اختبار الفرنسي lanf221

[دعدعيه]

أنا أقول لو إننا دارسين اردو كان ارحم , على الأقل نستفيد منها مع البنقاله
كتاب جايني منسوخ من مكتبة خوارزم .. وناقص وحدتين كاملتين , وما اكتشفت إلا آخر الوقت
ملخصات بالمنتدى , وضعها يرثى له , لا تفهم منها شي ولا تسمن ولا تغني من جوع .. وما ألوم اللي اجتهدوا وسووها ., لأن هي الحكايه اجتهاد فقط لا غير ,ويشكرون عليه , ولا لو الواقع مافيه أحد يعرف فرنسي يعني
طريقة اسئلة الاختبار
وما أدراك ماطريقة اسئلة الاختبار
وأنا اللي اقضي وقتي كله احفظ الايام والشهور والأرقام والوظايف , وبالأخير الأسئلة تجيك مختلفه نهائياً عن اللي ذاكرناه , ناهيك على كلام أغلب اللي سبقونا , بأن هذي هي طريقة الاسئلة وماراح يكون صعب ... صراحه ؟ عقب اليوم واختبار اليوم؟ مادري يعني بديت أشك دكتور المادة وش يحس فيه
جايب لنا جمله ويقول حط عليها ثلاث اسئلة ... أنا بالعربي ما اعرف اكتب ثلاث اسئله كيف تبغاها بالفرنسي يا دكتور
وليه الوقت والساعه جايبها بهالشكل
أحد مفهمك إننا نحب أو نفهم فرنسي؟
أحد قايلك إننا إنتساب وفاضين يعني؟ ياخي هي مو حكاية فاضين ولا معشقين , الحكايه إنه المادة سامجه وصعبه تخش بالراس وماينفع معها فهم .. لازم حفظ .. حتى الحفظ ماينفع , لأن الأسئله بتجي مختلفه عن اللي حفظته بالكتاب
ياخي وش ذا النظام
الله يفرجها
^
^
تمت إضافتك لقائمة حاملي مادة lane221 بنجاح

[sultan shammar]

هدي هدي وانا اخووووك


انا والله من الناس اللي ذاكروا الملخصات بس

وابشرك اني ان شاء الله ماراح ارضي باقل من أ ان شا ءالله


والكلام اللي جابوه الشباب اللي حظروا الدوره التاهيليه ماطلع عنه الاختبار


هذا رأيي

[abozed2020]

حسبي الله حسبي الله حسبي الله حسبي الله حسبي الله على الدكتور الى حط الاسئله

مفكرين ان حنا نبغى ندرس فرنسي او ايش يعني حتى طريقة الرصد كيف ام اعرف

وبعدين يقولو لا أحد يغش من يفهم فرنسي
[
.........................


الفرنسي معفن

[دعدعيه]

هدي هدي وانا اخووووك انا والله من الناس اللي ذاكروا الملخصات بس وابشرك اني ان شاء الله ماراح ارضي باقل من أ ان شا ءالله والكلام اللي جابوه الشباب اللي حظروا الدوره التاهيليه ماطلع عنه الاختبار هذا رأيي

بالنسبه لي .؟؟ ماعندي مشكله أحملها صراحه
لكن خلك معي شوي , وش الملخص اللي انت ذاكرته؟
والطلاب وش قالوا بالدورة التأهيليه؟.. ماقالوا أرقام؟ وأسماء أحفظها وأفعال؟
صراحه ماشوفها بالاختبار
وعساك من a وزياده بموادك كلها والطلاب أجمعين .. وأنا بعد
لكن الواقع واقع والاختبار جاء مخالف للي قالوه الطلاب والملخصات
ناهيك على إنه القاعه كلها سواليف والعالم تسولف مو فاهمه شي
ولا اللي قدامي , ولا اللي وراي ولا الاربعه اللي جمبي حلوا السؤال الأول .. يارجال ماحلوا شي خلني أمون معك صريح يعني
وانا قاعد قدام .. وشايف العالم اللي تسلم الأوراق.. والسؤال الأول 70% فاضي

[الدكتور1]

الله يجزاه خير الدكتور
والله ماقصر معنا ساعدنــــــــــا وصدقوني كاكم بتنجحوووووووون

[sultan shammar]

ههههههههههههه الله يوفقك وينجحك ان شاء الله

تفاءل بالخير ان شااء لله الله يوفقك


الملخص الضاهر اللي كاتبه ابو احمد

الوقت منه والفراغات منه طبعا الصفحه الاخيره حقت المونث والمذكر

والسؤال الاخير التصريفات

والسؤال الاول تدري لو كتبته نفسه بس تحط ؟ كان خذيت 5 درجات

[دعدعيه]

ياخي أنا انمخش مخي
كيف الدكتور ساعدنا ؟؟
ووش الملخصات اللي كان فيها حل للسؤال الأول بالاختبار؟
والوقت ليش جاي بطريقة مختلفه عن اللي بالملخصات واللي بالكتاب؟
ووش المؤنث والمذكر اللي انتم تتكلمون عليه؟ un و une ؟؟ لأن ماشفتها بالاختبار
ماقدرت أفهم صراحه وش الجزئيه اللي فاتتني من كلامكم

[sultan shammar]

المؤنث تستخدم معه de la

المذكر تستخدم معه du

اللي مبدوء بحرف عله تستخدم معه del'

اسم الشخص تستخدم معه de

الجمع تستخدم معه des

اتمنى انك فهمت

وبعدين ترا ماسمعنا من قبل ان الدكتور سقط احد


يعني ان شاء الله الناس كلها ناجحه

[دعدعيه]

المؤنث تستخدم معه de la المذكر تستخدم معه du اللي مبدوء بحرف عله تستخدم معه del' اسم الشخص تستخدم معه de الجمع تستخدم معه des اتمنى انك فهمت وبعدين ترا ماسمعنا من قبل ان الدكتور سقط احد يعني ان شاء الله الناس كلها ناجحه

خخخخ أنا عاكس أمها
صراحه ماهان علي الرجال ياخذ du
قلت خل الحريم ياخذن du وهن ساكتات
الله يسمع منك
الله يوفق الجميع
وييسر أمورنا

[cute*soso]

بسراحه هذي المادة مع انها لزيزا وحلوا
لكن تدريسها غبي عندنا
اولا .. ما يعلموننا النطق
ثانيا..تعليمها بس زيادة عدد مواد يعني نفس الكمية اللي نتعلمها ماتفيدنا لو روحنا فرنسا او بسوي محادثة فرنسية يعني يا يزيدون فرنسي 3 و 4 لين نوصل مرحلة نمشي حالنا فيها او يحذفونها كوللها من الاساس
ثالثا .. مافيها براكتس ابددااا

بالتوفيق ياربي