وانزايم

[ليان العمودي]

مرحبا بنات ولكم ان تتخيلو لسى في حوسة مع جدولي

ابدا مو راضي يزبط ايض وانزيم مع بعض
فقررت آخذ انزيم فقط مع خلية ومايكرو وفلك وعربي وثقافة =18 ساعة

انا اللي مخوفني انه الكل ينصح انه ايض وانزيم لازم مع بعض هل صحيح هذا الكلام؟

وانا مستوى رابع لو ما اخذت ايض حتأخر ولا عادي؟

بلييييييييز ردو علي بجد محتارة

[Dr.moni]

السلام عليكم ورحمة الله وبركاته

شوفي حبيبتي هما يقولولك انه الايض والانزيم لازم مع بعض عشان لما تخلصيها هي اكتر مادتين تفتحلك مواد بعدها

هي اهم شي في مستواكي عشانك تخصص كيمياء حيوي لكن اذا مرة ما زبط مو مشكلة تقدري تزودي ترم في النهاية مافيها مشاكل

نصيحة اخوية 18 ساعة كتير عليكي
الخلية مادة مو خفيفة وفيها من كلام الايض يعني يساعدوا بعض

وان شاء الله غيري يساعدك اكتر
ولو في اي سؤال اتفضلي ولا تترددي :)

[Miss Hiruma]

يب زي ماقالت موني

انتي توك جديده ..

المادتين هذولي اهم شي بالقسم..

والمواد الحره زي فلك بدري عليها لسى ..

و18 ساعه مرره كثيره ..^^

16 ساعه كفايه ..^^

[ليان العمودي]

مررررررررة شكرا

وانا لمن حسبتها انه لو اخذت الايض مستوى خامس ماراح ازود ترم ولا اخررررف

انا حخلي جدولي ولمن بكرة لو طلعت اسامي الدكتورات حشوف

[بيو كيميائية ^_^]

أنا أفضل الإثنين مع بعض

حذفي الفلك وحطي الأيض

[najjo]

حببتي الخلية والمايكرو مع بعض مرة ماينفعووووووووو
صحيح لاباتهم سهلة وخفيفة بس النظري دسسسم شويه
روحي ضيفي الايض من عند الشؤوون