اختبار الفرنسي lanf221

[Quaresma]

بصراحة انا مذاكر كويس من الملخصات
بس المشكله الملخصات مافيها du.de وطقتها
اللي كان بالملخصات la.le
اعرف ترجمة الجمل اللي بالسوال وعارف المذكر والمؤنث الجمع واللي بدايته حرف عله
بس مااعرف ايش اختار لاني اول مرة اشوفها
علشان كذا توهقت والله انقهرت مذاكر كويس

[dhafer66]

ازيدكم من الشعر بيت ...
انا قابلت الدكتور بعد الاختبار وسألته عن السؤال الاول؟ وقالي انا جبته هديه لكم.؟!
وقالي ان احدى طرق الحل هي انت تكتب نفس الجمله وتحط بعدها علامة استفهام؟

بس نسيت اقول له (مسموح من بعض الهدايا)

[احمد الاول]

انا حفظت الملخصات اللي نزلها احد الاخوان في المنتدى

و قال انه جابها من الدورة

و حفظت طريقة الاسئلة و الاجوبة اللي ارفقها احد الاخوة و كانت جدا ممتازة


و اليوم الاسئلة

ما حليت منها الا السؤال الثاني حق التأنيث

و السؤال الرابع حق الساعات متأكد منه 100%

و السؤال الخامس حق تصريف الافعال برضوا ان شاء الله حليته صح


و رغم هذا كله اتوقع اني حامل المادة لأنه احد الاسئلة حق de - du ما جاء في الملخصات و عليه 28 درجة - يعني كمان لو نقصت درجتين في اي سؤال ثاني رسووب

و السؤال الاول حق كتابة الجمل الاستفهامية برضو ما حليته لانه ما جاء في الملخص


عموما الحمدلله على كل حال

الله يجيرني في مصيبتي و يعوضني خيرا منها

[nour al3mr]

طيب الله يرضى عنكم .. مو عندكم كتب ..

ليش ماذاكرتوا منهــــــــــــآ..؟؟

الملخصــــــــــآت أبداً لا تغني عن الكتـآب الأسـاسي ..
هذه قـاعدة ثابته في الدراســــــــــة الجـامعية ..

وسؤال كيفية تكـوين ســـؤال موجود في الملخص ..

وفعـلاً إحدى طرق تكوين السـؤال هو إنزاله كمـآ هو ووضع علامة الإستفهـآم في آخرة ..
وذكرها الأخ ..

الله يعوضكم خيــــــــر و ييسـر لكم النجـآح ..

لكــــــن للخروج بفــــائدة من موقف ممـاثل ..

الكتـــــــاب هو المرجع الرئيسي وما الملخص إلا بمثـآبة المرحلـة الثانية للمراجعــــــــــة و التـأكيد على النقـآط المهمه ..

سدد الله خطـآكم و جبر لكم كل كســــــــــر ..

[دعدعيه]

طيب الله يرضى عنكم .. مو عندكم كتب .. ليش ماذاكرتوا منهــــــــــــآ..؟؟ الملخصــــــــــآت أبداً لا تغني عن الكتـآب الأسـاسي .. هذه قـاعدة ثابته في الدراســــــــــة الجـامعية .. وسؤال كيفية تكـوين ســـؤال موجود في الملخص .. وفعـلاً إحدى طرق تكوين السـؤال هو إنزاله كمـآ هو ووضع علامة الإستفهـآم في آخرة .. وذكرها الأخ .. الله يعوضكم خيــــــــر و ييسـر لكم النجـآح .. لكــــــن للخروج بفــــائدة من موقف ممـاثل .. الكتـــــــاب هو المرجع الرئيسي وما الملخص إلا بمثـآبة المرحلـة الثانية للمراجعــــــــــة و التـأكيد على النقـآط المهمه .. سدد الله خطـآكم و جبر لكم كل كســــــــــر ..

ياستي الله يغفر لك بس
ايش اللي من الكتاب ولا من الملخصات
اللي يسمعك الحين يقول هذولا بلبل فرنسي .. طيب خليني ابسط لك اللي حاصل
كيف لو انتي انتساب وانا بختبرك بمادة لغة برتغاليه ؟
وبعطيك الكتاب ... يكفيك كتاب؟
طيب بعطيك معه ملخصات ... تكفيك عشان تفهمي؟
طيب ياستي ولا تزعلي .. شرايك اعطيك طريقة الاختبار برضه
لكن لمن يجي الاختبار اجيب لك حاجه وحده قلتها , والباقي جايبه بطرق سامجه
.
بحياتي ماقلت انه فيه اختبار صعب .. ومازلت
لكن الاختبار هذا؟ سامج واللي حطه يفكر إننا فاهمين .. وإحنا من جمب القده
آآخ بس الشرهه على أبوي ماتزوج مغربيه
ليش ابوي؟ الشرهه علي أنا اللي ماتزوجت لي مغربيه
وينك يا منى أمارشا بس

[القهوة العربية]

واللة العطيم يا دعدعية انك صادق انها اسئلة سامجة مثل اللى حطها يعنى معقول يحمل الناس مواد بقلة الاسئلة والفقرات طيب ياخى على الاقل جيب الاسابيع الشهور الاعداد اللى حفطناها بس انا ابعرف ايش نوع هذا الفن اللى يبيك تجيب ثلاث السئلة على اجابة وحده!!!!!!!!!!

[ملامح خجوله]

الله يعينكم حنيت عليكم والله انا تخرج انتظام الله يعينا ويوفق الجميع يارب

[علي مشعط]

المشاركة الأصلية كتبت بواسطة dhafer66 ازيدكم من الشعر بيت ... انا قابلت الدكتور بعد الاختبار وسألته عن السؤال الاول؟ وقالي انا جبته هديه لكم.؟! وقالي ان احدى طرق الحل هي انت تكتب نفس الجمله وتحط بعدها علامة استفهام؟ بس نسيت اقول له (مسموح من بعض الهدايا)

ايش والله من الهدايا والله صدق مسموح منها

[السهم الساطع]

هد اعصابك ياخي وان شاء الله تنجح ((تفائلوا بالخير تجدوه))

للاجابه على سؤال اخي ابو احمد %

?tu travaille
ص 22 منالكتاب
?qu est ce que vous faites

ص 28 من الكتاب وغيرها الكثير من العبارات

الا بيض الله وجه الدكتور ع هذه الاسئله .....
مع العلم اني استفدت الكثير من ملخصات الشباب هنا جزاهم الله عنا خير الجزاء

الله يستر من الجاي .......الشكر للجميع

[احمد_000]

يا شباب إن شاء الله مافية رسوب اليوم كانو متساهلين في الاختبار حتى الدكتور بنفسه يلمح بالحل مع اني لخبط في السؤال الثالث الي عاليه 28 بس إن شاء الله مافيه رسوب .