التحويل !!

[بطاطس ماكدونالدز]

حابه اغير تخصصي خااااااااانقنني
من كليه اداره و اقتصاد( اداره التنظيم و التطوير الاداري) الى كليه الاداب (اعلام او علم اجتماع)
*معدلي:2,22
الساعات المكتسبه:23
الساعات المسجله:37*

من جد ابغى احول و مني عارفه كيف..
لو سمحتم افيدونــــــــــــــي..الله يوفقكم..

شكرا شكرا :)

[المهرة]

حاسة فيكي والله لانها كانت مشكلتي حاولي تذهبى الى جامعة وغيرى التخصص مبنى الجوهرة عن الاستاذة مروج اللة يسعدها واذا حولتي بشريني

[بطاطس ماكدونالدز]

شكررررا.... اديتيني امل الله يعطيكي العافيه و يوفقك ..لان الكل يقول صعب..استاذه مروج الاقيها في اي وقت؟ ولا في اوقات معينه؟؟

[نكهة آندومي]

على خبري يوم جيت احوول
علم الاجتماع
الاداب عموما طالبين 3 وفوق
بس مدري رووحي وشووفي
بالتوفيق يااارب وبشريني

[بطاطس ماكدونالدز]

بناااااااااااات الحمدلله رحت الجامعه عند استاذه مروج و حولتني الى اداب..قالتلي ما يقبلك غير علم اجتماع..و الحين فتحت الاودس كتبين محوله..و في بقائمه التخصص انو اختار التخصص!! حطيت علم اجتماع يجيني انو..عدم انطباق معايير التخصص 0182-علم الاجتماع للاسباب الاتيه:: عدد الساعات المكتسبه:23 اكبر من الحد الاقصى!!!!
ايــــــــــــــــــــــــــــــــــــــش يعني؟؟؟ مني فاهمه! :(

[بنوتة الحربي]

علم الجتماع ما يقبلون بأقل من المعدل 2,75 هذا الكلام سمعته من موظفة مكتبها بالمبنى الثامن لمن كنت ابغى اتخصص علم اجتماع ؟؟
ما ادري إذا هاذي المعلومة تفيدك ولا لأ لكن حبيت اطرح عليك هاذي المعلومة وبالتوفيق يارب

[بطاطس ماكدونالدز]

الاساتذه قالتلي تتحولي بس علم اجتماع..و قالتلي انوا ابداء من اول اداب بس يعادلولي مواد السنه التحضيريه..و سالتها على اختبار القانون الي كان يوم المطر انوا اختبرو ولا كيف..قالتلي لو اختبرتي يتحسب من المواد الحره الي ب كليه الاداب..ممكن اخد مواد عامه بعدين يتحدد التخصص؟ صح ..مرررره مافيه اروح الجامعه تاني..يااااااااااااا مسهل الاموووور سهل يا الله.....

[سمرونة]

مبروك التحويل وطالما نقلوك إن شاء الله المشكلة هذي أسهل تنحل بسرعة إن شاء الله وربك يعين

[بقايا أنسان]

معدلى 2.29

وتخصصت علم اجتماع

لاتخافى ياعسل

[بطاطس ماكدونالدز]

إن شاء الله خيييييييييير..حشوف ايش حيحصل و اعملكم اب ديت..شكرا بنات الله يوفقكم :)