إلى مشرفة قسم الانجليزي وطاقم المكتب في قسم اللغات

[Icekream]

السلام عليكم .
امنياتي لكم و لنفسي بالتوفيق في الفصل الدراسي الجديد ان شاء الله ،

باختصار هذا ليس عتب على الدكتورة مشرفة قسم اللغة الانجليزية فقط واللي اهنئها مثلما هنأتها الجامعة بتجديد تكليفها مشرفة على قسم اللغة الانجليزية!!

انا ما اعرف احد من الاستاذات ولا المشرفات ولا بيني وبينهم شيء شخصي انا فقط احكم من تجاربي المتكررة معهم و للأسف كنت اظن ان مايكتب في تويتر وفيسبوك والجرائد من شكاوى الطالبات مبالغ فيه الى ان ذقت المر بنفسي..

اتساءل لماذا يكون هذا هو تعاملنا ونجن مسلمين في بلاد الحرمين اعظم بلاد الارض ؟؟ لماذا عندما نجرب التعامل مع جامعة امريكية او استرالية نفاجأ بأنهم يكادون هم يقفون لنا احتراماً وكأننا نحن الاساتذة و هم الطلاب لا العكس؟!!


السالفة اختصرها بمشكلة الجداول والشعب المغلقة التي لا اعرف لماذا يرفضون توسيعها للطالبات وماذا يريدون من الاستاذة ان تعلّم الطالبة ان كانت لا تريد تسجيل طالبات في شعبتها اساسا !! هم يعرفون ان الطالبات ليسو كلهم مستقرين الاوضاع وبإمكانهم الحذف و الاضافة فوقته من الاودس .. هناك طالبات مستجدات ومتعثرات و منقولات ومحولات وكل هؤلاء تحت رحمة تواضع من شأنهن بيدهم من الموظفات متى ما انهو اوراقهم استطاعت الطالبه الانتقال للخطوة الثانية من عمل جدول وخلافه !!

لماذا تتم معاقبة الطالبة بتأجل موادها الى ترم لاحق وهي لم ترتكب ذنب التأخر عن اضافة المادة ؟؟ لماذا لايتم توسيع الشعبة موسميا للطالبات بحد استيعابي يملأ المقاعد الموجودة في القاعة على الاقل بدلا من ان يكون فكل شعبة فقط 20 طالبة مثلا ؟!! القاعة فيها 40 مقعد لماذا لا يتم ملء كل المقاعد ؟؟ هل راحة المعلمة مقدمة على مصلحة التلميذة ؟؟ يأخذون رواتب نظير خدمة تعليمية لاترتقي لمصاف الجامعات العالمية لللاسف وتجبر الطالبة على الصمت امام كل التعقيدات وإلا قامو بمعاقبتها واستغلال صلاحياتهم اسوأ استغلال ..

عندما تقوم الطالبة بمراجعتهم مرارا عشان تكمل موضوعها يطردونها بالأدب بدل مايحترمونها ويقولون اكيد الطالبة حريصة على مصلحتها و موادها ودراستها وإلا ماكان جاتنا كل شوي تسأل ايش صار على جدولي وموادي ..

اليوم الاستاذات مو متنازلين يقومون من كراسيهم ويروحون للمشرفة يقولون لها الشعب تحتاج توسيع مو قادرين نظيف الطالبات ... رسلونا للمشرفة اكثر من 3 مرات فأقل من 10 دقايق والمشرفة اخر شي طردتنا وقالت ازعجتوني عندي اشغال ثانية مو بس جداولكم

وش ذنبنا حنا؟؟ ليه تعاملونا كذى كأننا حنا اللي متأخرين فاضافة الجدول ؟؟ ترى الاهمال والفوضى وعدم التنسيق كله منكم وتحاسبونا عليه؟؟ ماتدرون كل ترم في اكثر من 30 طالبة يدرسون في القسم ويحتاجون يسجلون مواد التخصص بدون تأخير ؟؟

انتم عطيتم لنفسكم صلاحية تقليص عدد المقاعد في الشعبة الوحدة عشان راحتكم وما اهتميتم بمصلحة الطالبة وحرصها على موادها ومتابعة موضوعها اللي اتسبب فتأخر تنزيل جدولها بدل ماتجعلون الله نصب اعينكم تحطون حرتكم في الطالبات ؟

المشكلة الثانية انهم يكتبون موادنا اللي تحتاج توسيع شعب فاستمارة و موت يا .......... ، اسفة على المثل بس جد كأن حنا مو بشر الله يكرمكم والسامعين.. ننتظر و تبدأ الدراسة و المواد لا اتوسعت ولا انضافت ولو راجعناهم يا يطلعون نسيو السالفة وما رسلو استماراتنا لتوسيع الشعب يا انهم اتكاسلو عن توسيعها اصلا ويبلغونا ببرود ان القسم رفض توسيع الشعب! والسبب؟؟ بدون سبب... اجلي مادتكي يا طالبة وطز فيكي وانتي ساكتة


اين وزارة التعليم العالي مما يحدث بجامعات البنات بالذات؟؟ الاولاد يعرفون شلون ياخذون حقهم لكن حنا الوضع كل يوم للأسوأ ولاحول ولا قوة الا بالله

[nour al3mr]

و عليكم السلام و رحمة الله و بركآته

الله يعينكم و ييسر أمركم .. طيب رآجعي د. عزيزة العيسى و بلغيها و اشتكي لها
شوفي أيش بيصير معاك بعدها ..

جآنب من ذكريـآت القسم .. الطآبور المعتاد كل ترم عند بآب غرفة 119 :$

من المشآكل المشهورة جدًا :
- الموآد شعبها مغلقة و ماتضيفيها إلا بالطآبور الجميل و فوقها يضيفوها لك عند أي دكتورهـ
- بنات ماهم تخرج و يضيفوا موآد من مستويات أعلى و بنات التخرج ما تضآف لهم الموآد بسبب إن الشعب مغلقه ..!
لكن بعد ما نرآجعهم عدة مرآت .. كآنوا إما يوسعوا الشعبة أو يحذفوا المادة من جدآول اللي ماهم تخرج و يضيفوها للخريجآت
- مآسـآة إضافة المواد الحرة غنية عن التعريف طبعًا :/
- إضافة المادة دون اسم دكتورة .. ضيفيها على البركة و أنتِ و حظك :$
- يعملوا لك جدولك في حال مآن عندك مشكله فيه .. و عدد ساعات البريكآت كبير جدًا فَـ نهش ذبآب بممرآت الجآمعة

طول فترة دراستي بالقسم .. كنت أضيف المواد وفق الوقت المنآسب دون ما أهتم بالأستاذة
و لله الحمد وقعت مع بعض الدكتورآت شيبوا الرآس و اختبر الموآد بنفس اليوم
لكن في الأخير التيسير من الله و خلصت على خير الحمد لله

لا جآت على مآسـآة المواد هين .. المشكلة في مآسآة الدراسة .. كنت أضحك لما يسموه قسم شهآر و قسم المجآنين (كفانا الله الشر)
لكن شفت و جربت و عرفت السبب :d

قسمنآ يا أختي في الإنتظآم معروف أنه مآسـآة لكن هونيها و ربك كريم :)

[Icekream]

لا حول ولا قوة إلا بالله . ربنا أقوى من كل من ظن أنه قوي و اغتر بقوته . فعلاً لما اهلنا ربونا و علمونا إنه العلم أخلاق قبل الشهادة .

اختي نور العمر أنا ما حبيت اذكر أسماء لكن للأسف من نصحتي بمراجعتها هي التي طردت البنات بدون ما تقول _ اطلعو بره _ ، لكن صرخت وقالتلنا ازعجتوني انا عندي اجتماعات مو بس جداولكم ..

واحنا والله انا وبنت ثانية مارحنا من نفسنا لها.. الموظفة اللي خلتنا نعبي استمارة الاضافة وطلب التوسيع هي اللي رسلتنا أكثر من مرة لها قالت روحو قولو لدكتورة فلانة الشعبة دي متعارضة و الشعبة كذا تحتاج توسيع وثلاث مرات على هالحال بدل ما تقوم هي تكلم الدكتورة او تتصل عليها .

انا مشكلتي الثانية كمان انو الترم هذا مادة مقدمة في الأدب مو نازله الا مع رندا . وفيني رعب خصوصا اني مو a في الفهم والتفوق . يعني ما بين b+ و c فبعض المواد .. والله مرعوبة مو عارفة ايش اسوي .

[nour al3mr]

الله ييسر .. دآمها مشرفة القسم فطبيعي ينذكر اسمها :$
إن ما قدروا المرشدآت يعملوا لكم الجدآول و يرسلوكم لها .. فمين بالله بيقدر على كذهـ ..!

د. رندهـ أخذت معاها المودرن .. ما أقولك أنه سهل أبدًا لكنه ماهو مستحيل
من الحين حطي ببالك أنك بتقرأي كثيييييييييير
على ما أخذت الكورس ، كآن المنهج اتغير و طويل جدًا :/
لكن الترم اللي بعده خففت عليهم شوي

نظآمها بشكل عام (في حال ما اتغير)
- اختبارات قصيرة على القراءة
بحيث تآخذوا الروآية الإثنين .. تختبروا فيها الأربعاء أول المحاضرة .. اختبار قصير من 5 درجات
عادة يكون اختيارات .. صح و خطأ .. و نادرًا مقالي short answers .. منه تعرف مين قرأت و مين ما قرأت
تركزوا فيه على الشخصيات و أبرز الأحدآث

- بعدها تبدأ بالشرح و أنتم معاها تشرحوآ و تعطوها أيش بالروآية و تناقشوا الشخصيات و ممكن تسألكم عنها قبل ما تشرح
الكورس يعتمد على الطالبة بشكل كبير فأنت تشرحي و هي تساعدك بالأفكآر

- بعد كل روآية أو محاضرة كنا نكتب لها تقرير على سؤال هي تعطينا إيآهـ journals و تسلميها إياه المحاضرة اللي بعدها و تصححه و تحتفظي فيه إلى نهاية الترم تسلميها إياهم كآملين
و ممكن تطلب منك تعيديه بعد ما تصحح الأخطآء

- اختباراتها الدورية مقالية long essays

- في بحث إما من رواية مقررة عليكم و ما أخذتوها .. أو تعملوا مقارنة بين روآيتين .. و ممكن تعطيكم فكرة أخرى تبنوا عليها البحث

- الفاينا أفتكر أعطتنا على كل روآية سؤال و نختار 4 أسئلة و نجآوبها
طبعًا كل سؤال كمآن long essay فاليد يومها تشتكي من الكتآبة الحمد لله :$

هذا تقريبا اللي أفتكرته الحين و أي سؤآل حيـآك :)