الى أخواني وأخواتي والله من كل قلبي .. ((مع طلب المشورة))

[أبوسيار]

المشاركة الأصلية كتبت بواسطة нαмooḐ ماشاء الله تبارك الله معدلك عالي بالنسبه للتخصص يعتمد بشكل كبير على عملك ايش هوا بس تخصص الانجليزي مرررره كويس بالاخص للموظفين وكمان تخصص اداره الاعمال .... وبالتوفييق

الحمدلله والشكر

بفضل الله

ثم بدعاء الوالدين

الانجليزي جيد بس أخاف من التخبط

مافيه ذيك اللغه

الله يسر اموري وامورك

[أبوسيار]

المشاركة الأصلية كتبت بواسطة ooنجوم مضيئهoo طيب يصير كذ1 .. << انجليزي ..<< علم نفس ..<< لغه عربيه حاول قد ماتقدر تدخل انجليزي .. آما باقي التخصصات ما اتوقع انها بتفيدك بشيء .. بالتوفيق ان شاء الله << وماتوفيقي إلا بالله

باقي التخصصات بتفيدني من ناحية ترقيات ومفاضلات ومسمى حامل بكالوريوس فقط؟؟

مشكورة والله يسعد قلبك ويحققلك مبتغاك

[أبوسيار]

المشاركة الأصلية كتبت بواسطة عـالي مستواه أسأل الله لك التوفيق أخوي أبو سيار وأن تنال المرتب العليا في عملك ناخذ المسألة منطقياً : 1 . سبعة تخصصات منها 4 ماهي موجودة إلا إذا صار تغيير بالتخصصات بس نتكلم عن الواقع بقي 3 : 1) اللغة العربيه 2) اللغة الانجليزيه (وجميع اللغات) 3) علم النفس النقطة الثانية : جهه العمل خيرتك بينها يعني بتعترف بأي وحدة .... وأنت إنسان يهمك الترقية بس يعني ليش ما تدرس أسهلها بالنسبة لك ... أو اللي ميولك ناحيتها لأنك تقول راح يعترفون فيها مهما كانت من الثلاث هذه .... إذا انت إنجليزي بيرفكت أدرس إنجليزي وإذا أنت يمشي معاك النحو وتحفظ أدب .. أدخل عربي ... !! أو أدخل علم نفس أنا لو منك وهذه التخصصات أدخل عربي أستخر والخيره في ما أختاره الله

ياهلا والله بعالي المستوى

وأنشاء الله تكون عاليه مستوياتك في الجنه يارب

اولا ....انا احبك مدري ليش؟؟

ثانيا ...

والله محتار وانا خوك
اذا اخذت تخصص سهل والظاهر مالي الا علم النفس بتنحصر الفائدة للعمل ومايمكني الخروج من نفس الوظيفه بوفائدته بأذن الله راح احاول احافظ على المعدل وراح يفيدني بالنسبه للعمل من ترقيات ومفاضلات وأنشاء الله غيرها..

واذا اخذت تخصص صعب مثل الانجليزي راح يفيدني حتى لوحاولت تغيير الوظيفه وله مجالات واسعه بس المشكله ان لغتي ضعيفه جداجدا أخاف من نزول المعدل والتخبط وربما مااعدي وتشين الامور


الله يسعد ويوفقك

[عـالي مستواه]

المشاركة الأصلية كتبت بواسطة بنت التميمي مشكور أخوي أبو أسيل ع الدعوة الطيبة اللي حسيتها نابعة من قلب أخ فجزاك الله خير والله يوفقك اخوي ويرفع قدرك والحمدلله ع كل حال من قبل ومن بعد والإنسان مسير مهو مخير والشكر كل الشكر والتقدير لك أخوي أبو سيار والله يجزاك خير ع الدعوات الطيبة ويوفقك دنيا وآخرة ويرفع قدرك وشانك حنا وإياكم وكل مؤمن ومؤمنه وماقصرت وماعليك زوود أخوي ابو سيار وحاشا لله كل الموجودين فيهم الخير والبركة خل عندك سعة صدر ومرونة لكم خالص دعواتي بالتوفيق والسؤدد في الدارين آمين وجزيل شكري وتقديري ع ردودكم الراقية شكرآ لكما دمتم في محبة الله ورسوله

متابع ردودك الراقية جداً ...تصلح تكون موضوع مستقل بحد ذاتها

بس بالنسبة لنقطة الإنسان مسير مهو مخير ... قد يكون طالب الإنتساب في جامعتنا مسير ومهو مخير

بس في الحياة الإنسان مسير وميسر ومخير .... وهي على فكرة مسألة خلافية قديمة
بس علماء السنة الأفاضل أغلبهم أجمع على هذا الجواب !! قال تعالى: { لِمَنْ شَاءَ مِنْكُمْ أَنْ يَسْتَقِيمَ * وَمَا تَشَاءُونَ إِلا أَنْ يَشَاءَ اللَّهُ}
فلا يصلح ان يقال لمن شاء منكم أن يفعل كذا وكذا .. إلا للمخير

أنا عارف أني فاضي وماعندي سالفة ....والفاضي يعمل قاضي

[أبوسيار]

المشاركة الأصلية كتبت بواسطة عاشق أماني أبو سيار .. وباختصار (: اذا لغتك الانجليزية لابأس .. اتخصص انجليزي أو اتوكل على الله واتخصص محاسبة وسيبك من الباقي وانساااه تماما (:

اتمنى يتيحون لنا تخصص المحاسبه

مشكور ياعيوني

[أبوسيار]

المشاركة الأصلية كتبت بواسطة هنووووو أنا رأيي من رأي عالي مستواه لأنه هذي التخصصات المتاحة للانتساب يعني هذا لو تبغى حل بتفكير منطقي صائب وموفق أخوي ..

الله يسعدكم ويوفقكم جميع

ويكتب لنا ولكم الخير

[нαмooḐ]

اجل خذ التخصص اللي بيفيدك في الترقيات :)

[دارس1431]

وعليكم السلام ورحمة الله وبركاتة

هلا بخوي ابو سيار ^^

الف شكر على المقدمة الرائعة ^^

اخوي اكيد مثل ماقالوا الاخوان ^^

اللغة الانجليزية
اللغة العربية
علم النفس
اتوقع قسم الجغرافيا غير متاح لطلاب الانتساب
وكذلك المحاسبة غير متاحة لطلاب الانتساب

بالتوووووووووووووفيق ياوخوي ابو سيار ^^


تحيتي

[القرموشي ابو حسين]

ماشاء الله معدلك ممتاز اشور عليك ادارة اعمال او انجليزي والافضل الاستخارة

[عـالي مستواه]

المشاركة الأصلية كتبت بواسطة أبوسيار ياهلا والله بعالي المستوى وأنشاء الله تكون عاليه مستوياتك في الجنه يارب اولا ....انا احبك مدري ليش؟؟ ثانيا ... .. ..

أولاً :
أحبك الله الذي أحببتني فيه ... أما أحبك ليه أنا ما أدري .؟؟ ههه أحرجتني وانا في الدوام

ثانياً :

حرام عليك ،،،، أنا أعطيك رأي واحد مو أحيرك

بما أنك قلتلي إنجليزي ضعيف ... أستريح وخل عنك المخاطرة ..أخاف توقف في نص الطريق

ومن ناحية علم النفس والعربي ومقارنة بينهم

أنت متأكد أنك بتترك وظيفتك يارجال ؟؟... تعوذ من إبليس ... ههههه << ملقوف

سويت بحث في عمو قوقل بهذا النص (وظائف "علم نفس" or "لغة عربية")

وأكتشفت انه في الفترة الأخيرة الوظائف اللي متوفرة لعلم النفس أكثر ...

ومن ناحية السهولة والصعوبة ...لا تسأل فيها أحد ... دخت ولا لقيت شي ..أراء متناقضة

الصح أنك تشوف الخطتين الدراسيتين وتقرأ أسماء المواد وتتعرف عليها أكثر بعدين تحكم ..من نفسك

أرجع وأقول لو أنا منك ادرس العربي

وأستخر والخيرة فيما إختاره الله

الله يوفقك ،،، أنا كثرت في الكلام

أنزلك الله أحب المنازل في الدنيا والجنة