كيف استر هذا الفستان؟؟؟

[سفيرة الإسلام]

بنات الله يرضى عليكم كيف استر هذا الفستان بدون مايخرب الموديل؟؟؟

[فراشة الالماس]

حياكي الله: اختي..
ممكن تحطي طرحة بنفس لون الفستان راح يكون حلو ان شاء الله..
يارب تكون عجبتك الفكرة..
موفقة يارب^^

[سفيرة الإسلام]

المشاركة الأصلية كتبت بواسطة فراشة الالماس حياكي الله: اختي.. ممكن تحطي طرحة بنفس لون الفستان راح يكون حلو ان شاء الله.. يارب تكون عجبتك الفكرة.. موفقة يارب^^

يعطيك العافية
لكن فكرة الشال ابد ماحبيتها ابغى طريقة احسن

[بيو كيميائية ^_^]

أختي الفستان ساتر ما يحتاج تستريه

أنا أول ماقريت الموضوع عبالي شيء عاري مرة

بس هذا مرة مستر

و المشكلة لو قلنا حطي أكمام شيفون ماراح يركب كمان

و شال تحطي مدري طرحة هذهـِ بطلوها ماحد يعملها الحين

لا تحطي شيء لأن أي إضافة بتخليه قبيح بالإضافة إن هو أصلًا ماهو عاري

و إذا الصدر يبان فلبسي بدي عشان يغطيه

[سفيرة الإسلام]

المشاركة الأصلية كتبت بواسطة بيو كيميائية ^_^ أختي الفستان ساتر ما يحتاج تستريه أنا أول ماقريت الموضوع عبالي شيء عاري مرة بس هذا مرة مستر و المشكلة لو قلنا حطي أكمام شيفون ماراح يركب كمان و شال تحطي مدري طرحة هذهـِ بطلوها ماحد يعملها الحين لا تحطي شيء لأن أي إضافة بتخليه قبيح بالإضافة إن هو أصلًا ماهو عاري و إذا الصدر يبان فلبسي بدي عشان يغطيه

يعطيك العافية

بس انا عمري وحياتي مالبست شي عاري لازم استر كل فساتيني اكمام طويلة
مع انو ماما تقولي سوي كم قصير
احاول ادور افكار

[بيو كيميائية ^_^]

المشاركة الأصلية كتبت بواسطة سفيرة الإسلام يعطيك العافية بس انا عمري وحياتي مالبست شي عاري لازم استر كل فساتيني اكمام طويلة مع انو ماما تقولي سوي كم قصير احاول ادور افكار

أختي حتى أنا ما ألبس عاري

بس لازم تفرقي بين العاري و الساتر

يعني مو معقولة لازم يكون كمـ عشان يكون ساتر !!

عاري يعني لين نص الفخد و الصدر و الظهر طالع يعني ربع متر مغطي الجسم

أما فستان قصير تحت الركبة و مايبان الصدر عادي

يعني أنت بتروحي مجتمع نسائي ماراح تروحين لرجال

و الدين يسر يحل إن نلبس كذا

ما حرم علينا إظهار السيقان و الأيادي قدام النساء

ماله داعي الواحد صراحة يكون متشدد بهالطريقة

خليكِ منطقية شوي

و بصراحة في هذا الفستان أي إضافة ماراح يخليكـِ تكوني كشخة

عندكـ حلين يا تلبسينه كذا

أو تشوفي فستان موديله يسمح

أو تشتري فستان كم

شوفي موقع نيويوركـ درسس عندهمـ ثياب فيها كمـ شيفون بس راح يحتاج تعديل من فوق عشان لا يبان شيء

[gzl GZLAN]

وديه لمشغل الاميره في مجمع الشرق مقابل العطيف او وديه لدي الخياطه اميره0564789169
مقابل بريتش كونسل في ابراج السليماني ‬
كلهم أمراء مدري ايش الحكايه الكل أمير
اشوف أنسب شكل تقربيه للروماني او تعملي أكمام طويله بس تعملي زم كتير من فوق ونهاية الكم بردو زم كتير حيعطي منظر مريح له وشيلي الوردتين الي فوق عالجوانب
يعني في أفكار كتيرهبصراحه معاك حق تتستري والله لو عبده وبشرتك صافيه يقولو شوف شوف كيف الصفاء عالم ماترحم
وحده تشوف بنتي تهلكني اسئله وعندها بنات قماري والله حلوين الا والا بنتك وبنتك ستري يامي محد ينفعك

[تذكري يديك يوم تشهد عليك]

الله يسعدك ويستر عليك ياااااااااااارب
مررررة انبسط لمن أشوف ناس في الزمن هذا تدور الستر رغم المغريات والفتن
واللي تقول مو عاري إلا عاري ونص بس للأسف من كثر الفتن صرنا نشوفه أهون من الباقي وفي الحقيقة هو مو ساتر صار فيه تبلد كبير عند الناس للأسف كل وحده تقول أنا أهون من غيري وفي الحقيقة كلهم متعريات لكن بدرجات متفاوتة
الله يهدي الجميع ويحببهم للستر ويستر عليهم

المهم ياأختي الغالية
جيبي قماش قريب من لون فستانك وفصليه بلوزة قصيرة من عند أي خياط عادي
تكون بلوزة سادة عادية تنلبس تحت الفستان وتكون لحد البطن مو شرط تكون طويلة ع راحتك إنت
يعني يوم تلبسين فستانك مايبان من البلوزة إلا الأكمام والجزء اللي مغطي الظهر والصدر إذا كانت فتحاتها كبيرة عليك وإذا لا ممكن تخلين فتحات البلوزة تصير أكبر من الفستان
هذي الحركة ياماااا نسويها أنا وماما وأختي مررررة تزبط معانا وتطلع مرررة حلوووة ومحد يصدددق إنهااا بلوزة

أو يمديك تلبسين بلوزة قطنية سادة تحته من نفس درجة اللون أتوقع تجي حلوة

إذا مافهمت علي قولي لي أوضح لك
الله يوفقك ويستر عليك ياااااارب

[حلم قريب]

المشاركة الأصلية كتبت بواسطة بيو كيميائية ^_^ أختي الفستان ساتر ما يحتاج تستريه أنا أول ماقريت الموضوع عبالي شيء عاري مرة بس هذا مرة مستر و المشكلة لو قلنا حطي أكمام شيفون ماراح يركب كمان و شال تحطي مدري طرحة هذهـِ بطلوها ماحد يعملها الحين لا تحطي شيء لأن أي إضافة بتخليه قبيح بالإضافة إن هو أصلًا ماهو عاري و إذا الصدر يبان فلبسي بدي عشان يغطيه

كم مرة أرجع أشوف الفستان و أقول هذا مرة مستر !!!!!!!!!
شكله الخلل في عيوني ..كلامك عجيب !!!!
اتقِ الله و الله إنه مو ساتر .. أياديها كلها طالعة و الصدر من قدام و الظهر
عاد مدري إذا لبسته كيف ..

صاحبة الموضوع
الله يسترك دنيا و آخرة مثل ما إنتِ حريصة على الستر ..
ويثبتك على ما إنتِ عليه ..
ويعوضك خير مما تركتي ..

[حنين الشوق]

اختي الكريمه ,, لو عندك نفس نوعية القماش ممكن تعملي كسرات من الخلف ((شفتي فستانك فيه من الامام ثلاث كسرات اللي فيها وردتين ... اعملي نفس الكسرات في الخلف بحيث تغطي الظهر ولو تبغي كمان عرضي العلاقي اكثر اذا حسيتي اكتافك طالعه ,, والله يزيدك حرص وستر يارب ..قل وندر من صار يتستر هذي الايام الا من رحم الله.