هل تم فعلا تصحيح أوراق اجاباتنا ..؟!

[تميمي عسل]

السلام عليكم ورحمة الله وبركاته

في البداية احب ابارك للي نجحوا وعدوا المواد الي عليهم ( بتفوق) . وان شاء الله نشوفكم
كلكم خريجين بإذن الله .......
لاحظت كما لاحظ بعض الطلاب الاعداد الهائلة من الطلاب الذين تعثروا في مادة.
الرايتنق 1
وانا من ضمن هذه الفئة التي تعثرت في هذه المادة . فهل تعثرنا اتى بفعل فاعل ؟!
نعم تعثرنا ايها السادة بفعل فاعل واكاد اجزم ان دكتور المادة لم يقرأ ولم يصحح جميع أوراق
الطلاب . نعم لم يقرأها اذا مزاجه وقت رصد الدرجات (ok) فابشر بالدرجات الحلوة واذا عكس
فالله يعينا ويعينكم حتى لوك حال وضامن 99 ..
وانا جالس امس مسترخي قدام التلفاز لفت نظري مسلسل اجنبي في احد القنوات الفضائية .
دكتور في جامعة امريكية كان مزاجه متعكر يكاد يجن جنونه وهو يصحح ويرصد درجات طلابه.
حتى اني لاحظت اكثر طلابه تعثروا . وفي هذه اللحظات اتاه اتصال من زوجته التي كانت على غير وفاق معه . واذا به تصلح ما افسده الزمن مع زوجها ., انتهت المكالمه وانقلب مزاج الرجال 180 درجة . واذا باللون الأحمر وحرف الـ f ينقلب فجأة الي اللون الأخضر وحرف الـ a ..
الشاهد من كلامي هذا هل فعلا دكاترنا الموقرين ينتهجون نفس منهج هؤلاء .؟ قد يأتي احد ويقول لي
هذي مسلسل وهذا غير واقعي ووووو .. لكن نعم فعلا هذا الي صاير في اكثر الجامعات السعودية ( وبعض) الجامعات العالمية .
اعود لقصتي مع مواد اللغة الانقليزيه مستوى ثالث , حقيقا تعجبت لما رأيت درجاتي 65 + 65 +f
على فكرة انا مخلص دبلوم لغة انقليزية في معهد مرموق واختبرت جميع هذه المواد ونجحت بامتياز ,
لماذا في هذه الجامعة الوضع تغير ؟ مع أني ضغطت على نفسي اكثر ودرست جميع المواد أول بأول .
لكن قدر الله وما شاء فعل ,...
اخواني اخواتي , لا اريد أن اطيل عليكم لكن تمنيت ان نجهز خطاب شديد اللهجه لعميد الجامعة أو اي مسؤول في الجامعة لايقاف هذه المهزلة الموجهة لطلاب الانتساب . فلقد مللنا من عبارات يرددها دكاترة الجامعة (انت طالب انتساب وش خلاك تدخل انقليزي ؟) أو ( انتم يالشلة الي ورا قوموا اطلعوا قدام ولا مافيه اختبار ) أو ( اشبك يابويا تبصبص فيا ؟ ) وانا قاعد اهوجس في الإجابة مانيب جنبه ..

اخيرا اتمنى من الجميع التوفيق والنجاح والتخرج في اسرع وقت ممكن ولكم تحياتي .. محمد التميمي

[أبوشنبين]

أخوي تميمي
لا تحط شيء بذمتك ، وان شاء الله الدكتور ما يبي يحط شيء بذمته

لكن ابي منك الله لا يهينك تكتب موضوع من 5 أسطر وأقيم مستواك .. وبدون الوورد عشان السبلنق
وخلنا نشوف فعلا هل الدكتور ظلمك ولا لا

[تميمي عسل]

المشاركة الأصلية كتبت بواسطة أبوشنبين أخوي تميمي لا تحط شيء بذمتك ، وان شاء الله الدكتور ما يبي يحط شيء بذمته لكن ابي منك الله لا يهينك تكتب موضوع من 5 أسطر وأقيم مستواك .. وبدون الوورد عشان السبلنق وخلنا نشوف فعلا هل الدكتور ظلمك ولا لا

ابو شنبين حبيب قلبي اول شي مبروك التخرج ..
ثانيا خل الرايتنق على جنب يمكن انا اكون غلطان ! لكن وش تقول عن السنينق والسبيكنق ؟
والله لو تجيب طالب في ثالث متوسط بيجيب 80 من سهولتها .. وانا متأكد اني حال واتفاجأ بـ 65

[صمت الغريب]

هلا اخوي وانا مؤيد الفكره بخطاب شديد اللهجة ولكن توجيهة ليس لعميد الكلية بل لوالدنا ملك النسانية فهو ولله الحمد احرص الجميع على مصلحة ابناءه وانا او من يوقع معك لا بل انا اتكفل بان انقلها حتى تكون بين يديه .. فكارثة الجامعة هذا العام لا اشببها الا بكارثة جده وماحصل من سيول مع العلم بان الاخيرة قضاء وقدر ونؤمن به ,, اما موضع الدرجات فهذا اشد وطئه لانه متعمد وبفعل ايدي بشرية لا نعلم ما هو مبتغاها

الاخ ابو شنبين ابارك لك التخرج واتمنى لك دوام التوفيق ,,, لكن مسئلة الذمة الله اعلم فيها ,, وحمل مادة اللسيننق ان لم يكن خطا اثناء الرصد فثق عزيزي فان الذمة واسعه لدى الكادر التربوي والتعليمي في هذه الجامعة

[فواز الجابري]

يا تيميمي وسع بالك ياما طلاب خرجوا من الإختبار في كامل السعادة والإبتهاج بعيون مليئة بالأمل فخورين بأن جهودهم لم تذهب سدى .......وبعد ظهور الدرجات تغيرت أفكارهم وأصبحوا يشككوا في أنفسهم تارة وفي الدكاترة تارة أخرى .....لكن في النهاية يعرفون أنه لابد من النسيان والتركيز على الفترة المقبلة وبذل كثير من الجهود لتفادي حروف ffffff ...نصيحتي توكل على الله و ركز على جهودك في النجاح والتفوق ...و أعلم بأن الله لا يضيع أجر من أحسن عملا .......وبالنسبة لمادة الرايتينق لا تغرك الأسئلة أهم شي الكتابة بعض الدكاترة لا يعترف إلا بالبرقراف ........لكن قدامك فرصة للتعويض ورفع المعدل إن شاء الله ..ولعل الله يوفقك ..........

[عبدالله الAL-HARBIحربي]

في مادة اللسيننق مليوون بالميئه أحد الامرين

يا أنهم ماصححوا

او صححوا والمشكله في رصد الدرجاات


وكل ماراحت مهزله جت مهزله واللي هم شاااطرين به طالب غير مسدد رازينها لنا

ليتنا اذا سددنا وتعبنا نأخذ بس حقنا مانبي منهم زياده او مساعده

واتحدى اي واااحد يقول مافيه ظلم بالجااامعه

المهم

ياشبااب لازم نتحرك لازم نسوي شي وانا معكم في كل شي

واتمنى عاااجلا ان نقوم بالفعل ولايكوون كلام بس ويرووح الحماس

[AL-AOLANI]

وسع صدرك وإن شاء الله امورك تزين

لازم اخوي مادام انك متاكد من اجاباتك انك تراجع الجامعه ولا تتردد ولا ترسل احد
وانسى موضوع الخطابات والله ماضني تفيدك بشي لان الي صحح ماهو واحد ولا اثنين
الظاهر مجموعه من الاساتذه
ولاتنسى لما كنا نختبر كان في اساتذه في قمة الاخلاق وفي اساتذه الله لا يوليهم لبشر
واحد اقوله في اختبار السيننق انو في غلط في الورقه تبعت الاسئله بغى ياكلني
يقول لا مافي غلط
يعني زي هذي العينه لو يصحح ماتوقع حد ينجح معاه

الله يوفقكم ويسهل اموركم

[THE EXPERT]

بصراح يا تميمي عسل

أنا أحاول دائما اني ما أدخل ولا أرد على مثل هالمواضيع

لأن بعض أخوانا يزعلون لما يكون ردك معاكس لفكرة موضوعة

ولكنني تجرأت هالمره لأني متأكد أن لك من يوزرك نصيب ==>> تميمي عسل

حتى أبعد عنك الشك تأكد أن ورقتك تصحح

والدليل أن هناك أمكانيه لمراجعــة ورقتك

وأذا أنت متأكد من حلك يا أخي راجعهم والخطأ وراد

وبعدين يجب ان تعرف ان كتابة البرقراف عليها 35 درجه وباقي الاسأله عليها 65 درجه

ويارب يكون الخطأ في الرصد وتكون درجتك أعلى مما أخذت

وروح راجعهم ترى فيه ناس واجد تــخــاف الله في جـــامعتنا

ولا تصدق كل ما يقال عن الجامعه وعن الدكاتره فأذا صدقت معلومه فـتأكد ان مئة خاطئه

والله يوفقك في باقي موادك

[الكشاف 2010]

الظاهر اللي صحح هذاك الشيايب ابو لحيه المراسل

[ام حمدان]

نفسي اعرف ليه مايكون فيه لجنة مختارة بعناية مهمتها التأكد من عملية تصحيح اوراق الاجابات عشان الي ماخاف من ربه بعدم مراعاته بالتصحيح يمكن يخاف من عقاب الي لهم سلطه عليه بالادارة
عن نفسي للآن ولله الحمد ماواجهت ظلم فدرجاتي بس الكلام كثر عن حكاية ظلم الدكاترة والدكتورات بالقسم او حتى بالاقسام الثانية الا من رحم ربي وهذا شي صراحه ماينسكت عليه

الله يهدي الجميع بس