الفكشن والدراما و البراكتكم 1

[كلي امل بالله]

السلام عليكم ورحمة الله وبركاته:

يابنوتات انا فتحت دا الموضوع عشان نتساعد على هدي المواد دا الترم
انا ماسمعت انها مش صعبه لكن اذا تساعدنا ممكن نجيب درجات عاليه ياليت البنات اللي اخدو المواد قبل يحكو لنا تجاربهم في المواد هدي عشان نستفيد-
مع اي استاذه-اسلوبها-اسالتها-ايش اللي يعجبها-
بليييييييييز بنات لاتبخلو علينا

بنات اللي تعرف مين تعطي دي المواد دا الترم لانهم مانزلو اسماء --تكتب هنا واي شعبه واي وقت

ربي يوفق ويسعد ويحقق كل امال اي بنت ترد وتساعد--وبنوتات المنتدى وربي مايقصروو ابدا بداية بحنين الود- ربي يجزاها الف خييييييير--وكل البنوتات اكيد

[حنين الود]

الفكره مميزه ..وتنفع كتيييييييييير للطالبآت وبتسآعدهم طوآل الترم ..
بس لو يكون الموضوع فكشن ودرآمآ لوحدهم بالمره أفضل ..
حآبه أفهم إنتي تبي تعرفي عن أسلوب الأستاذات أو حآبه يكون الموضوع تجمع للطالبات طول الترم يكتبوآ الوآجبآت وايش أخدوآ ويشرحوآ مع بعض المحاضرات ويقرأو مع بعض ويفهموآ بعض ؟

[جورجي]

السلام عليكم مس ايمان بو ترعه راح تدرس الدراما يوم السبت والاتنين والاربعاء شعبه ja
وادعولي بالخير وبالتوفيق والنجاح

[orgwan]

انا معاك في الشعبة بس سمعت انها جدا سيئة فشكلي بحذف المادة

[كلي امل بالله]

اهلييييين حنو صراحه انا قلت اتنين بواحد يعني لو البنات اللي درسو الماده قبل يعطونا خبراتهم دحين قبل بداية الماده

والبنات الجدد على الماده يستفيدو ولما حنبدا منهج يصير نتناقش في المحاضرات والشروح-يعني نعرف اسلوب الاستاذه بعدبن نتكلم عن المنهج-

انا كنت رح اضع البراكتكم لوحده بس حسيت كدا رح نكثر مواضيع-ونتشتت بس اكثر من ماده بموضوع احسن-

ربي يوفقك وينجحك جورجي-حتى انا بالشعبه --- كيف الاستاذه؟؟

[Ignor]

الفكشن أسهل بكثير من الدراما بس نصيحتي لكم اللي تدرس الدراما مع إيمان بو ترعه لازم تكون مجتهده كثير والتحضير مرررره ضروري معاها لأن لو ماجبتي درجات معاها راح تشفع لك المشاركــه وهيا تعصب من البنات اللي مايقرأوا أول بأول واللي مايشاركــوا وحاولي تكتبي كل شي تقوله مرررره مهم وتحب تكتبي لها بالإختبار ديتيلز كثيره وماتحب السمري .... بالتووووفيق لكــم

[كلي امل بالله]

مشكوره
Ignor

طيب انتي اخدتي معاها؟؟كيف المسرحيات معاها ؟

ومين احسن هي والا دكتوره ابتسام؟

وكيف اسلوبهم واختباراتهم؟؟

انا مررررره محتاره اخد مع ايمان او لا؟

[nadoy]

احد يعرف مين الي يعطي فيكشن احد وثلوث من 8
واذا اخذوا اليوم محاضرات او لا؟
بالنسبة للدراما انا اخذتو مع دكتورة مائسة كان مرة حلو بس للاسف هي ماهي موجودة الله يها
وبالنسبة للبراكتكم ون انا اخذتو مع دكتورة ناريمان كان حلو مافي شغل كثير
وبراكتكم 2 انا اخذتو مع مس ابرار مررررررة روعة الاستاذة بس برضو مش موجودة الترم دا
بالوفيق

[Ignor]

أهلين أنا ماجربت إبتسام بصراحه بس اللي أعرفه إنها تسوي بوب كويز وهذا شي مو حلووو
بالنسبه لإيمان درست معاها ومسرحياتها مو صعبه بالعكس مررره حلوه وقصيره بس مشكلتها تحب تحسك مهتمه بالماده وكل محاظره لازم تكوني جايه وقرأتي المسرحيه وتشاركي دايمآ وتحظري أول بأول وتكتبي كل شي تقوله يعني لازم تتعبي معاها بالماده ويهمها الرايتينق يكون كويس عندك لأن الإختبارات كلها شورت براقراف والماده بشكل عام مو سيئه معاها بس لازم تحس بإجتهادك طووووول التــرم

[جورجي]

يابنات يقولو الدراما شعبه احد وثلاثاء من الساعه 8 تكون لمس ايمان حمزه هي لها شعبتين في الدراما وجات اليوم ...
يابنات ايش رأيكم في مس ايمان حمزه في الفيكشن ؟؟؟؟ لاني انا معاهم في الشعبه
وشكرا