ادوني رايكم بجدولي واستفيدو من تجاربي مع الاستاذات

[شجرة نيسان]

السلام عليكم

حابة مساعدتكم وتدوني رايكم بالجدول وبالمواد وبالاستاذات وانا حديكم تجربتي مع الاساتذه الي درسوني


مقدمة في ادارة الاعمال الدوليه / صالحة العتيبي (سمعت كتير بيشتكو منها ايش رايكم احذفها)

ثقافه اسلاميه / حنان مسعود

اساسيات الاقتصاد الجزئي / نادية بخاري

مقدمة نظم معلومات اداريه / تماضر الحارثي

الاستقطاب والاختيار والاحتفاظ / دلال نعيم محمد فتحي


وحابة اضيف ماده ايش ممكن تقترحو عليا خصوصا انو ماقد سبق واخدت اي ماده حرة او اختياريه


اجي لتجاربي مع الاستاذات حبدا من التوب

استاذه تغريد بليبله تشرح من قلبها ووسيعة بال ولو عليا ما اخد مواد الا معاها وجدااااا راقيه وعسوووله واسالتها اجمل

استاذه ديانا الحجيه برضو نفس الشي اخدت عندها اداره ماليه كانت جدا ممتعه واسالتها سهله وجابتلنا اتفه مسئله

استاذه نسرين عبدالرحيم رائععععه اي شي تقول عليه احفظو زي عيونكم مية بالميه حيجي بالاختبار والاسئله حلوه اخدت عندها مادتين والحمدلله كنت سعيده بيها

استاذه اماني كعدور ربنا يوفقها اخدت عندها تسويق كان ممتتتتتع بتشرح وبتمثل فحياتنا فعشان كدا توصل المعلومه وتعطي مجرد رووس اقلام

استاذه وحي لقمان انسانه قديييره وشرحها اجمل بتفهمي المعلومه كويس مرا اخدت عندها قانون بس الله يسامحها جابت كم سوال صدمتني فيهم

استاذه امال العامودي صوتها في الشرح واطي شويا بس برضو شرحها حلو في المحاسبه الماليه والاسئله جدا سهله الجزء العملي بتشرحو بضمير بس الماده النظريه الي هيا مقدمه اداره اعمال شتتنا في البدايه لانها بتشرح ع سلايد وطالبه مننا الكتب وفي اختلاف بينهم فصرنا مو عارفين نركز ع ايش وطلبت مننا نزاكر الكتاب وجابت حاجه مررا اكرها واستصعبها الي هيا 30سوال صح وخطا وانا عن نفسي افضل الاختياري


استاذه عبير الحربي ثقافه اسلاميه كان شرحها مجرد تقرا الكتاب فماقدرت اكمل وحذفت الماده لانو سبق واخذت ثقافه مع استاذه ناسيه اسمها بس كانت بتشرح وتفهم بس للامانه البنات حبو اسالتها وصحبتي جابت فيه درجة كويسه

استاذه نهال علام ادارة اداء روعه واخلاااق وتحسسك كانها صحبتك والكتاب كان طويل جدا اختصرت لنا نص الكتاب تقريبا بعض البنات الله يهديهم من كتر ما استسهلو الماده استصعبو الاختبار بس تعتبر الاسئله جيده

استاذه ابتسام الضمور امممم ماتعطي وجه تشرح وبس وللامانه ماستحملتها فما حضرت لها غير اخر محاضره حقت المراجعه وكويس اني ماحضرتها لانو في النهايه لغت الكتاب الي شرحت منو وادتنا ملزمه بسيييييطه نزاكرها واعترضو البنات لانها ماشرحت منها بس ما ادتهم وجه ومشت كلامها وللامانه الاسئله غفرتلها كل دا لانها كانت جدا سهله

وبسسس دول كل الي افتكرهم ولو افتكرت كمان حرجع اكتب

اتمنى دعوه فظهر الغيب
وممكن الاراء تختلف فلو وحده اخدت ماده عند استاذه مدحتها وماعجبتها لاتدعي عليا

[ماكنتوشه]

وعليكم السلام ورحمة الله وبركاتهه

بالنسبه للاستاذه صالحه العتيبي مو سيئه مره انا اخذت معها ماده
وكمملي معها ماعليك ولا يهمك سهل او صعبه مستحيل احنا بجامعه ندور اسهل شي كل مره
الدراسه ماصار لها متعه :p

موادك سهله + بالنسبه للاختياري انصحك بماده تسويق دولي اذا موجوده هالترم