ممكن توزيع الدرجات في مادة math 204 ونبذه عن الماده ؟

[وما توفيقي الا بالله]

السلام عليكم ,,

شباب ابغى انزل في الصيف 204 رياضيات

وما اعرف انزلها عند مين ,, ما ابغى دكتور مو متعاون مع الطلاب
ياليت تعطوني افضل اسماء الدكاتره وتجربتكم معاها


بالنسبه للماده طريقة توزيع الدرجات وتعتمد على ايش الماده ؟؟


هل الماده تحتاج مدرس خصوصي ؟؟ واذا فيه ملخصات جديده كامله وين احصلها تكون حق الترم الثاني اللي فات ..



وبس اللي يبغى يجيب درجه من 80- 90 ايش المطلووووووب ؟!!

[sA@Am]

السلام عليكم
انا من راي انك ما تنزلها صيف لان المادة طويلة ( ليست صعبة ) بس مرره طويلة وبل من المستحيل انك تدرسها في ظرف 6 اسابيع توزيع الدرجات
25 دوري اول
25 دوري تاني
10 واجبات
40 نهائي
طريقة المذاكرة : عندك عبدالعزيز الحريشي لازم تاخد عنده وغير كدا في الجامعة اشرف زنقور
بس ما اتوقع انه اشرف زنقور يدرسها في الصيف وغير كدا قبل كل اختبار حل الاختبارات القديمة لانه احنا جاتنا بالنص في الاختبار
هدا ان شاء الله اني اكون افدتك بس زي ما قلت لك لا تاخدها صيف

[mr_x_7]

math204

هاذا الترم اخدتها
صراحه وبدون مبالغه..مادها فيها من التفكير والحل الشي الكثير
لا تعتبر سهله...وخصوصا الدكاتره سيئين لابعد درجه
هما 4
ابعد عن عزت..او ارشد
بعييييييييييييد ابعد ابعد شي..لو اخدتها عندهم...اضمنلك (ألرسوب)
الدسوقي شرحو سريع جدا جدا..يادوب تلحق تفهم
الرابع زنقور.. زنقور (افضل الموجود)
مااقلك هوا تمام...بس احد واحد يدي الماده
هوا والدسوقي
الله يعييييييينك عليها...
ماده زي الزفت كانت بنسبالي
شفنا درجات الدوريات..قليل اللي اخدو فوق 15 من 25 ..

--------------
زي ما قال الاخ في توزيع الدرجات
لكن انا ذاكرت من ملخصات الحريشي والحمدلله عديت الماده بدرجه الحمدلله حلوه
بالتوفيق

[صقرر]

انصحك تنزلها عند حموده اسماعيل والمادة سهلة في الصيف وتعدي بسرعة

[وما توفيقي الا بالله]

يعطيكم العآفيه شباب ,, انا لازم انزلها ف الصيف وراح انزل معاها

ce201
mep290

بالنسبه لماث 205 ايش متطلبهاا ؟؟ ولا مالها متطلب ,,

انا ابغى انزل ماث 204 علشان الترم الجاي اقدر انزل نيوماركال ,.