نداء لكل الشاطرين و الطموحين و المتابعين d:

[Dr.Passed]

السلام عليكم ورحمه الله وبركاته ورضوانه

كيف حالكم طيبين إن شاء الله

يا جماعه ما اقصد احد معين بس ليه كده احس مافي مواضيع ولا اخبار عن اي شي طبي قائم يعني كم محاضره ومؤتمر ودوره راحت =(

من فين نقدر نعرف دي الاشياء حتى لو اكبر من سننا بشويه انا معد ابغى افوت هادي الأشياء من جد مهمه احس...اول شي خبره عن المؤتمرات والاشياء وزياده معلومات ونتعلم نتكلم ونسأل قدام جمهور كلو دكاتره هادا الشي كسر الخوف عندي فا خلاصه الموضوع ابغا رابط ولا اي شي اقدر اعرف عن اي شي يفيدني ويزودني خبرات يعني من فينو توصلني الاخبار عن دي الاشياء دايما بتفوتني بسبب اني بعرف متأخر ....

شكرًا

[ريال واحد فقط لا غير]

medkaau
ملتقى الكليات الصحية بجامعة الملك عبدالعزيز فيه منتديات كثيرة ومن ضمنها المؤتمرات

وفقك الله

[Dr.Passed]

شكرًا دكتور دا كنت اتصفحو اول ولمن خشيت طب نسيت انو اصلا موجود في الحيا

حاسير اشيكو إن شاء الله ايش في غيرو؟؟ وسامعين عن اي شي حيتقدم الفتره دي ؟

[DR.MOHAMMED ALJUNAID]

في بين الترمين حيكون المؤتمر الطبي الثامن في سلطنة عمان

طبعا احنا الجامعه هما الي جونا وقالولنا عليه وانو نرشح كم طالب مثلا عشان نطلع هناك ونسوي بحث ونقدمو وحيكون في محاضرات برضو وورش عمل

مدتو تلاته ايام من 28 يناير الين 1 فبراير
وغالبا مشاركه فيها كل كليات الطب في المملكه والخليج
دا الموقع ان حبيتي تقري
http://www.gcc8medconf.com/ar/

[Dr.Passed]

جزاك الله خير دكتور بس دا للشباب =)

[بيو كيميائية ^_^]

بكـرة في مؤتمـر للتوعية عن سرطان الثدي

في كلية دار الحكمة من 7 إلى 9 الليل

لو حابة تحضري

وهذا رابطهمـ في الفيس بوكـ

https://www.facebook.com/event.php?eid=129480490489652

[Dr.Passed]

مافي اب-ديت على دا الموضوع ؟
في شي دي الاجازه حتى لو بره جده ؟؟