د.ماثر الراوي "حسبنا الله ونعم الوكيل"

[May A.]

بسم الله الرحمن لرحيم

افترت فينا د.ماثر دا الترم في syntax
مع انها طيبه وحبوبة بس
رسبت نص البنات
واللي انا وحده منهم
والنص التاني ماخدين درجات اقل مما يستحقوا
انا فوضت امري لله ومو مسامحتها لا دنيا ولا اخرة
ضيعت تعبنا ترم كامل

[sara*]

طيب بدل ماتتحسبي عليها راجعي ورقتك
ماثر جدا انسانه راقيه لووحده غيرها كان صدقت
يعني لة انظلمتي الدرجه تتعدل

ف اذا متاكده مره راجعي ورقتك وراجعيها

[OFF]

د.مأثر انساااانه راقية ومحترمة ويهمونها البنات ومصلحتهم مستحيل تظلم أحد ولو رحتي راجعتيها وكان في غلط بالترصيد اكيييييييييييييييييييييييييييييييييييييد بتعطيك حقك
ولا تتحسبين وتدعين عليها لأنه يمكن ترجع عليك الدعوة لو ماكانت ظالمتك :(

[joory]

وانا كمان رسبت في السنتاكس وهذا اخر شيء كنت اتوقعه

[rawan22]

يا بنات حرام لا تدعوا عليها


والله ما تظلم احد .. انا اخدت معاها الترم اللي فات وحملت الماده

بس لما اخدتها دا الترم عرفت اني كنت اغلط كتير واحسب اجاباتي صح

راجعوها وحتعرفوا اخطائكم

[joory]

طيب روان ذا الترم اخذتيها مع مين؟؟؟

[زيـــنـــة]

شوفي ، ممكن تقولي شرحها ما يوصل برغم انها فاهمة و تحاول تفهّم ، و لكن ظلم ما تظلم ، أنا اخدت المادة دي 3 مرات و كلها مع د.مآثر ، و عرفت انو كل مرة عندي أخطاء قد الدنيا ، المادة مرررة مو سهلة و بجد أحس اني فهمتها في آخر مرة أخدتها فيها ، ماكنت اغيب و كنت انتبه و اسأل عن اللي مو واضح و حقيقةً هيا ماقصرت معانا في الشرح و كمان في طريقة الأسئلة ،،

الله ييسر أمركم و يسهلها عليكم و بإمكان المتأكدة من إجابتها مراجعة ورقتها و لكن يبدو انو في بداية الترم الجديد زي دايما و الله أعلم ,,

موفقين يارب دايما و أبدا ،،

[rawan22]

برضو اخدت مع د ماثر

بس نفس كلام زينه احضر ومااغيب ولو في شي مو فاهمتو اسأل البنات

والحمدلله عديت دي المره

[ُEnglish so good]

لا حرام يا قلبو عليها د ماثر ما اظن تكون رسبتك ظلم
ارجعي لها وشوفي الورقة بس انا معاك السنتاكس شوي صعب
والله يكون في العون

[Dalia]

بصراحه اكتشفت انو السنتاكس مادة غبية .. خصوصا لمن تاخديها مع د.مأثر
انا نفس الشي اخدتها مرتين وكلها معاها..
أول مرة ماكنت فاهمه الدنيا.. ولا ادري راسي من رجولي.. مع اني كنت احضر كل يوم ..!
بس لمن اخدته مرة تانية ومعاها.. عرفت قد ايش انا عبيطة.. والسنتاكس سهل.. لو فهمتيه..

وعلى فكرة د.مأثر مو من النوع اللي يصعب الاسئلة
بالعكس قد ما تقدر تحاول تسهلها عشان لحد يرسب عندها.