(مشروع التحكم بالسيارة) العرض جاهز للجميع ....

[salem01]

سلام

انتهيت من الانتاج وعملت كم نسخة

ممكن اترك نسخ بمحل كمبيوتر بمركز الباروم ويتكفل احد يسلم للمجموعة ؟؟؟

ردوا عشان احتمال انزل جدة اليوم ويسير اترك كم نسخة

شكل علبة السيدي الخاص بالعرض نفس اللي بالمرفق ،،،، صورتها قبل ما انزل الموضوع

عشان تلحقوا على النسخ الاصلية :) بعد كذا كله يسير كوبي !!!!

فمان الله

[الكاتب]

الله يعيط العافية بس وش المحل

[salem01]

اخي الكاتب راح اترك لك نسخة بمحل اسمه mec >> مركز الالكترونيات الحديثة ... الدور الاول عند شخص اسمه ايمن مسؤول المحل قول انا من طرف سالم وابغى العرض لاتمر اليوم قبل المغرب لانه يدوب اوصل من مكة ان شاء الله بعد المغرب بالكثير تكون هناك ،،،،،

[IT dancing doll]

السلام عليكم ....سوري salem01
لاتتضايق من كلامي الحذر واجب...
شباب المنتدى ازا مانكم عارفين من هوا salem01 اساسا فلايكون فيه ثقه عامياء
وبعدين احنا حاسب ف المفروض يخطر ببالنا انه ال دي في دي ممكن يكون في ايه شي مو اوكي
عشان كذا بس حبيت اقولكم اللي بياخذوا لايجربوه في جهازوا يجربوه في اي مقهى ...ويتاكد من كل النسخ لانه حتى لو كانت نسخه اوكي دا ماياكد انه البقيه اوكي
...
سوري طولت عليكم بس بالمنطق لو كلامه مليون في الميه صح هوا تو خلص من المشروع المفروض يسلموا للجهه موثوقه مايوزع شغل متعوب عليه بالمجااااااان ..صح كلامي والا ؟؟؟؟؟
مره تانيه سوري salem01
انا ماحبيت اضايقك والله

[salem01]

اخت IT dancing

كلامك سليم فعلا شخص غير معروف لكم ،،،

ايش رائيك ارفع لك العرض كامل بالنت ديفيدي وانت تشوفيه اونلاين وبشطارتك تنزليه ثاني كبشر سكرييين اذا متخوفة وماتعرفي كيف تتعاملي مع الداتا بحذر !!!!

فعلا كلام سليم مو معقول يخلص من المشروع ووووو بس ياسيدي انا عملت كثير مشاريع واعمل لها مونتاج وعرضت في الجريدة كثير وجاري طلب براءة الاختراع لمشروع تخفيف سرعة السيارة عبر الاقمار الصناعية
مشرووع تم عرضه بالجريدة وباذاعة جدة ومشاريع اخرى نزلت بعكاظ
وبالنسبة لمشروع التحكم بالسيارة بينزل قريب وكمان بيعرض في قناة باذن الله

ومايوزع شغل متعوب عليه بالمجان >>> من قال اني وزعته اساسا لابمجان ولابمقابل حتى ولا افكر اصلا ماديا اسوقه لكن اعتقد اني بعطيكم عرض ديفيدي للنظام فقط مشاهد مرئية والتحكم ووو مو تاتوريال لكن انا واثق كثير من الشباب بالذات بيفهموا اللوجك وممكن يعرفوا كيف تحكمت بالسيارة بحكم انهم يتعاملوا مع السيارة اكثر واستحي اقول ابغى مقابل عشان تشوفوا النظام اذا راح التفكير بالبعض اني مادي او لي نية من ورا السيدي الله يعلم بنيتي والله مايعرفك يجهلك

عموما بقول لك شي والله انا ماتضايقت ولازعلت انا كمان الانسان اللي ماعرفه صعب احط ثقتي فيه بسهولة
لكن مسئلة خوف من سيدي وانه ممكن يكون فيه ضرر هذا شي ماخطر ببالي ولا بيوم من يوم اعطيت كل عروضي لناس غريب وحدة متخصصة مثلك تتخوف كذااااا مع احترامي والله لكن شي مو منطقي كلامك

اللي متخوف من النظام ويبي يجربه شخصيااااا بارض الواقع >>> عشان ماتنتقل الفيروسات لجهازه انا ماعندي مانع !!!!!!
وكمان اللي جدااا مو مقتنع ولا بشي انا حعرضه بيوتيوب قريب ان شاء الله بس مقاطع قصيرة مختصرة


اهم شي اذا تبوا اسلمه لشخص بالجامعة او المنتدى وابصم عليه ههههههههههههههههه واصور البطاقة كمان عشان يسير اوفيشال برضه نو بروبلم
اسمي سالم المسرحي من مكة المكرمة معلم لغة انجليزية بمكة وشكراااا مرة اخرى

[IT dancing doll]

اهم شي اذا تبوا اسلمه لشخص بالجامعة او المنتدى وابصم عليه ههههههههههههههههه واصور البطاقة كمان عشان يسير اوفيشال برضه نو بروبلم
اسمي سالم المسرحي من مكة المكرمة معلم لغة انجليزية بمكة وشكراااا مرة اخرى<<دا اكتر شي مبين انك تضايقت :)
غريب وحدة متخصصة مثلك تتخوف كذااااا مع احترامي والله لكن شي مو منطقي كلامك<<كلامي كل ابوه منطق وترى مو بس الفايروسات اللي صايره العالم بتخاف منها ...
ايش رائيك ارفع لك العرض كامل بالنت ديفيدي وانت تشوفيه اونلاين وبشطارتك تنزليه ثاني كبشر سكرييين اذا متخوفة وماتعرفي كيف تتعاملي مع الداتا بحذر <<فكره روعه وانا اللي ماعرفه حتعلم له مايبغى لها شطاره يافهلوي مع احترامي الشديد
وي وانا ساي ذيس سوووووووووون...
ايم هبي فروم يور ريبلاي

[تالـه]

الاخ سالم،،

يسعدني كثيرا الحصول ع نسخه من السيدي،،

اتمنى تحديد محل محدد في مركز الباروم

وباذن الله سأذهب لاستلامه

ولو بمركز المدينه فذلك افضل بكثييير بالنسبه الي!!


شكرا لك مقدما

[salem01]

الاخت تالة ،،،


اولا اشكرا على الرد ،،،، ثانيا انا تركت 3 نسخ بمركز الباروم بمحل اسمه mec مركز الالكترونيات الحديثة عند شخص اسمه ايمن الدور الاول
طبعا اليوم جمعة مقفل ،،،،
اذا تحبي تاخذي نسخة من هناك اوكي تبي تنتظري بس كم يوم انا حنزل جدة كمان واترك لك نسخة بمركز المدينة بس في شي مهم لو انتظرت حتكون النسخ الثانية جودتها افضل بالصورة من اللي عملتها الان

لاني تعبت من الضغط والتحويل من avi الى mpeg-2 الانتاج جودته جدااا ممتازة بس حجمه 32 قيقا الاصلي !!! لكن لازم احوله عشان يشتغل كديفيدي فيديو بقائمة ،،،

عموما شوفي الانسب لك لكن برائيي اصبري عشان تشوفي باعلى جودة وصدقيني والله راح تنبسطي من العرض وانا واثق ،،،،

وشكرااا لك مرة اخرى

[تالـه]

جزاك الله خيرا،،

اذا سأنتظر النسخ الثانيه،،

واتمنى منك تحديد اسم محل بمركز المدينه،،

شكرا لك!

[salem01]

اوكي اختي تالة بكرة او بعد بكرة باذن الله اترك لك نسخة واحدد لك اسم المحل ،،،