استفسار ضروري للدكتور محمد الغامدي

[la rose]

السلام عليكم

كيفكم؟وكيف الجداول معاكم؟

حبيت اناقش موضوع مهم بالنسبة لطالبات قسم اللغة الفرنسية
وهوا بخصوص مواد التدريب لاننا نعاني من هادا الشي ...يعني تحسب علينا مواد وساعات واحنا مابنستفيد منها
واللغة الفرنسية زي ماانتو عارفين لغة ممارسة...كل الاقسام عندهم هاذي المواد تطبيق حتى قسم اللغة الانجليزية الا قسمنا مع انو مجال تدريبنا نفس مجال تدريب طالبات اللغة الانجليزية

ياليت يشاركنا الدكتور محمد الغامدي ويقولنا سبب انو مواد التدريب لقسمنا نظرية فقط ومو تطبيقية

وزميلاتي ياليت تساعدوني عشان نستفيد من دراستنا عشان ماتضيع علينا السنوات الي تعبنا فيها واحنا نتعلم اللغة ونحاول نخلي المواد تطبيقية من هادا الترم

merci

[Jasmine Al-Qahtani]

مرحبا فيك اختي الغالية

كلامك عين العقل

وطلبك لمواد التدريب صائب

اسمها تدريب يعني استحاله تكون نظرية

وان شاء الله الدكتور يرد عليكِ وياخذ اقتراحك بعين الاهتمام

بالنسبة لممارسه اللغه والتدريب مع صديقات متعلمات
نصيحه مني
كلمي صحباتك واللي يجمعك بهم رابط اللغة الفرنسية
وتعالو هنا المنتدى وسوو مواضيع زي مواضيعنا الانجليزية المسلية اللي نتدرب فيها عاللغه نخطيء ونصيب والهدف ..نتعلم
انتو تستفيدو وغيركم يطلع ويتعود شوي على هاللغه<<اخذت كورس فرنسي وسحبت عالثاني ;)
لان اللغه بدون ممارسة تضيع من الانسان

بالتوفيق لكل خير يااارب

[la rose]

ثانكس حبيبتي على المرور وكلامك الرائع

واتمنى ان الموضوع يكون فيه تجاوب جدي من القسم ومن زميلاتي لان الممارسه للغة عندنا مشكله كبيرة

[La L i L a s e]

المشاركة الأصلية كتبت بواسطة la rose السلام عليكم كيفكم؟وكيف الجداول معاكم؟ حبيت اناقش موضوع مهم بالنسبة لطالبات قسم اللغة الفرنسية وهوا بخصوص مواد التدريب لاننا نعاني من هادا الشي ...يعني تحسب علينا مواد وساعات واحنا مابنستفيد منها واللغة الفرنسية زي ماانتو عارفين لغة ممارسة...كل الاقسام عندهم هاذي المواد تطبيق حتى قسم اللغة الانجليزية الا قسمنا مع انو مجال تدريبنا نفس مجال تدريب طالبات اللغة الانجليزية ياليت يشاركنا الدكتور محمد الغامدي ويقولنا سبب انو مواد التدريب لقسمنا نظرية فقط ومو تطبيقية وزميلاتي ياليت تساعدوني عشان نستفيد من دراستنا عشان ماتضيع علينا السنوات الي تعبنا فيها واحنا نتعلم اللغة ونحاول نخلي المواد تطبيقية من هادا الترم merci

اهلييين يا اخت La Rose

صح كلامك انا معاكي قسم فرنسي و مبتعثة لفرنسا و خلاص مسافرة بعد 5 ايام ان شاء الله ..
بس انا سمعت من بعض الدكتورات في الجامعة انو فييه تدريب في مدارس قوس النصر هنا في جدة .. بس ما ادري هل التدريب لجمييع الدفعات و لا بس دفعتنا ؟؟ .. انا من دفعة 07 و مستوى خامس


عموما الله يوفقك و يوفقني و يوفق الجميييييييييع يااااااااااارب