تجمع مقدمة في الترجمه ...

[SARO0O]

بسم الله الرحمن الرحيم

بعد اذنكم ي مشرفاتي انا ابغى تجمع موادي للدورة التاهيليه منفصل لاني ماابغى الحوسه

المهم ان شاء الله اذا ربي قدرني مايسير هالموضوع زايد وماله لزوم

بحاول اني انزل فيه كل شي ينأخذ في المحاضرة

والله ييسر لنا جميعا

اول شي ببدأ بتعريفات بسيطة للمادة

طبعا احنا ندرس ترجمه ففي الاختبار حيكون قطعتين

قطعه ترجمه من الانجليزي للعربي

والثانيه من عربي لانجليزي

نحتاج في الاختبار 3 قواميس منفصله

قاموس انجليزي - انجليزي ( ممكن تاخذو اكسفورد )

قاموس عربي - انجليزي

قاموس انجليزي - عربي

اعطتنا اسمين للقواميس بس انا بصراحه مو عارفه هذا ايش وذاك لايش
اللي هو قاموس المورد وقاموس hanz verr

طبعا التعاريف مو معانا


اوكي الحين نقدر نبدأ التجمع اللي يبغى يكتب شي عن اول محاضرة يتفضل

انا قلت افتح وبعدين اجلس على كتابي وابدأ اححط لكم اللي اخذناه يعني ممكن اتاخر بس برجع واحطه لكم

ايه واللي طلبوني صورة للكتاب هذي صورته
واي اسئلة ثانيه انا في الخدمة

دعواتكم ...

سرو ...

[SARO0O]

مرحبا

في البداية طبعا حابه اقولكم انه معانا من شابتر 1 الى 9 فقط

قطع الاختبار مو من الكتاب حتكون خارجيه

القواميس مو الكترونيه

في المحاضرة الاولى اخذنا الشابتر الاول كامل

في البداية طبعا كانت كلها تعريفات

source text :ST هو النص المراد ترجمته
TARGET TEXT : TT هو النص المترجم
SOURCE LANGUAGE :SL لغة النص الاصلي المراد ترجمته
TARGET LANGUAGE :TL لغة النص بعد الترجمه

ياليت احد يقول اللي فهمه من الباقي احسها اشياء مالها داعي بس مدري

المهم في نهاية المحاضرة اعطتنا جملة طلبت ترجمتها

Hamlet is regarded by many critics as Shackspear's most importent complicated play

اول شي طبعا كل وحدة فينا ترجمت على كيفها وشوفو العجايب وانا اول وحدا صكيتهم بترجمه مدري من وين جبتها

المهم احدى القاعدات المهمه
يوم نجي نترجم من انجليزي لعربي نخلي الجمله فعليه هذا اهم شي قالته

طيب الترجمة هي
يعتبر الكثير من النقاد ان هامليت اهم مسرحيات شكسبير واكثرها تعقيدا

تقريبا هذي الاشياء المهمه اللي انذكرت

ياليت يا بنات تجو تشيكو وتزيدو اذا في شي مهم او شي نسيته

الله يسهل لنا

سرو ...

[little Angel]

مشكورة وجزاك الله كل خير...ماقدرت أحضرها اليوم لأن كنت حايسة بالجامعة ..بالتوفيق للجميع..

[بهار]

الله يوفقك يابنت وربي مره طمنتي قلبي مررره حسيت الماده معقوله ولزيزة انا ناوية اخدها الترم الجاي ان شاءالله وطريقة شرحك تدخل القلب قبل المخ يسلمو الله يوفقك دنيا واخره والله يقويكي ويعطيكي الف عافيه

[SARO0O]

الله يعافيكم ويسعدكم بالتوفيق للجميع

سرو ...

[الملاك الأبيض]

رووعه ياسرو تسلم اناملك وربي يجزاك خير .
انا ماحضرت المحاضرة من البداية وكويس انك كتبتي اسماء القواميس لانو المحاضرة ماتسجلت عندي .
وبالنسبة لاخر جزئية ذكرتيها اسمحي لي ازيد عليها . انو يابنات لما نترجم من انجليزي لعربي الافضل انو نبدأ الترجمة بفعل يعني لما تكون عندنا جملة زي هذي الجملة :
Hamlet is regarded by many critics as Shakespeare's most important complicated play
لما نيجي نترجمها عربي مانبدأ بالفاعل بالرغم من انه في بداية الكلام , ولكن نبدأ بالفعل حتى تكون الترجمة محترفة ومنسقة بشكل افضل فنبدأ بالفعل وبعدين نكمل باقي الكلام فتصير الترجمة :
يعتبر الكثير من النقاد ان هامليت اهم مسرحيات شكسبير واكثرها تعقيدا >>لاحظوا انو حطينا الفعل في البداية
مثال ثاني :
mohammad ate the apple
راح نقول :
أكل محمد التفاحة

وطبعا هذي القاعدة تسري فقط على الجمل الانجليزية الي فيها افعال اما هناك جمل مثلا ماتقدري تبدي ترجمتها بفعل لانو مافيها فعل كالتالي :
mohammad is a good student
لاحظوا مافيها فعل فراح نترجم طبيعي ونكتب الاسم اولا :
محمد طالب جيد

هذا كل شي . وبالتوفيق للجميع

[SARO0O]

مرحبا

حلو ملوكا شرحك وافي في النقطه الاخيرة

بس سؤال الحين اللي كانت تقوله من اول المحاضرة لاخرها فيه شي مهم احسها كانت تقرا الكتب
صراحه تعبت مااندمج انجليزي تقلب عربي ومااندمج عربي تقلب انجليزي واحس اللغتين صارت وسط بعض
الله يعين يارب

المهم انتظر جوابك اذا في شي مهم اكتبيه

سرو ...

[queen angel]

ماقصرتو كفيتو ووفيتو بس عندي طلب من المشرفات ,,

أتمنى الردود اللي مافيها شرح يعني شكر ومن الكلام هذا يحذفوها أول بأول عشان بعدين تسهل علينا

قراءة الموضوع كامل من غير تعقيد ,,

وشكرا ,,

[SARO0O]

بصراحه افضل الردود تكون موجوده عشان نحس اننا مجموعه كبيرة

لان الاغلب مايقدر يشرح بس تواجده في الموضوع يعطي دافع اننا نتحمس ونكتب وكل ماكنا سوا تحمسنا

على الاقل لنهاية الدورة وبعدين يحذفو الردود ويسير مختصر عالشرح

الله يسهل واشكر مرورك ياعسل

سرو ...

[ام حمدان]

السلام عليكم

اولا يعطيكم العافيه على جهودكم وربي لايحرمكم اجرها


ثانيا :




يابناتي ياحبيباتي

ايش وظيفتنا هنا غير التسهيل عليكم

فتحت لكم موضوع خاص بنقل اخبار المستويات 3و4و5 وثبته

اكتبوا كل الي تبغوه عن موادكم فيه وراح يتم نسخ كل الردود الخاصه بالاخبار المهمه فقط

في موضوع خلاصه اخبار الدورة الخاص بالطالبات و المثبت هنا
http://www.skaau.com/vb/showthread.php?t=463542

يعني مايحتاج احد يحوس بين المواضيع ويدور بتلقوا كل رد مهم اتنسخ في موضوع الخلاصه اسفل كل رد مادة ردود اخبارها

فكثرة المواضيع بس بتعمل زحمه وتشتتكم وتشتتنا معكم

فرجاءً حاراً

اكتبوا اخبار المواد هنا
http://www.skaau.com/vb/showthread.php?t=482294

واشكروا واستفسروا مثل ماتحبون طالما ان الردود المهمه بتنسخ في موضوع خاص بها فخذوا راحتكم


الله يرضى عليكم اسمعوا الكلام ياعسولات