مقدمة في اللغويات 321 .. ماقدرت أذاكرها :(

[الفتى]

بصراحة الحفظ عندي معدووووم

والمادة لاحظت عليها انها تحتاج للحفظ :(

لأني احفظ تعاريف بشبتر واروح لشبتر ثاني احفظ التعاريف اللي فيه انسى اللي حفظتهم

بالشابتر الأول :(

يا جماعة اللي عنده طريقة سهلة لمذاكرة هالمادة التعيسسسة يفيدنا تكفوووووون :(

[سلطان نجد]

لا تشكي فأبكي
وانا مثلك ياليت أحد يفيدنا مابقى وقت

[Saleh571]

الاخوان الفتى و سلطان نجد السلام عليكم ورحمة الله وبركاتة ,,,
ياشباب المادة والله إنها سهلة جدا جدا وممتعة وصدقني يالمعلومات اللي في كتابها المقرر هتبقى معاك مادام إنك تتكلم باللغة الانجليزية وتمارسها (يعني هتبقى معاك لين تموت !) وهيجيك يوم وترجع تقرأ في الكتاب من مزاجك لبحثك عن معلومة أنت محتاجها وخصوصا الشباب اللي يبغى يصير معلم إنجليزي في التربية والتعليم ,, ياشباب هذه المادة هي اللي بتفرق بين شخص متعلم اللغة من مصادرها وشخص متعلم اللغة بالعبط وبالغلط و أي شخص غير ملم بهذه المادة ويشوفها صعبة فوالله إن الخلل منه وبالضبط عند قراءة الكتاب وليش يقراه وكيف طريقة القراءه واللي قريته وين راح يوديك ؟!! ( المشكلة فيك وليست في المادة : فهمت وتصورت وفكرت وتخيلت ان المادة صعبة )
ياشباب المادة أساسيات مهمه جدا إذا تبغى تتعلم اللغة ولها مواد (أصدقاء) هتجيك في المستقبل اللي هم : مادة النحو ومادة الصرف ومادة الصوتيات ومادة علم الاصوات ومادة علم الدلالة ومواد اللغويات الاجتماعية والتطبيقية .
الطريقة لقراءة الكتاب المقرر وليس المذكرة الموجودة مع بعض الشباب اللي والله حرام في حقك تأخذها وأنت طالب تدرس لغة بآدابها وتبغى تفهم اللغة وتقول مافهمت !
1- خذ الكتاب المقرر وصدقني لوفهمت اللي في الكتاب إن تضحك على نفسك لانةها أساسيات فقط وكيف بعد تبي تقرأ في كتب كبيرة ومتعمقة في اللغة وآدابها !

2- ( أبعد كل الافكار السلبية اللي في مخك لانها تصنع حاجز بينكم وبعدين ماتتفقوا مع بعض ؟!!) مثل إن المادة صعبة ومعقدة وإقرأ المادة لنفسك وللتطبيق في الشارع ولتعلم اللغة بشكل صحيح .
3- إنسى إن عندك إختبار ولا تذاكر للاختبار لان بعد الاختبار هتنسى اللي ذاكرته لانه ما كان لك وراح لصاحبه !
4- إقرأ الكتاب كأنه مجلة او جريدة في يدك واللي يصعب عليك لا توقف عنده واصل قراءتك وبعدين هتوضح لك المعلومة ولا تنسى إنك جالس تتعلم ولا أنت بعلامة او عالم .
5- خلي معاك كشكول وقلم وسجل فيه بعض الاشياء اللي تحتاج تكرارها وحفضها مثل مخارج الحروف ومكونات الجهاز الصوتي .
6- لا تحفظ شئ وانت مافهمته علشان إذا رحت الباب اللي بعده ماتنساه ( إفهم أول ثم إحفظ ).
7- اللي بتقراه الان وتفهمه راح يريحك في أشياء كثيرة مثل / الكلام والنطق بطريقة صحيحة ويسهل عليك مواد اللغويات اللي راح تأخدها في المستقبل .
8- لاتقول إنك ماتحفظ او ماتفهم او تنسى او فلان احسن منك (أي شئ تفكر فيه ويكون سلبي مثل ما ذكرت إقلبه إيجابي وصدقني هتشوف النتيجة ويعني قول أنا احفظ وافهم ولا انسى والمادة سهلة وهكذا ) .
الزبدة / خلي المادة سهلة وحب المادة تحبك وخليها صديق لك وتعلمها لنفسك وليس للاختبار وللحرص إدرسها عند مدرس فاهم ومتمكن من توصيل المعلومة بشكل سهل وصحيح وصدقني اللي مو فاهم في اللغويات ماراح يمشي في اللغة ويتعلمها بطريقة خاطئه ضحيتها المستمع الكريم أو أبنائنا وإخوانننا في المدارس و مع السلامة .

[نعم للإبداع]

saleh 571


لافظ فوك , فعلاً قليل من هم على شاكلتك < احببت شخصيتك وأغبط أصحابك في الكلاس صراحه


الله يوفقك والله حمستني للرجوع والتنبيش وقراءة هذه المادة التي درستها من سنتين :)


بارك الله فيك

[why not]

فعلا كلام جميل ولكن الحقيقة انها صعبة ليس في فهم المادة ولكن المقرر طويل جدا
هناك من اخذ عشر شباتر ويمكن اثنا عشر شبتر مو واحد وعشرين شبتر
اقول الله يعين يا شباب ويوفق الجميع

[قلم سائل]

والله فعلا" كلام يحمّس الواحد لدراسه
الله يعطيك العافيه

[أبوشنبين]

احفظ التعاريف بصوت عالي
يعني اسمع صوتك وانت تحفظ
ترا هذا اسلوبي
في المذاكرة بشكل عام

[ورق خسـرااان]

بارك الله فيك هذا الكلام اللي يجمد على الشارب..

[الفتى]

saleh 571

صحيح المشكلة مش في المادة , المشكلة فينا .. ونعترف ان المشكلة فينا

وأساس المشكلة أننا ماعطينا المادة الوقت الكافي لقرائتها وفهمها .. وليش ما أعطينها الوقت الكافي ؟

لأننا منتسبين وأنا عن نفسي موظف بنك يعني وقتي ضيق جدا جدا , وأنا لما كتبت الموضوع كنت

أتمنى لو أن احد يدخل ويكتب طريقة او أسلوب يبسط مذاكرت المادة .. لأن المادة بصراحة مهمة

لتأسيس الطالب بالمواد القادمة ..


الله يوفق الجميع يا رب ,,,

[Saleh571]

أخوي الفتى ,,,,,,,طيب إفرض إنه فيه واحد قاعد يذاكر المادة من 4 او 6 شهور أو سنة وفي النهايه ماهو فاهم شئ !!!! لأن الطريقة اللي أستخدمها في المذاكرة كانت طريقة خاطئة ,,, فمشكلة الوقت تعتبر مشكلة ثانوية والأهم كيف تذاكر المادة وليش وماذا تستفيد منها وما مدى إحتياجك للمعلومات اللي فيها ,,, هذه أشياء لازم تحددها قبل ماتبداء في مذاكرة المادة ,شكرا .