مين داومت اليوم..؟

[mesk-3]

تسلمي اخت زينة,,

وهي لو على الاسئلة فكثييييييير وكلها تصب في مجرى واحد,,

ناوية احذف هالمادة,, لاني خايفة من الاستاذة,, اش نصيحتك,,,

[زيـــنـــة]

أنا شخصيا أشوف انها أفضل من غيرها في نفس المادة ، يعني د.مآثر هيا الوحيدة اللي تعطي دي المادة ، و أنا أخدتها الترم الماضي معاها و حملتها ، لأني من النوع اللي أفهم ، د.مآثر ما تشرح بس تقرأ اللي عالبروجكتور و تمشي ، و تجيب أسئلة تعتمد عالفهم و أنا ما كنت أساسا أفهم معاها !

فـ صاحبتي أخدت الترم اللي فات مع د.نهى و مدحت شرحها و أسلوبها ، و شجعتني اني أسجّل معاها دا الترم ، و سجلت و شفت أسلوبها و شرحها و بالنسبة ليا أفضل بكتيييير من د.مآثر لأنو د.نهى تشرح بتفصيل و ببساطة في نفس الوقت ، فـ تقدري تستوعبي و لو ما فهمتِ تقدري تسأليها تاني و تجاوبك و مرررررة أخلاقها عالية و أعطت انطباع كويس عنها الحقيقة ، و الحمدلله صاحبتي نجحت و جابت معاها درجة كويسة ,,


ما بيننا شكر عزيزتي ، أنا موجودة في أي وقت متى ما حبيتي تسألي

[xoxo]

المشاركة الأصلية كتبت بواسطة زيـــنـــة هيا ماشالله عليها ممتازة ، تشرح و تفهّمك كل شي و أخلاقها مرة عالية ,, أخدت حضور و غياب ، و أعطت توزيع الدرجات و مواعيد الـ Quizzes ، و قالت حـ تعلّقها على مكتبها بعدين ,, بالنسبة للكتب هما 3 ، 2 منهم رئيسيين ، و 1 نصحت بقراءتو و قالت جدا ممتاز و يفيدنا ,, * Introducing Transformational Grammar : Jamal Ouhalla,2002 * Sentence Structure : Nigel Fabb,2005 * 1999 ,Introduction to Government & Binding : Lilian Haegeman ^^ دا هوا اللي مو مقرر رئيسي ،، أتمنى أكون أفدتك ، و قالت انو احتمال العبيكان يوفر الكتاب الأول ، و الباقية ممكن تلقيها في مكتبة الأمين ,, أنا تحت أمرك في أي سؤال

لو سمحتي ممكن اسألك اذا ادت محاظرات كثير يعني فاتني شي مهم ؟
اممم انا عندي السنتاكس احد وثلوث , هيا حضرت يوم الاحد يعني ؟
المشكله مااقدر احضر اليوم ولا بكرا اخاف تفوتني اشياء مهمه :(

كمان نفسي تجاوبوني اذا الاستاذات ( منال التاودي , صفاء , ابرار )
حضروا كمان او لا ؟!

[زيـــنـــة]

ايوا عزيزتي ، د.نهى جات يوم الأحد و حضرت و أعطت محاضرة لمدة ساعتين تقريبا و أخدت حضور و غياب و شرحت فصلين و قالت اقرأو التالت ,,


بالنسبة للباقيين ما أعرف لأنو انا ما حضرت غير syntax

[xoxo]

شكرا زينه , و كويس قلتي لنا الكتب اللي طلبتها
يعطييك العافيه ريحتيني كثير :)

..

لسا ابغا اعرف اذا حضرو الاستاذات اللي قلتهم فوق ,
بليز اللي يعرف يقولي :)

[الإمبراطورة]

المشاركة الأصلية كتبت بواسطة honeya بنات مين الي بتآخذ ريسيرش مع سوزااان ؟! وهل بدأت تعطي محاضرات ولا لا مره خايفه منها؟! وابغى اسأل عن صفا المنصوري وابتسام كمان هل يبدون بدري ولا لا لانو فيه بنات اعرفهـم سألوا دكتوره رندا وقالت لهم بنفسها انو مافي ذا الاسبوع محاضرات استغربت كلامها

بالنسبة للدكتورة سوزان ما أعطتنا شيء لأنو ما جاء إلا طالباتين وقالت خلاص نتقابل يووووم السبت..
(((((علماً بأني من شعبة الساعة 10)))))))
أما دكتورة صفاء فدرستني السيمستر اللي راح و حضرت من يوم الأربعاء وألقت مقدمة عن المنهج وعن طريقتها......

[redcandle]

اختي زينة انا نزلت لي مادة النحو مع استاذة نهى بس مامدحولي وقالوا انو كثير ياخذوا f عندها فيها وناوية احذف المادة ويليت اذا تعرفي اي شي عن استاذة نهى افيديني بببببليز

[redcandle]

اختي زينة بس كنت ابغى اسالك انا نزلت لي مادة النحو مع مس نهى بس مامدحولي فيها ويقولوا كثير اخدوا f عنده وناوية احذف المادة افيديني بللللللليز

[زيـــنـــة]

redcandle ، أنا شخصيا أشوفها ممتازة و أفضل بكتير من غيرها ، يعني لو جينا على حكاية الـ F فـ أنا قدامك و كنت آخدتو مع د.مآثر و معايا بنت في شعبة د.نهى كانت برضو الترم الماضي مع د.مآثر !


د.نهى اللي يبدو لي عليها انها انسانة متّزِنَة ، و شرحها مرة كويس ، و تقدر توصّل لك المعلومة حتى لو ما كنتِ فاهمة ، و تعطيكِ مجال انك تسألي و تستفسري كل اللي منتِ فاهمتو تعيد لك هوا ألين تتأكد انو وصل لك ,,


مافي أحد تاني غير د.مآثر يدرّس المادة دي ، إذا حابة تكوني وحدة من طالباتها شي يرجع لك ، بس أنا شخصيا أشوف انو د.نهى تشرح مو تقرأ !


لكِ حرية الاختيار ، أنا بيّنت لك كل شي و انتِ عليكِ تختاري لأنو دي مسؤولية و ما أحب أتحمل مسؤولية أحد و عشان ماحد يجي يلومني بعدين ،،

انتِ احضري لها الأحد القادم ، و شوفي أسلوبها بنفسك ، إذا عجبك شرحها و اقتنعتِ انك مرتاحة معااها اتوكلي على الله و كملي ، و أنا قلت انو صاحبتي أخدت معاها درجة كويسة الترم الماضي و دا اللي شجّعني و لا تنسِ مجهودك و مذاكرتك ، و مافي F يجي من دون سبب ، انتِ اعملي اللي عليكِ و حقك محفوظ بإذن الله ,,