InstagramTwitterSnapChat


 
وصف

العودة   منتديات سكاو > الملتقيات الجامعية > ملتقى السنة التحضيرية > ملتقى المسار العلمي إنتظام > منتدى الملخصات والمواضيع المميزة
   
   


منتدى الملخصات والمواضيع المميزة قسم خاص يتم نقل المواضيع المميزة و الملخصات والملفات المهمه الخاصة بملتقى المسار العلمي انتظام

كم نصيحة من أخوكم "المجرب" لطلاب التحضيري

منتدى الملخصات والمواضيع المميزة

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 06-07-2012, 08:50 AM
الصورة الرمزية غريب عزيز

غريب عزيز غريب عزيز غير متواجد حالياً

Doctor of Pharmacy

 
تاريخ التسجيل: Oct 2011
التخصص: صيدلة سريرية
نوع الدراسة: إنتظام
المستوى: الخامس
الجنس: ذكر
المشاركات: 495
افتراضي نصائح من القلب لطلاب التحضيري


السلام عليكم ورحمة الله وبركاته

أخواني وأخواتي الاعزاء طلاب السنة التحضيرية الجدد

حاب أعطيكم كم نصيحة من واقع تجربتي في السنة التحضيرية الجميلة

السنة بشكل عام ممتعة جدا الدراسة صحيح بالانقليزي وانا بالبداية قلت كيف مسحيت افهم كل شي انقليزي حتى الاختبارات

لكن سبحان الله تفهم لان كللها كم كلمة بسيطة تحفظها وتحل

غير كده هم يترجمو بالاختبارات يعني عادي

بالنسبة لاختبار تحديد المستوى اللي بعد القبول انصحكم ما تحضروه وتبدأو من المستوى الأول

ليييييييش ؟؟!

لأن الانقليزي وسيلة فعالة جدا لرفع المعدل والنسبة الموزونة اللي راح تدخلك الكلية اللي تبغاها

وغير كده لأن انت ممكن تدخل الاختبار وتحل بالصدفة وانت مش فاهم حاجة وتروح تدخل المستوى الثالث !!!

وهدا الشي حصل فعلا مع واحد صاحبي والله يعينه المستوى الثالث رسب بسبب انه ما كان فاهم اللي قبله جت معه بالصدفة

يعني المختصر ان كنت فاهم انقليزي فرصه لك انك ترفع النسبة بسهولة وان كنت ما تعرف بالانقليزي فرصة لك انك تتعلم كويس وترفع النسبة بنفس الوقت لأن الانقليزي مادة حلوة وسهلة

كلام الناس ... يقولو ... سمعت

هدا الشي انتبه منه وما تسمعه اساسا انا لمن كنت اسمع اولاد بيتكلمو كده ابعد عنهم على طول عشان الاشاعة ما تلزق بمخي

الجامعة اكتر شي فيها الاشاعات واللي ضيع نص الاولاد هي الاشاعات

خصوصا الاشاعة الكبيرة حق تيست بانك الاحياء

الاولاد قعدو يستنو مع انهم قالو مافي بس صارو الاولاد يقولو لا قالو حينزلوها وفي النهاية ما نزلوها واقلو مقلب العمر

حاولو تبعدو قد ما تقدرو عن الاشاعات واذا عندك شي اسال نفس ادارة الجامعة والمختصين هناك لأن هم اللي عندهم الكلام الصحيح يعني الاولاد مش حيكونو بيفهمو أكتر منهم

وعلى فكرة انتبه من الاشاعات حتى من اصحابك لأن انا اكتر مورد للاشاعات عندي كان صاحبي وكل كلامه غلط صرت اسمع منه الكلام واقول بعقلي لالالالا

المذاكرة ...

حاولو أخواني انكم تذاكرو من اول اسبووع قد ما تقدرو

احنا ببداية السنة كننا فرحانين وقلنا اول اسبوع مش مهم يعني ما راح اكون زي نيوتن اذاكر من اول اسبوع

وكانت الصدفة والمفاجأة الكبيرة انه كان اول اختبار دوري بدأ الاسبوع الثالث او الرابع افتكر

كيييييييييييييييف ما قالولنا ؟؟!

أكيد ما راح يعلقو اوراق من بداية السنة ويقولو على فكرة الاختبارات بعد 3 أسابيع بيقولو قبلها بفترة بسيطة جدا

واكلنا مقلب محترم كان وقت ضيق واختبارات طويلة عشان كده اغلب الاولاد كان تخبيصهم الكبير بالدوري الاول وان شاء الله انتو تتعدوها بالمذاكرة من بدري

البوونص ...

وانتو تحسبو النسبة التجريبية حقكم لا تحسبو معها البونص ولا تخططوا عليه لان مرات ما يكون في بونص او بونص قليل جدا اقل من المتوقع

عشان كده البونص مش مضمون ولا تعتمدو عليه اعتمدو على مجهودكم بعد توفيق الله

التخصصات ...

لا تضيع كل وقتك وانت تسأل كيف اقدر ادخل طب وانقبل ولا لاء

عندكم جداول التخصصات حق دفعتنا والدفعات اللي قبلنا نظرة وحدة تكفي وخلي الوقت اللي تضيعه بدون فايدة على السؤال عن نسب التخصصات اقضيه وانت تذاكر عشان تجيب التخصص اللي تتمناه بإذن الله

الملخصات ...

انتبه وانت تختار الملخص اللي راح تذاكر منه لأن في بعض الملخصات ما بتغطي المنهج كامل عشان كده لمن تاخد الملخص تاكد ان فيه كل الدروس المطلوبة

ولا تسمع كلام احد يقللك السعدي احسن بركات احسن لا زويل

انت شوف كل الموجود واللي تحس انك تفهم منه خده لأن عقليات الطلاب مش زي بعض وكل واحد يفهم من شي

انا شخصيا كنت احب الملخص المكتوب باليد احسن من اللي مكتوب بالحاسب احس اليد كانه انا اللي كاتبه

الحضور والسحب ...

انتببببببببببببه تسحب على المواد ولا تمسع كلام الاولاد

يللا نسحب ... قدااام

والله ما ضيع الاولاد الا هدي الجملة

حاول بقدر المستطاع انك ما تسحب على اي محاضرة ولا تتأخر عنها ولا تغيب الا في الحالات الطارئة جددددددددددا

ايش رأيكم اني ما سحبت ولا غبت عن اي محاضرة خلال السنة الكاملة

وكانو الاولاد بالانقليزي يقولو يللا نسحب اقللهم اسحبو بكيفكم انا قاعد

في النهاية كللهم يقعدو

عشان كده خلي نفسك قدوة وبدل ما يخربوك انت صلحهم

اللعب ...

لا تحرم نفسك من وقت معين باليوم من اللعب والمرح والتفيه ماتخلي يومك كله دراسة العب بالشي اللي تحبه لكن بوقت محدد

لأن اللعب والتسلية يعطيك دافع أكبر للدراسة والجد والاجتهاد

المدرسين الخصوصي ...

حاولو ما تاخدو مدرسين خصوصي لأن لو اخدت مدرس خصوصي الان ودخلت تخصص فوق مستواك راح تتورط بعدين لأن التخصصات الكبيرة ما راح تلاقي لها مدرسين خصوصي

اعتمد على دكتورك بالجامعة ولو كان مش تمام حول من عنده لمدرس ثاني

قيس قدراتك ...

قبل ما تقرر انك تدخل طب ولا هندسة لازم تعرف هل تقدر تذتكر طول اليوم ولا لاء

ممكن الان تقول اقدر عادي لكن انت فعلا تكون ما تقدر

عشان كده فكر كويس قبل ما تختار تخصص صعب

هدا اللي كنت حاب اقوله واعتذر جدا على الاطالة حاولت اجمع اغلب مشاكل التحضيري اللي واجهتنا في دفعة 12

اشكركم على المتابعة ودمتم برعاية الله

التعديل الأخير تم بواسطة غريب عزيز ; 06-07-2012 الساعة 11:00 AM.
رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 09:22 AM   #2

FA10

اللهُم وفقني لماتحب وترضى

الصورة الرمزية FA10

 
تاريخ التسجيل: Aug 2010
التخصص: إدارة سكن ومؤسسات
نوع الدراسة: إنتظام
المستوى: الرابع
الجنس: أنثى
المشاركات: 359
افتراضي رد: كم نصيحة من أخوكم "المجرب" لطلاب التحضيري

جزاك الله خير

موضوع جداً مفيد ونصائح حسيتها من القلب

اتمنى دفعة 13 يستفيدوا من الموضوع
وتذكروا ان لكل مجتهد نصيب ^_^

وفقكم الله جميعاً
ونفع بي وبكم الإسلام والمسلمين. :)

 

توقيع FA10  

 


كلمتآن خفيفتآن على آللسآن ..


حبيبتآن للرحمن ./. ثقيلتآن في آلميزآن ..
... "سبحآن آلله وبحمده
سبحآن آلله آلعظيم

,

يَآربْ تَوفِيقَكْ نقرتين لعرض الصورة في صفحة مستقلة

 

FA10 غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 11:22 AM   #3

S.Bn

مشرفة مُتألقة سابقة

الصورة الرمزية S.Bn

 
تاريخ التسجيل: Oct 2011
التخصص: مستجد
نوع الدراسة: إنتظام
المستوى: الثالث
الجنس: أنثى
المشاركات: 2,289
افتراضي رد: كم نصيحة من أخوكم "المجرب" لطلاب التحضيري

عنجد كلام من القلب و رح يوصل للقلب

اتمنى انو دفعة 13 تستفيد
( احس دفعة 13 مدلعين كانهم اخر عنقود ما شاء الله تبارك الله الله يهنيهم )

الله يوفقك في تخصصك يا رب

 

توقيع S.Bn  

 

منصورة يا شـــــــــــــام

 

S.Bn غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 11:36 AM   #4

مهندس عزوز

جامعي

الصورة الرمزية مهندس عزوز

 
تاريخ التسجيل: Jun 2012
نوع الدراسة: إنتظام
الجنس: ذكر
المشاركات: 10
افتراضي رد: كم نصيحة من أخوكم "المجرب" لطلاب التحضيري

كلامك جدا منطقي واتمنى لك التوفيق في باقي دراستك
لكن عندي سؤال هل الدراسة شرحها عربي ولكن المصطلحات انقلش
والا كلو الشرح انقلش

 

توقيع مهندس عزوز  

 

يَ ربْ لآ تحرمنيَ | طموحاً كمْ تمنيتّ تحقيقــہۧ !!



Aramco my Dream ..نقرتين لعرض الصورة في صفحة مستقلة2012

 

مهندس عزوز غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 11:44 AM   #5

غريب عزيز

Doctor of Pharmacy

الصورة الرمزية غريب عزيز

 
تاريخ التسجيل: Oct 2011
التخصص: صيدلة سريرية
نوع الدراسة: إنتظام
المستوى: الخامس
الجنس: ذكر
المشاركات: 495
افتراضي رد: كم نصيحة من أخوكم "المجرب" لطلاب التحضيري

المشاركة الأصلية كتبت بواسطة مهندس عزوز مشاهدة المشاركة
كلامك جدا منطقي واتمنى لك التوفيق في باقي دراستك
لكن عندي سؤال هل الدراسة شرحها عربي ولكن المصطلحات انقلش
والا كلو الشرح انقلش
لا الشرح عربي ويشرحو المصطلحات بالانقليزي والعربي

 

غريب عزيز غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 01:32 PM   #6

ططال عمري

الصورة الرمزية ططال عمري

 
تاريخ التسجيل: Jul 2011
كلية: كلية الهندسة
التخصص: [CHE] هندسة كيميآئية
نوع الدراسة: إنتظام
المستوى: متخرج
البلد: جــــدة
الجنس: ذكر
المشاركات: 2,656
افتراضي رد: كم نصيحة من أخوكم "المجرب" لطلاب التحضيري

يعطيكك آلف عآفيةة ع آلموضوع ,

آتمنى تعم آلفآيدة لـ جميعع آلطلـآب =)

بس بغيت أنبه على شيء , آلـآنجليزي مهمـآ بديت من أي ليفل مآ يأثر للرفع !
أنـآ جربت و لعبت بـ معدلي آنو آجرب من أي ليفل أبدأ ,
كلهـآ نفس آلشيء و نفس آلمعدل , بآختلـآف شيء جداً جداً بسسيط ,

فـ آللي عآرف آلـآنقلش و مممرة بيرفكت , آنصحه يدخل آلـآختبآر و يريح نفسه و يفضى للموآد آلثآنية ,
آمـآ آللي مو عآرف آنقلش تممـآم فـ آنصحهه يدخل من آلمستوى آلـآول و يستفيد مرة =)

 

توقيع ططال عمري  

 

لا إله إلا الله , وحده لا شريك له , له الملك و له الحمد , و هو على كل شيء قدير ,"

 

ططال عمري غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 02:24 PM   #7

غريب عزيز

Doctor of Pharmacy

الصورة الرمزية غريب عزيز

 
تاريخ التسجيل: Oct 2011
التخصص: صيدلة سريرية
نوع الدراسة: إنتظام
المستوى: الخامس
الجنس: ذكر
المشاركات: 495
افتراضي رد: كم نصيحة من أخوكم "المجرب" لطلاب التحضيري

المشاركة الأصلية كتبت بواسطة ططال عمري مشاهدة المشاركة
يعطيكك آلف عآفيةة ع آلموضوع ,

آتمنى تعم آلفآيدة لـ جميعع آلطلـآب =)

بس بغيت أنبه على شيء , آلـآنجليزي مهمـآ بديت من أي ليفل مآ يأثر للرفع !
أنـآ جربت و لعبت بـ معدلي آنو آجرب من أي ليفل أبدأ ,
كلهـآ نفس آلشيء و نفس آلمعدل , بآختلـآف شيء جداً جداً بسسيط ,

فـ آللي عآرف آلـآنقلش و مممرة بيرفكت , آنصحه يدخل آلـآختبآر و يريح نفسه و يفضى للموآد آلثآنية ,
آمـآ آللي مو عآرف آنقلش تممـآم فـ آنصحهه يدخل من آلمستوى آلـآول و يستفيد مرة =)
الانقليزي يؤثر على النسبة بشكل كبير لأنه يعادل 6 ساعات في المعدل كل مستوى ساعتين

تحياتي ،

 

غريب عزيز غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 03:45 PM   #8

AlSAbEi

جامعي بس حظي ما جاء معي !

الصورة الرمزية AlSAbEi

 
تاريخ التسجيل: Mar 2010
كلية: كلية الهندسة
التخصص: هندسة ميكانيكية
نوع الدراسة: إنتظام
المستوى: السابع
البلد: جــــدة
الجنس: ذكر
المشاركات: 238
افتراضي رد: كم نصيحة من أخوكم "المجرب" لطلاب التحضيري

الله يعطيك العافية أخوي غريب عزيز..

بالنسبة للإنقليزي.. أنا أخالفك فيه..
والله يا انه ممل وطويل وغثاء وقرف وكل أبو شيء :&
فـ اللي مستواه كويس انصحه يختبر ويفتك.. بعدين جدوله بيصير مريح مرة وعنده وقت كثير يذاكر المواد الثانية.. =)
أما تنكرف كل يوم 3 أو 4 ساعات وانت بإمكانك تعديها..

وكانو الاولاد بالانقليزي يقولو يللا نسحب اقللهم اسحبو بكيفكم انا قاعد
<<~ أكثر حركة كانت تقهرني نقرتين لعرض الصورة في صفحة مستقلة
ليه تسوي كذا ليييه.. حرآآم نقرتين لعرض الصورة في صفحة مستقلة

 

توقيع AlSAbEi  

 

نقرتين لعرض الصورة في صفحة مستقلة

 

AlSAbEi غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 04:10 PM   #9

غريب عزيز

Doctor of Pharmacy

الصورة الرمزية غريب عزيز

 
تاريخ التسجيل: Oct 2011
التخصص: صيدلة سريرية
نوع الدراسة: إنتظام
المستوى: الخامس
الجنس: ذكر
المشاركات: 495
افتراضي رد: كم نصيحة من أخوكم "المجرب" لطلاب التحضيري

المشاركة الأصلية كتبت بواسطة alsabei مشاهدة المشاركة
الله يعطيك العافية أخوي غريب عزيز..

بالنسبة للإنقليزي.. أنا أخالفك فيه..
والله يا انه ممل وطويل وغثاء وقرف وكل أبو شيء :&
فـ اللي مستواه كويس انصحه يختبر ويفتك.. بعدين جدوله بيصير مريح مرة وعنده وقت كثير يذاكر المواد الثانية.. =)
أما تنكرف كل يوم 3 أو 4 ساعات وانت بإمكانك تعديها..

<<~ أكثر حركة كانت تقهرني نقرتين لعرض الصورة في صفحة مستقلة
ليه تسوي كذا ليييه.. حرآآم نقرتين لعرض الصورة في صفحة مستقلة
والله ممتع خصوصا لو الدكتور حقك مرح

بخصوص المدة الطويلة طبعا لازم تستحمل صحيح في ساعات كان الدكتور ما يعرف ايش يسوي فيها لأن الوقت طويل لكن هدا الموجود ولازم تستحمل في النهاية انت جاي تدرس ولازم تتحمل

ما ينفع يعديها ويفتك وهي فرصة ذهبية لرفع المعدل

تحياتي ،

 

غريب عزيز غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-07-2012, 05:12 PM   #10

rooose93

جامعي

الصورة الرمزية rooose93

 
تاريخ التسجيل: Oct 2011
التخصص: تقنية مختبرآت طبية
نوع الدراسة: إنتظام
المستوى: الثالث
الجنس: أنثى
المشاركات: 62
افتراضي رد: كم نصيحة من أخوكم "المجرب" لطلاب التحضيري

بالعععكس ،،
إذآ مآعنده إنقلش أحسسن ،،
الآنقلش يآخذ الوقت كككلهه
بس اذآ مآعندهه إنقلش يقدر يتفرغغ للموآد وبآلرآحةة يرفعع معددلهه
بس الآنقلش وعع أوقآتتته طويييييلةة
(( كننآ بنآخذ التوفل )) <
مرةة مآلو دآععي الآنقلش ، وآللي بيبدأ من ليفل1 (( الله يعيييييينهه ))
هوآ سهل مرآ بس سآعآتهه طوييلةة مرآ < النآس تروح بيوتهآ وإنت بكلآس الآنقلش :(

 

rooose93 غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:07 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023