استفسار عن قسم ادارة اعمال ضروري حبايبي ..

[مجنونة بيبي]

السلام عليكم ورحمة الله وبركاته

يسعد صباحكم حبايبي

لوسمحتو انا حابه استفسرعن قسم ادارة اعمال ..

اول شي حابه اعرف صح زي ماسمعت انه دحين صار متوفر بجده ؟؟

وتاني شي حابه اعرف نوع او طبيعة المواد المقرره بالقسم بشكل كامل

واخر شي حابه اعرف اي احد يقدر يدخلو ولا لازم نسبه عاليه , خصوصا اني انا حاليا بقسم عربي

وطلبت تحويل من كلية الاداب لكلية الاقتصاد والاداره وماشيه بالموضوع ..

ايش تحبو تنصحوني وايش تحبو تدوني نقاط مهمه تخص القسم ..

اتمنى تفيدوني عشان ابغا اخد فكره شامله للقسم قبل لاادخلو وابدأ فيه ان شاءالله

واكون شاكره لكم كثير الشكر حبايبي

انتظركم .."

[مجنونة بيبي]

.....

[بنت ناس وقلبي ألماس]

وعليكم السلام ورحمة الله وبركاته،،

هلا أُختي،،

قسم إدارة أعمال مُتاح فقط لطالبات الانتظام المسار العلمي تقريبا من أربع سنوات لكن ممكن يكون تغير النظام الترم هذا فعشان تتأكدي روحي مبنى 2 الشؤون التعليمية عند د.آمال بليهد وراح تفيدك عن هذا الموضوع ،،

بالتوفيق.

[مجنونة بيبي]

مشكوره حبيبتي .. طيب بما انه كدا انا حابه اسال عن اداره عامه !

او ايش تنصحوني ادخل بخصوص اني انتساب وبدخل كلية الاداره والاقتصاد ؟؟

بحاول اخش قسم مافيه محاسبه واشياء تابعه لها :( يعني اشياء معقده لو سهله عادي !

ايش تنصحوني ؟؟

[مجنونة بيبي]

......

[بنت ناس وقلبي ألماس]

المشاركة الأصلية كتبت بواسطة مجنونة بيبي مشكوره حبيبتي .. طيب بما انه كدا انا حابه اسال عن اداره عامه ! او ايش تنصحوني ادخل بخصوص اني انتساب وبدخل كلية الاداره والاقتصاد ؟؟ بحاول اخش قسم مافيه محاسبه واشياء تابعه لها :( يعني اشياء معقده لو سهله عادي ! ايش تنصحوني ؟؟

العفو يا أُختي،،

في كلية الإدارة والإقتصاد متاح فقط تخصص علوم إدارية لطالبات الانتساب وباقي التخصصات كلها للانتظام هذا في الفرع الرئيسي في الجامعة،،

والله يوفقك ويكتب لك اللي فيه الخير.