اختبار مشاريع صغيره واسئله غير متوقعه

[العكرش]

الاختبار الحقيقه مليء بالاسئله الماكره التي تحمل اكثر من احتمال تجاوب وشوي تغير الجواب وانت فاهم

الاختيارين الاخيره كل الاجابات خطا وكل الاجابات صح هذي مما يزيد الاسئله حيره

مافي شك فيه بعض الفقرات سهله لكن عدد كبير غير متوقعه
مثل سؤال التعريفات الجمركيه
وسؤال الولاء الابوي جابه في فقرتين
والمصطلح الانجليزي

الله يعديها على خير

[عاشق دبي]

فعلا اختبار يخليك تحط يدك على قلبك

وانا رايح اسلم الورقه اناظر باللي معي بنفس الصف كل واحد اجاباته مختلفه عن الثاني واختلاف كبير يبان من التظليل

الله يعديها على خير .. والظاهر نحتاج نكلم الدكتور فيها ..

[supeer]

اخر ترم والله يعديها على خير

[الأستاذ برغش]

الدكتور الغمري وش يحس فيه وهو يحط الاسئلة ياليتها كانت عند كااااااسر ارحم ولا تغيرت الله يسرررررررررر

[عجلان العجلان]

والله الاسئلة غير متوقعة ابداءً سببتلي لخبطة كبيرة

لكن ما نقول غير الله يسهل الامور ويسخرلنا الدكتور ويحنن قلبه علينا

باين عليه ابن حلال إن شاءالله وكريم وحنا نستاهل

[شاد حيله]

صحيح الاسئلة تحيرك ولو كنت مذاكر

الله يهدي الدكتور ،، كان مو لازم الفقرتين الاخيره

[suloveam]

الله يعديها على خير

الله يسامح الدكتور ويهديه تحس انه يتلذذ في خلط الأفكار وتعقيد الطلاب

[البرنس الذهبي]

ياليتها عند كاسر انا كنت بالدورة التاهيلية مع الغمري كان رجل طيب

والله ماتوقعت انه تطلع منه هذي الاسئلة

السوال اختيارات لو تشوف الخيار (أ) و (ب) تحتار

تنزل تشوف المطب (ج) قدامك تنزل عن المطب يجيك الحاجز الحديدي (د)

اسئلة لو معي الكتاب تفحط للاجابة عليها


غريب امره يعني الله يهديه مايبي يدرس الانتساب ضربنا في الاختبار علشان نكون عبرة للدفعات القادمة

[kaled150]

حسبنا الله على من حط الاسئلة يعني يتفلسف على طلاب مستواهم انتساب وغير كذا قاعد اقارن بين الدكتور العيتاني وبين دكتور هالماده الغثيثه بصراحه فرق كبير العيتاني في اسئلة ثقافات متعدده الطلاب طلعوا من الامتحان يدعون له وهنا لمن طلعنا من اختبار المشاريع الصغيره قاعدين يدعون على من حط هذي الاسئلة الوسخه بس يستاهل اكثر ماادري متى يعقلون هالدكاتره احس عندهم عقد نفسيه

[ضلع طويق]

غير انها صعبه اصلاً طالع عن التحديد بعد
الله ييسرها ان شاء الله وننجح امين يارب