محتاجة مشورتكم يالغاليين جاتني منحة صيدلة وانا تمريض ومو عارفة ايش اختار

[ranad]

السلام عليكم ورحمة الله وبركاته

كيفكم ياغالييين عساكم بخير ان شاءالله ومستعدين للدراسة

انا محتاجة مشورتكم انا الحمدلله خلصت السنة التحضيرية وجبت معدل 4.50 وكان حلمي طب اسنان لكن لللاسف قدر الله وماشاء فعل جاني في الفرز تمريض وانا ماابغى

انا كان حلمي طب الاسنان ولو مو طب اسنان طب بشري ولو مو طب بشري صيدلة لانو انا حلمي اسير دكتورة

وجاتني منحة في ابن سينا صيدلة ومرة خايفة ماني عارفة ايش اختار وانا ماابغى تمريض

والتحويل في جامعتنا صراحة مااضمنه وماشاءالله كل سنة بزيد معدلات البنات فايش اسوي هذه فرصة وخخايفة اضيعها من يدي

اتمنى تردوا عليه بسرعة عشان لازم اسحب ملفي

تسلمو اختكم ranad

[J‎​σjέτ‎​​α‎ ~]

آهلين يآإ حلوهـ ,,

انا شآيفة مادام انو الصيدله كان احد الخيآرات عندك من الاول , فـ الاحسن انك تدرسي الصيدله ,

والتمريض بآين انك شآيلتو من رآسك مررهـ , وماينفع تدرسي شي انتي اصلا مانتي حابتوو ومادام عندك الفرصه انك تدرسي شي متقبلتو وراضيه فيه فهو الآحسن ,

وآلله يوفقك ويوفق الجممميعً يآرب , :*

[Ma7a]

وعليكم السلاام,,,

انا من يوومين كنت نفس حكايتك ,,جاتني منحة صيدلة بس في البترجي ,,,
وكنت مررة محتارة,, وسمعت كلام كتيييييير عن البترجي مو كوويس واستخرت وما ارتحت فا بطلت,,
وكنت ابا احول لابن سينا بس ماقدرت ,,
وقلت ان شاء الله الترم التاني اروح ابن سينا صيدلة,,,


بس مدام جاتك في ابن سينا,,اول شي استخيري واقبلي ,,
لانو ابن سينا كل الناس تشكر فيها ,, دراستها كويسة وعندهم نظاام ماهم فوضى,,,

واعرف وحدة اتخرجت من ابن سينا صيدلة واتوظفت في مستشفى التخصصي حكومي ,,

يعني من ناحية الشهادة اتطمني,, والشهادة معترف كمان بيها في الخارج لانو الجامعة نفسها تحت اشراف وزارة التعليم العالي,,,

وانا ماخليت احد يدرس فيها ولا مايدرس الا وسألتو ابن سينا ولا البترجي والكل جاوبني نفس الشي ((ابن سينا طبعاً))

ووبس ,, وطبعا اول واخر شي الاستخارة ,, والله يووفقك

[ranad]

تسلمولي حبايبي

ma7a

والله انا استخرت الف مرة ومرة خايفة ايش اسوي بس مو عارفة واستخرت مررررررة كتيييير وسبحان الله جاتني المنحة بس لما جات خفت

هههههههههه ياحياتي انا تسلميلي

[Miss BaYoOon]

وافقي

[Ma7a]

طيب ابا اسألك اللي جاتك منحة من الوزارة ولا من الموارد البشرية ؟؟

[ranad]

لا الموارد

[nona2009]

معدلك ماشاء الله حلو بس يبغالك تحافظي عليه ماينزل وتحولي
وازا قدرتي ترفعيه تضمني تحويل اكتر دا بالنسبه لو تبغي عبد العزيز
تخصص الصيدله كمان الحلو ومطلوب في الوظائف وجامعه ابن سينا الكل يمدح فيها
وانتي استخيري والله يختارلك اللي فيه الخير ^_^
ابغى اسألك كيف قدمتي ع المنحه وانتي ماسحبتي ملفك مو المفروض تسجلي في ابن سينا وتدفعي وبعدين تقدمي ع المنحه

[JuStice]

.

ممممم المفروض تفكري في التخصص نفسه ودراسته وتشوفي إيش المواد اللي تحبيها وتدخلي تخصصها ,

لكني أحسك تدوري فقط على المسمّى بغض النظر عن طبيعة الدراسة اللي ممكن تنصدمي بيها فيما بعد - احتمال وارد جدًا - .. على أي حال ,

توكلي على الله و روحي ابن سينا .

.

[ranad]

معليش ma7a مو راضية توصلك والله

شوفو حبايبي انا والله وديت صورمن اوراقي وقدمت عالمنحة لا ماتدفعي الا 3000 هذه بالنسبة للموارد وبس لانو عليه مفاضلة يعني ياخذولها نسبة موزونة زي ماقدمنا في الجامعة

وبالنسبة للتحويل من البترجي ل ابن سينا انا اعرف انو مايحولوا المنحة من كلية لكلية بس انتي اتاكدي بنفسك من الموارد واهم حاجة اساليهم تقدري تسجلي السنة الجايةولالا

انا خايفة انو يكون التخصص مررة صعب هذا الي مخوفني