لآب توب بآلتقسيــط من الجآمعهـ //~

[نسيم الوجود]

السلامـ عليكمـ




بنآت تعرفون فيه لاب توبات من الجامعه بالتقسيط ..انا مره سمعت انو فيه بس هل الى الحين موجوده ؟

وطيب وكيف ؟؟ومن وين ؟


اش الشركـآت الموجودهـ ؟؟


فيه احد وجرب اشترى من قبل وعآش معآه الجهــآآز





انتظر ^^







نسيمـ

[ammar_ashari]

سلام عليكم رغم الموضوع للبنات لكن ايوة في انا اشتريت لابتوب من شركة اسمها ازا ما خاب ظني صخر حاجة المهم الشركة موجودة في العمادة وترا الحمد لله الجهاز عايش الى الان الصلاة على النبي
اسآلي في شطر الطالبات امكن في هادي الشركة

[هدو]

ايه فيه عارفة مكتب المتفوقات مقابل الشئون وبجنب النادي الفني هناك في الدوراللي فوق على يدك اليمين في مكتب وحاطين على الباب شروط شراء الجهاز وبالتوفيق

[نسيم الوجود]

المشاركة الأصلية كتبت بواسطة ammar_ashari سلام عليكم رغم الموضوع للبنات لكن ايوة في انا اشتريت لابتوب من شركة اسمها ازا ما خاب ظني صخر حاجة المهم الشركة موجودة في العمادة وترا الحمد لله الجهاز عايش الى الان الصلاة على النبي اسآلي في شطر الطالبات امكن في هادي الشركة

اللهم صلي وسلم عليه

بكم اشتريته <<

[ammar_ashari]

خلاص شيء ممتاز لو انطبقت عليك الشروط اطع في يومين ثلاثة بالكتييييييير
بالتوفيق في الامتحانات

[ammar_ashari]

بالنسبة بالابتوب يا اخت نسيم كان اربعة وحاجة
هما يسحبو من المكافئة شهريا ٣٧٥ ريال تبقاليك ٦١٥ لول
لمدة ١٣ شهر وحسب في بعضو بدفعة بعضو لا
انتي روحي وشوفي الاسعار وهما يقولولك كيف الوضع
يالله بالتوفيق في الامتحانات

[نسيم الوجود]

المشاركة الأصلية كتبت بواسطة هدو ايه فيه عارفة مكتب المتفوقات مقابل الشئون وبجنب النادي الفني هناك في الدوراللي فوق على يدك اليمين في مكتب وحاطين على الباب شروط شراء الجهاز وبالتوفيق

مافهمت وصفكـ للمكـآن ..

طيب هو بأي مبنى <<<اهمـ سؤآلـ


وشسمه عسسسى ماشر وشهي شروطهمـ ...


انا ابغى ديلـ .. بمواصفات معينه ...واشكـ ان اللي عندهمـ مخيسه بقووهـ



بس برضوآ اللي اشترومن الجامعه والجهاز عايش معاهمـ يقولون لنا اسم الشركه +مواصفات الجهـآز



عشآن استفيــــــــــــــــد






انتظـر ^^

[نسيم الوجود]

المشاركة الأصلية كتبت بواسطة ammar_ashari خلاص شيء ممتاز لو انطبقت عليك الشروط اطع في يومين ثلاثة بالكتييييييير بالتوفيق في الامتحانات

اموت واعرف اش هيآ الشروط

خلاص طيب روح ذآكر

بالتوفيق لك انتآ كمآن

[ammar_ashari]

الشروط انو يكون معدلك 2 ونص وفوق
وما ادري كم شرط كمان
بس بالراحة تطلعي
لا تشيلي هم الشروط
انتي روحي وشوفي اسآلي البنات فين مكانو وروحي

[جودي 2009]

انتبهي ترا لاب توبات الجامعة كلها على ما اعتقد hp

ما في dell ولا sony
ومن غير كاميرا يعني قدييييييييييييييم
بس قسم الاولاد فيه كل الانواع بس البنات عشانهم ما يدخلو كاميرا

بس انت اساليهم اذا تقدري تستلميه من قسم الاولاد...

المبنى هو 13 شفتي الدرج الي برا عند النادي الفني اطلعيه وحتلاقي لوحة عن اللاب توب ...

وبالتوفيق...