بحث وتدريب سعود العيسى موارد بشرية 492 رصدة الدرجة

[عدنان ابوهاشم]

الله يعين والله ما ازيد على كلامكم اخواني الاعزاء والله ياما خسرنا مصاريف كان اولى بهاحنا واهلناا لو عرفنا ان درجاته مابين 60 ال70 يعني اغلبيتنا خريجين يحتاجون الدرجه ونصف الدرجه من اجل رفع معدلهم انا انصدمت من الدرجه صراحه وقالها لي يوم اني سلمت البحث قبل الاختبارات بعشره ايام كلمني على الجوال وقام يهزئني ويتمصخر بطريقه همجيه لاتليق بمستواه التعليمي والله ارتفع عندي الضغط قلت ابي ارد عليه لكن قلت يا ولد هدئ اللعب ما تسوي عليك اخر المشوار تخربها مع مثل هذي النفسيات
قالي بالحرف الواحد (هذا بحث انا لو اعطيه طالب بثالث ابتدائي جاب افضل من بحثك عالعموم يا اني ارسبك او اعطيك 60 ولا كثيره عليك ) يا شباب والله ارتفع الضغط عندي اتش وبحركته هذي خسف بالمعدل
حسبي الله ونعم الوكيل وش تشورن عليه

[علي النهدي]

السلام عليكم ورحمة الله وبركاته
اخواني العكس والله انه استاذ طيب وتعامله مرره حلو بس اكيد انكم ماطبقتو إلي هو يبيه انا معطيني 80 بس بعد نسيت تقويم الشركه
وصلته له للمكتب بس ماهو موجود دوامه المكتبي يوم الاحد والثلاثاء وانا جبته الاربعاء يعني نزلت الدرجات قبل مايشوفه
عسى الله يوفقه ويستر عليه ويعافيه من كل سوء ومكروه

[ibr]

المشاركة الأصلية كتبت بواسطة خالد الخالدي1 أضيف عليهم طويرش

والله انك تمام يااخ خالد انك حذفتها من عنده واضفتها عند طويريش .. لكنك تستاهل كل خير.. هنيئا لك الدعوات الطيبه لتعاونك الدائم

[CNN]

الله يعين على ذا الدكاترة العلل

[يمشي بالبركه]

المشاركة الأصلية كتبت بواسطة علي النهدي السلام عليكم ورحمة الله وبركاته اخواني العكس والله انه استاذ طيب وتعامله مرره حلو بس اكيد انكم ماطبقتو إلي هو يبيه انا معطيني 80 بس بعد نسيت تقويم الشركه وصلته له للمكتب بس ماهو موجود دوامه المكتبي يوم الاحد والثلاثاء وانا جبته الاربعاء يعني نزلت الدرجات قبل مايشوفه عسى الله يوفقه ويستر عليه ويعافيه من كل سوء ومكروه

ماعليش اخوي على النهدي فعلاًًًً
مايمدح السوق الا من ربح فيه ولكن الحق يقال نعم تعامله مقبول نوعا فيه تناقض عجيب في البحث يعني يطلب مني بحث عملي من غير تحليل بيانات وتفريغها في جداول ومن غير نتائج وتوصيات وبعد ماانتهيت يقولي بحثك نظري انا قلت بحث عملي ؟؟؟؟؟؟؟؟
وبعدين عقدني في اختيار الموضوع ارسلت له اكثر من ست مواضيع وكلها يرفضها وهو الي يختار الموضوع وتمت كتابة البحث على نفس الموضوع و المراجع اكثر من ثلاثين مرجع عدد الصفحات 75صفحة والله انا الي سويتة غير بعض المسات الاخيرة سوتها لي المكتبة
اتوقع لو اني عند غيره يمكن ماتنقص الدرجة عن 90
ولكن الحمد لله على كل حال

[ابراهيم2008]

يانهدي انت بنفسك ورقك ناقص ومعطيك ثمانين وشكلك ماخذ ميه الشغلة كلها مزاج ممكن لا اكثر
الاستاذ اخلاق اقولك اخلاق وحنون والله ما يقولي الا يا ابني يا ابني والله حسيت اني باخذ فل مارك
لاكن بنقول قدر الله وما شاء فعل ويش نسوي هذي ارزاق يقسمها الله وسرنا مثل جامعات مصر
يرمي البحوث على الطربيزه الي يطيح ستين والي يبقى تسعين

[علي النهدي]

الله يوفقكم وهذا نصيب مكتوب لنا من قبل مانخلق مو لابيدي ولابيدكم

[B N D R]

والله ياشباااب نفس اللي صار لنا مع يغموووور


اخوي ابراهيم انا سويت مثل اللي انت سويت واكثر ..

انا جلست شهر ونص اكتب في هالبحث ..
ليل نهااار في البيت في الدوام في كل مكاااان ..
تعبت تعب بحياااتي ماتعبت مثله ...
الى درجة اني حسيت بصدااع ودوخة برااااسي (قسم بالله) .. حتى المستشفى دخلته ..
هههههه والله انها تضحك هالسالفة .. لكن والله انها صدق ...
تخيلوا ان نص المراجع عندي لغة انجليزية .. :)
وبحث متطور .. حتى طريقة الدراسة والاسلوب والنتااائج والتوصيات والله انها مفيدة للبشرية ياشيخ ..
الزبدة بحث حسسني بيعطوني علية درجة الدكتوراااة ..
المسودات عملت لها موقوع على الانترنت .
تقدر تصفحهن بسهولة بدون تحميل ..
عشان ماتبعه اخونا في الله الدكتور
- تخيلوا ارسلت له 60 ملف مسودات ..
المسودات تثبت لك اني انا اللي مسوي البحث بقوووة ،
اصلا من خلالها تتعرف على مراحل البحث كيف تم :)
وارسلت له المراااجع ...
وكلمت كم مررره ..
وارسلت له رسائل كثيرة تشرح له وين وصلت بالبحث في كل مرحلة :)
ووقعت له اوراق التدريب حتى من رئيس الشركة اللي انا كنت اشتغل فيها وتدربت فيها ..

الزبدة والله ماودي انقهررر واطول بالحكي ولا اللي قلته مايجي ربع الحقيقة المرة اصلاً..




واخرتها 70




شي يضحككككك بقوووووة ههههههههه

[B N D R]

واللي يضحك اكثر إن فيه من الناس اللي حولي ناس دخلتهم بجو البحث حقي
وكل يوم اشرح لهم حاجات جديدة تعلمتها ! ههههه
وكل فترة يسئولني هااه وش صاار على بحثك
( يعني البحث اللي بيكشف نيوتين على حقيقته ) ههههه
وحتى بعضهم اعطيتة نسخه من البحث كهدية رمزية على تفااعله معي وعلى تحفيزه لي وكذا ههه
المهم كانوا كلهم معي ينتظرون نتيجة هذا البحث الخطير واللي بيكسر الدنيا ..

بعضهم قالوا يمكن يخلوونك معيد !
بعضهم قالوا يمكن يطلعونك بالجرايد ..



طلعت النتيجة :


ولا للحين يسألوني كم اخذت بالبحث ..؟
واقولهم لساا ماطلعت النتايج هههههههههههههههههههههههههههههههه والله مستحي

[ابراهيم2008]

المشاركة الأصلية كتبت بواسطة b n d r واللي يضحك اكثر إن فيه من الناس اللي حولي ناس دخلتهم بجو البحث حقي وكل يوم اشرح لهم حاجات جديدة تعلمتها ! ههههه وكل فترة يسئولني هااه وش صاار على بحثك ( يعني البحث اللي بيكشف نيوتين على حقيقته ) ههههه وحتى بعضهم اعطيتة نسخه من البحث كهدية رمزية على تفااعله معي وعلى تحفيزه لي وكذا ههه المهم كانوا كلهم معي ينتظرون نتيجة هذا البحث الخطير واللي بيكسر الدنيا .. بعضهم قالوا يمكن يخلوونك معيد ! بعضهم قالوا يمكن يطلعونك بالجرايد .. طلعت النتيجة : ولا للحين يسألوني كم اخذت بالبحث ..؟ واقولهم لساا ماطلعت النتايج هههههههههههههههههههههههههههههههه والله مستحي

والله أن سالفتك سالفة والله ان سالفتك سالفة

الله يسعدك يا شيخ