ابغى نصحتكم

[نور المستقبل]

السلام عليكم
ابغى نصحتكم انا مفروض تخرج الترم لي فات ولله الحمد عديت المواد ماعدا الادب الحديث فاانا فكرت اكلم استاذة سوزان تدفني وتنجحني واقلها اني مفروض تخرج بس الحمدلله ع كل حال مانجحت بمدتها
ايش رايكم ممكن تتساهل معايا ولا راح تردني وهل احد مر معاها بهذا الموقف ولالا
ورسلت لها اكتر من ايميل بس مافي رد للاسف فقلت اروح لها في ساعاتها ان شاءلله بس احس نفسي متخوفه ومتررددة بس قلت ماراح اخسر شيء رضيت كان بها مارضيت الله يسهلي المادة
واكيد كلو خير من ربي العظيم

نصحتكم ولكم جزيل شكرررري

[عادل البركاتي]

أختي من المفترض أنها تنجحك فيها بما أنها أخر مادة وبما أنك حامله المادة للمرة الثانية. لاكن كلميها موخسرانه شي بس كلميها وقت الأمتحانات عشان لاتنساكي

[white rose]

وعليكم السلام ورحمة الله وبركاته

حياك الله اختي

ويب اكيد كلميها وهيا حتساعدك ومرت بنت أعرفها معها بنفس موقفك وهيا منتسبة ودفتها الله يسعدها بالسبعين كمان كلميها بس بينك وبينها

اطلبي مراجعة ورقة ولمن تراجعها معك كلميها وما راح تقصر معك

الله يوفقك ويفتحها بوجهك :-)

[nour al3mr]

و عليكم السلام و رحمة الله و بركـآته

التجربة خيـر برهـآن :$
جربي و بإذن لله في كل الأحوآل ما بتخسري شيء
للحق في من دكتورآت قسمنا اللي يوقف لك على النص درجة و في اللي يمشيها
فاستنفذي السبل الممكن لك الإقدآم عليها
و اللي فيه خيـر لك ربي ييسـرهـ
و أرجعي طمنينا عليك و أيش بيصيـر معاك :)

[نور المستقبل]

الله يسلمكم يارب ويسعدكم

بس تعرفي ياويت انا ابغى اروح لها عالطول استاذة سوزان
وانا اول مرة اخذ الماده بس مانجحت بيها ولا اذا نجحت اتخرجت
بس طمنتوني الله يطمنكم

[mohshehri]

الله يوفقك يارب اهم شي لاتتركين طريقه الا وتسوينها ,ربي يكون في عونك

[نور المستقبل]

السلام عليكم
ابشركم الاستاذه كانت ولله الحمد اخلاق اتكلمنا بس في نهايه ماادري
ياارب خير باذن لله

[white rose]

المشاركة الأصلية كتبت بواسطة نور المستقبل السلام عليكم ابشركم الاستاذه كانت ولله الحمد اخلاق اتكلمنا بس في نهايه ماادري ياارب خير باذن لله

وعليكم السلام ورحمة الله وبركاته

الله يبشرك بالجنة الحمدلله ربي يطمنك

ان شاء الله خير وبإذن الله تنضمين للخريجات قريب ربي يسعدك ويسخرها لك