الفرق بين الترجمة و مهارات اللغة الإنجليزية

[saadoony]

المشاركة الأصلية كتبت بواسطة sherlock لاتستعجل اخي الكريم

المشاركة الأصلية كتبت بواسطة sherlock اظن ان امر اكمال الدراسة للماستر يكون أسهل عندما تكون موظف حكومي بعكس الشركات. مافي الا تكمل ماستر ترجمة، سجل ونا خوك ولاتتردد وبعدها بكيفك.

حالياً كمنتسب كانت عندي موافقة من مرجعي القديم وكانوا يعطوني إجازة إختبارات لين وصلت للمستوى الخامس وتم إلغاء الموافقة بحجة أنه ينبغي على الجميع التقدم بموافقة من المرجع الجديد بالنسبة لإكمال الماجستير راح أكمل بإذن الله سواءً وافق مرجعي القديم أم لم يوافق ولو أستدعى الأمر تقديم إستقالة لأستقلت في سبيل إكمال الطموح وفي النهاية الشكر الموصول لـ white rose, ابو هيثم, دعدعيه, sherlock, المسعودي الهذلي مع تمنياتي لكم بالتوفيق دنيا وآخرة

[غروب ج]

السلام عليكم ورحمة الله ًً......كل عام وانتم بألف خير شكراًً لمن طرح هذا الموضوع. وأنا صراحه قدمت على ابتعاث خارجي وأرسلوا علي ايميل يفيد بقبولي ما ستر لغويات. في ولاية كاليفورنيا بس الصراحة أنا محتار بالنسبه للعمل هل افضل أو أخذ أجازه للدراسة ولا أهون من الدراسه أفيدوني جزاكم الله خيرا. أخوكم فالح الذيابي شغال في احد المستشفيات العسكريه العمر 26

[saadoony]

المشاركة الأصلية كتبت بواسطة غروب ج السلام عليكم ورحمة الله محتار بالنسبه للعمل هل افضل أو أخذ أجازه للدراسة ولا أهون من الدراسه

وعليكم السلام ورحمة الله وبركاته
أنا مع الطموح دائماً ولو جاتني مثل فرصتك لأغتنمتها لكن قبل كل شئ عليك بالإستخارة وإستشارة من حولك ولازم تشد حيلك لأن الدكاتره هناك راح يعاملونك مثل الأمريكي ولازم تختلط مع الأمريكان لأنه ممكن تمر عليك محاضرات يصعب عليك فهمها وأهم شئ لازم تأمن نفسك مادياً لا تعتمد على مكافأة الملحقية لأنها ممكن تنقطع في بعض الأحيان وخلك قعيطي وفي المطاعم نظام أمريكي كل واحد يحاسب عن نفسه والكرم بحدود لأنه في نهاية المطاف راح تكون الأندومي وجبة رئيسية أسألني أنا عشت 6 شهور بتكساس وبغيت أصير Homeless بسبب غلاء المعيشة مع تمنياتي لك بالتوفيق

[ياسر السروي]

لتستفيد من التصنيف فلا بد من تخصص الترجمة . وفي جامعة الملك عبدالعزيز يوجد بها تخصص ترجمة لمن اراد الماجستير المدفوع وايضا الانتظام