المنحة للطلاب المقيمين

[nadaa]

السلام عليكم
الحمد لله انا انقبلت بقسم الكيمياء الحيوية وطابقت الاوراق ، ولكن بنهاية المطابقة الموظفة قالت لي بان الطلاب غير السعوديين يلزمهم منحة من الوزارة ، وانهم رح يقدمولي طلب واذا جت موافقة بيكلموني ، هل عذا اجراظ روتيني والا ممكن ما احصل عالمنحة ؟؟

[ibtihalmakki]

حياك الله اختي
انا مثلك و سمعت انه اجراء روتيني بس
الله يوفقنا جميعا و يكتبها لنا قبل بداية الفصل الدراسي

[nadaa]

اللهم امين .. يا رب

[المتفائله بالنجاح]

انا كمان مقيمه وعملت مطابقه وقالت لي زيكم بس في خانة مطابقة الاوراق مازالت هناك دائرة حمراء بدلا من وجود علامة صح ليش هل لان الموافقة من الوزارة لم تاتي فنعتبر مقبولين مبدئيا افيدوني جزاكم الله خيرا

[nadaa]

هلا اختي .. انا مثلك طابقت والايقونة ما زالت حمراء .. ما عندي معلومات افيدك .. ان شا الله الي عنده معلومة يساعدنا

[متاخره واااايد]

السلام عليكم ورحمة الله وبركاته
عزيزاتي انا ايضا انقبلت وقالولي انتظري الين يجينا رد الوزارة بخصوص المنح
وخشيت المنتدى الجامعي وجدت طلاب السنه اللي فاتت جاهم القبول على الفصل الثاني ومنهم من جاءه القبول هذه السنه
نقول السنه هذه ان شاء الله يجي القبول على رمضان متفائلة خير
واللي عندها اي معلومه ياليت تفيدنا
وياليت الموضوع هذا يثبت بحيث نعرف التطورات بخصوص المنح

[جوهرة الانور]

طيب حبيباتي أنتو من فين قدمتو ع المنح
انا مخلصه بكالوريوس ونفسي اكمل ماستر

[متاخره واااايد]

جوهرة بالنسبة للتقديم عادي تشوفي شروط الماجستير اللي مقدمة عليه هل يقبل طلاب غير سعودين , وذلك عن طريق موقع الجامعة -) عمادة الدراسات العليا
وفي حالة استوفيتي كل الشروط بامكانك التقديم عادي والتسجيل في فترة فتح التسجيل للماجستير وبعدها تنتظري هل تم قبولك ولا لا وان تم قبولك تنتظري رفع الاوراق الى الوزارة لقبول المنحة
وهذا اللي احنا اللحين فيه ننتظر رفع الاوراق وتحديد متى تنزل ارقامنا الجامعية والبدء بالدراسة
فتح التسجيل للسنة الجاية انتهى بس بامكانك التسجيل للسنة اللي بعدها
شوفي ايش الشروط (مثل اللغة الانجليزية او القدرات) وحاولي من اللحين تتجاوزيها

[عماد الحسن]

اهلا وسهلا بالجميع ،، مبروك القبول في الماجستير والله يتمم فرحتكم قريباً

حاليا انتم اجتزتم الخطوة الأصعب وهي قبول الجامعة، والباقي سهل بحول الله ومسألة وقت
علماً بأنه توجد مقاعد مخصصة لغير السعوديين في كل الجامعات وغالبية التخصصات
الخطوات الباقية هي من عمل الجامعة ولا سلزمكم تقديم أي شئ في هذه المرحلة
في الأيام أو الأسابيع القادمة انتظروا البشائر الطيبة ،، وفقكم الله وسدد خطاكم

[همس الغلا]

السلام عليكم ..
حبيت أستفسر من الأخوة والأخوات اللى حصلو على قبول ايش الأقسام اللى قبلوكم فيها ...؟
أنا تخصصي ادارة اعمال هل يسمحولي اكمل ماستر بنفس تخصصي ولا مو مسموح لغير السعودين هالتخصص ...
ولكم جزيل الشكر ..