عزالحلم..

[ظافرالغالبي]

مشاركه اتمنا تحوز عرضا ذائقتكم

ياسـلام الله ســلامٍ ممتـلـي=بالشذى والورد وأنواع العبيـر
ياحزامـي يايمينـي ياهـلـي=ياسعد يالذيب ياخـوي الكبيـر
أنت نجمٍ فـي سمايـه معتلـي=مشغلٍ بالي وانا عبـر الأثيـر
يعلم الله جارت ضروفي علـي=حايرٍ والجفن من همٌي سهيـر
أبتسم والقلـب نـاره تسطلـي=وأرتوي من قيظ وقتي والهجير
وأشفي جروح العليل ومبتلـي=وأحترق شمعة لأجل غيري ينير
ماعلي ثيـاب وأكسيهـم حلـي=ضاميٍ حتى وانا جنب الغديـر
وأنت زبنـي يازبـون المبتلـي=فزعتك ياغلى من الغالين غيـر
مسندي ياسيف أبو طالب علـي=وا هني من جاك من وقته جوير
طحت في عـدٍ تنازفـه الدلـي=ودٌي أنهض بس انا ساقي كسير
وأنتخي لكـن ماحولـي شلـي=وآتعثر كل ما آحـث المسيـر
غير به قـرمٍ رفيـع المنزلـي=يشبهك فالعقل لو انٌـه صغيـر
ماقفه صوب الرفيـق يجملـي=تستوي وايٌاه في عينـي كثيـر
يحتمل همٌي ويزعـل لزعلـي=وان عثرت يفز ويجينـي نذيـر
يحتمـي والهـم منٌـي ينجلـي=لا نخيته وافي ونعـم العشيـر
والهموم اللي بجوفـي تشعلـي=كل ما هانت تحـوٌل زمهريـر
زوٌدت حزني وضيقي وخجلي=يوم انا أحيان ماطيـع الشويـر
وا هني منهـو بقفـرٍ ممحلـي=مامعه مع خيمته غيـر البعيـر
عايـشٍ والـرب بـه متكفلـي=ساليٍ من همٌي وجرح الظميـر
والا انا يامن نشـد متسلسلـي=من قروم نسلهـم جبرالكسيـر
لابـةٍ يـوم الزمـان الأولـي=تقطع الكيل وتصـدٌى للمغيـر
أعرف المخراج وأعرف مدخلي=لا بدت سود الليالـي تستديـر
للوفا والطيب ماحـن نجهلـي=نعتلي يوم الردي حبله قصيـر
ياسعد طالبـك تكفـى ردٌ لـي=السنة راحت وانا وضعي خطير
حيث أنا خابرك مانت بغافلـي=عن يسير اللي جرا لي والعسير
لا تخلينـي كــذا متبهـذلـي=وكل عام وأنت يالغالـي بخيـر
حتى لو فالقبـر تكفـى ردلـي=لوبعزالحلـم مامـت وبخـيـر

[( vip )]

والا انا يامن نشـد متسلسلـي
من قروم نسلهـم جبرالكسيـر

لابـةٍ يـوم الزمـان الأولـي
تقطع الكيل وتصـدٌى للمغيـر

أعرف المخراج وأعرف مدخلي
لا بدت سود الليالـي تستديـر

للوفا والطيب ماحـن نجهلـي
نعتلي يوم الردي حبله قصيـر



ابداع ياظافر


صح لسانك وسلمت يمينك يالغالي

[ظافرالغالبي]

ولسانك لاهنت طال عمرك